[Disney+] 韓劇《單戀原聲帶#2》討論帖

《單戀原聲帶#2》（韓語：사운드트랙 #2，英語：Soundtrack #2）為Disney+於2023年12月6日起線上播出的原創韓國影集，由《單戀原聲帶》的金熙元導演與蔡允編劇再度合作打造。劇情講述一位鋼琴家庭教師，與熱戀卻冷漠分手的前戀人、以及重新抓住褪去夢想的年下男，一起爲了音樂項目而住在一起所展開的浪漫愛情故事。

主演
魯尚炫、琴世祿、孫挺赫

共6集

世祿粉召集
我覺得呢套劇算係補償返世祿bb上次喺《愛情的理解》入面得唔到自己心愛嘅男人嘅最大遺憾

有世祿想睇

睇咗頭2集
世祿用鋼琴彈Hype Boy幾好聽唔知佢真人係咪都係咁叻彈鋼琴呢
世祿演技真係幾好睇落去好自然令觀眾睇得好舒服
而男主魯尚炫都演得幾好, 尤其男主挑皮嘅一面佢演得幾好笑
唔知女主手上條疤痕係點嚟嘅呢
希望今季整體同上季一樣咁高質

男主個樣夠哂貼地

老老實實, 我覺得今輯仲好睇過上輯, 雖然上輯都好睇, 但今輯男女主角嘅演技令成套劇嘅"劇味"更上一層樓, 尤其魯尚炫雖然唔算靚仔, 但佢將男主角嘅性格形象演得好立體鮮明而世祿就將女主角嘅內心世界好真實自然咁演繹出嚟至於做Kei嗰位演員嘅表現就不過不失, 係勝在幾靚仔, 睇完ep6我覺得Kei係個幾光明磊落嘅so called第三者

更正: 應該係ep4先啱

同意今輯好睇過上輯 劇情冇上輯咁單薄 深層次啲

上輯男主太內儉而女主一開頭對男主亦都唔"過電", 所以劇情上比較平鋪直敘. 我覺得無論喺劇本上同角色演譯上都係今輯更加優勝. 只不過可能唔少人覺得魯尚炫同世祿喺名氣同樣貌方面都唔夠吸引所以就冇開嚟睇...就好似朴寶英套精神病院咁, 明明係一套高質劇但可能因為題材唔吸引所以好多人就錯過咗

幾好睇 不過又係得6集

係可以拍多幾集, 雖然劇情會變到冇咁濃縮同緊湊

人大左 睇呢d分手咁多年再遇見都幾sad仲要二個都未放低大家

係, 老嘢睇呢套真係好有feel男女主角演得勁好睇到我好投入希望佢哋會有happy ending啦

個兼職仔係咁幫佢地做助攻 應該he既

佢地分手原因好貼近現實 講劇情係完勝第一輯

琴世祿好可愛

世祿bb人又靚演技又好

上套好似專登瘦面 再靚啲

你講上套又令我諗返起常秀個仆街仔

唔好提 搞到世祿好傷心

上輯淨睇韓素希
今輯無就唔入坑了

但今輯真係明顯好睇過上輯

上輯既劇情貼近現實，所以更有共鳴，所以會覺得好睇
但依季都好睇

今季既男主由完全無錢變到最頂既youtuber仲要變到山頂既獨立屋，真實又有幾多依d例子，真係只會劇先會出現所以先覺得第一季更貼地，雖然依季都好睇