原來暗瘡既根源係洗面乳/護膚品

人嘅皮膚根本唔需要用洗面乳 暗瘡多數係用得太多洗面乳 所以試下早晚用清水洗面 啲皮膚就變返正常人

但嚴重起上嚟真係點洗都唔work
洗得太乾淨分分鐘出油仲多咗...
仲未計凹凸洞呢啲根本自己唔會搞得到

凹凸洞就出去俾人搞算啦
呢啲情況要用機先得㗎喇

過度清潔會破壞皮膚屏障，分分鐘仲衰過唔洗

你本身油性/暗瘡肌膚 日日用清水洗面 包你過幾日仲多瘡

塊面未生過暗瘡，sorry

其實真係唔好用洗面乳

我小六貪得意，用啲去油超勁嘅護膚品，洗到塊臉勁乾，乾到塊面超緊就以為好乾淨，結果愈洗愈多瘡，又不斷搽面霜爽膚水，又飲涼茶，五青汁，都係停唔到生暗瘡，生到果陣啲同學投我做最醜樣同學，果陣真係日日以淚洗面，唔想返學見人

因為唔開心壓力大，導致生暗瘡，結果又因為生暗瘡導致壓力更加大，不停無限loop，係個惡性巡環

好彩後尾上到大學，壓力小咗，生少咗，唔使用咁多摭瑕膏，之後又做下facial(唔使做過千過萬一果d facial ，普通$600-700針清，導入保濕就好夠)，萬幸既係冇印同疤痕

我個人心得

1. 最緊要減少壓力，生瘡唔係絕症，一定有解決方法

2. 減少/唔用用洗面奶，去油勁唔代表明對皮膚好，皮膚係需要油份去防止水份流失，你愈洗得乾，愈冇水，愈冇水，皮膚又會出更多嘅油去防止水分流失，多油結果就會出暗瘡

3.唔好成日用手擠暗瘡啊，我果陣就係成日用手擠暗瘡(不過擠到佢爆朧係爽嘅)，搞到同一位置生唔停

純分享我個人習慣，不喜勿插

1.朝早同夜晚都用清水洗面，唔好用熱水或凍水，用室温水

2.洗完面搽玫瑰花水(韓國mamonxx，~$150/500ml ，用到4,5個月)

3.B5精華(the ordxxxxx, ~$100/60ml，用到2個月)

4.一個月兩次~$650嘅facial，包針清同保濕導入(最緊要識揀美容師，千祈唔好去大型美容院，sell埋啲唔啱用又貴到痴晒線嘅package，我果陣好彩有朋友介紹我去單次收費嘅美容院，個美容師老闆好好人，會因應我狀況去建議我做咩療程，又唔會hard sell，所以都跟咗佢幾年做)

5. 涼茶清熱氣果啲就唔使啦，食多啲菜，keep住日日有便便就好啲

以前中學生暗瘡嘅相(影得唔清，但兩邊面同下巴都生暗瘡)


宜家出嚟做嘢，冇化妝摭瑕皮膚嘅相(兩邊面冇再生，但下巴間唔時有1，2粒)

啱一半

你先要攪清楚，適當清潔同過度清潔係自己皮膚係乜野分別先
油皮的話單用水洗係唔得


過度出油食A酸
乜野保養品都無用

過度出油結合空氣塵同自身角質
block左毛孔又起過

你的目標有3個

1.減少出油(因）
2.清除過量角質同油塵的堵塞(BHA exfilo) ＋ SA Cleaner
3. 做到 2 的時候，又唔可以破壞皮膚屏障 (唔好用磨砂，清潔力要適）

基本上人類就係呢三點入面，求其一邊做得太多／太少而做到惡性遁還
呢三點好似一個三角形咁，你要做到三角形中心先可以醫到自己


你睇上面啲回覆就明點解咁多人攪唔掂


油皮要cream 保濕呢d害人不淺的仆街保護品手段又係仆街

重有甩左最後一點，就係成份。有d成份係致豆性。

如果你真係唔想食A酸減油

咁你要接受你塊臉真係會油光

唔好亂用d 控油野用d粒子吸油，好易塞毛孔，一係出暗粒一係爆倉

如果要見人化妝無計，但快d返屋企落妝清潔

唔見人果時又鳩佢油光滿面

但如果你識出街後正常清潔 , 定時用BHA做下淺換膚

你都可以好油地但無倉。

#7似係青春期過左自動好翻多啲 我係20出頭仲繼續生 中學淨係生粉刺 大學開始有紅腫痘 最後用benzoyl peroxide洗面奶+搽differin gel+最普通嘅保濕 醫好 （利申本身油性皮膚 角質層比較厚 角質層薄唔好試 有一日洗面奶唔小心遲左一兩分鐘rinse off 眼周圍皮膚勁痛又紅）
呢個combo 殺菌又可以加快皮膚新陳代謝 如果輕度痘痘唔想食a酸可以試下differin gel 係外用a酸嘅低濃度版本 一開頭係會爆瘡 爆出來之後就會明顯生少好多 依家我都每個禮拜用兩三晚 touchwood紅腫痘同閉口都少左8成 但記得用佢一定要防曬

好cute 可唔可以私下交流下心得

唔好on9啦

減少食糖同碳水，加16/8 可以減少暗瘡

食魚油同B雜都有用

本身成日生暗瘡，但依家穩定左好多

你過咗青春期姐

我就係定期清角質，一粒暗瘡都冇生過，但d frd到而家成三張野都成日生暗瘡

咁你有冇推薦
我凈係想搵啲專治凹凸洞，唔係乜鳩都有嗰種
成日覺得做得太多範好唔專業
好似求其買啲機返嚟就話幫到人

用洗面乳洗面會洗走好既菌，d益菌會識得分泌酸性物質抵禦引起暗瘡既細菌，無左d益菌你仲容易有暗瘡

如果真係驚伏建議你直接搵醫療診所
之前有個爛面fd做緊童X
見佢做咗兩三次肉眼見都有好啲

多謝絲打分享