Coffee林芊妤也坦言，其實現在瑜伽服飾生意已上了軌道，也有不少固定及客源。她說：「生意額真係好難講，億億聲應該難啲，但係都一定過八位嘅，七個零，好平均。」一年還是一個月？她回答：「開心嘅，唔講咁多啦，自己都好努力。我諗緊自己touch wood都算係咁，因為呢半年經濟真係好差，好多行業都非常差，自己生意比起之前都有影響，但係都算好好，見到發展得好平穩，收入都可觀嘅。」
問起她一個月可以賣多少件衫？Coffee林芊妤坦言：「呢個真係唔知喎，要問返啲同事先。因為我而家好少睇後台嘢，淨係睇個number，同埋我係負責設計衫嗰方面。我入個量都大嘅。」她解釋，現在公司運作模式已不再是初初開業般「期間限定」、「賣晒就冇」，而會購入更多數量，希望有興趣的朋友都買到。她說：「其實啲衫一個月內就會斷碼，不過而家就會再入多啲。其實唔止香港，連澳洲、美國、英國或是沙地阿拉伯都有人買，台灣、馬來西亞都有。」
-> 
