[徒步縱走］Transverse Val Grande 瓦閣里安德國家公園 2D1N Solo Snow Trek

決定襯坐緊火車返去嘅時候記錄下
唔喺一陣又懶

瓦閣里安德國家公園 (Val Grande National Park)，位於意大利幾乎最北邊界嘅一個國家公園，同時亦位於意大利北部最大嘅湖泊馬焦雷湖 (Lago Maggiore)隔離，距離最近城市米蘭大約1-2小時車程





求其google搵嘅圖


同樣位於皮埃蒙特(Piedmont)大區，位於其首府都靈(Turin)以北嘅大帕拉迪索國家公園(Gran Paradiso National Park)雖然更加出名好多雪攀者都以Gran Paradiso(4061m)慕名而至雖然山脈高度相對較矮，但Val Grande都唔執輸


因為Val Grande National Park係其中一個最近瑞士邊界嘅國家公園可以近距離見到一部份嘅瑞士阿爾卑斯山脈


樓豬本來係諗住未到嚴冬期前Day Hike下，好好珍惜最後喺意大利見到山脈嘅日子


但竟然俾樓豬搵到官網上面嘅2日1夜路線仲可以訓無人山屋錢都唔洗俾

Po一張吊下引詳情下回分解希望唔會1999

不如出埋上個post先

好，得閒飲茶

官方路線有唔同嘅day hike資訊，亦有tranverse路線兩條。Tranverse，指嘅係將國家公園橫切咁走，務求最深切咁遊覽其中嘅景色

我選擇嘅路線長大約30公里 (Malesco - Colloro)，官方建議2D1N，喺中間點嘅無人小屋Bivacco In La Piana住一晚再起程，建議到訪月份為6-10月，難度EE級



本來plan登第一座路經嘅山峰山頂(Cima della Laurasca 2193m)，係路線中唔包嘅summit，但考慮到安全同時間最後冇登到頂

正常人係會揸車去山徑馬路嘅盡頭再泊架車喺下面樓豬車又冇就唯有用自己對腳死上去，大概係喺香港由荃灣市區直接行上大山咁嘅感覺

(竟然仲有人上山）



本身諗住上山仲係新雪期，前一個星期同朋友去馬焦雷湖散步時大概視察下都唔覺有好多雪，結果同我諗嘅都差好遠，上到1000米已經開始見到路面結哂冰心知不妙，加上個掛咗橙色風暴潮警告，陣風風速可高達110-130km/hour但除此之外天氣預報仍然係唔錯，所以便頭也不回




去到海拔1200m山脈之間，本來夏天嘅大草原已經變成冰天雪地，當中有一個好細嘅chapel仔而我都著上down jacket戴好手套著好雪爪，準備慢慢登上第一間無人山屋Bivacco Scaredi

今次係樓豬人生第一次掂到地上嘅積雪同想像中一樣咁正

一路上一路回望後面嘅風景，第一次見到咁靚嘅雪山，上到頂更加見到遠距嘅瑞士阿爾卑斯山脈，肉眼睇真係壯觀

上得愈高當然就愈凍，見到一條條嘅冰柱，地面上嘅積雪開始變得好厚好難行喺冬天獨走需要嘅係更多毅力行一步比平時吃力幾倍，腳趾都凍到冇乜知覺



記得當日天氣預報上到頂大概-7度，所以山屋bivacco scaredi（～1800m) 預太概-5度體感溫度低至-17度，加上坳位陣風非常頻密，吸取咗2個月前上山嘅經驗已經做好哂心理準備

臨到小屋個段好甘積雪高到膝頭位，開始懷疑趕唔切日落前到第二間屋仔


回望山谷大景


終於見到屋仔，望落好近但啲積雪厚到pk又話新雪期

到屋仔門口竟然見到行山杖好驚訝，一打開門3個意大利人喺度休息緊，兩個食嘢一個食煙



屋仔內面分兩層，下面有火爐可以燒柴取暖/煮食，而上面就可訓教仲有個窗口位可以睇星同阿爾卑斯群山

樓主即刻煲返個熱水取暖，將啲凍咗嘅嘢攞去烘時會出好多水氣同白煙
證明真係好Q凍



坳位睇群山嘅景色真係好靚記得登到頂時天色開始變清藍（當日預報晴天時間只有1-2小時）喺遠方嘅山脈全屬瑞，意邊界阿爾卑斯，海拔全部起碼3-4000米希望有一日樓豬可以爬到，好幸運第一次喺雪山上睇雪山就已經咁靚

（續）

自推下先希望有鐘意山/對雪山多啲研究的人交流下！

又有行山post
支持樓主

留名支持
兩日一夜行得晒的話，下次去米蘭可以順便去

係 去lake maggiore的話可以順便去埋

不過唔好嘅地方係成個國家公園一格data都收唔到，事前功夫一定要做足

巴打好勁
係咪自己一個去?

係又要驚又要行咁

準備喺坳位落山前突然又出然好勁嘅陣風，影相時除咗嘅手套一嘢飛落5-10米本身唔諗住執，但無奈隻手即刻凍到勁痛，但都要衝落去執返諗返都覺危險

時間唔多，預計落到山屋位置啱啱好日落（大約5點天就已經黑哂）

落山靚景



由1800米落到900米，途中好多落葉又係高到膝頭位

終於到山屋呢一夜自己獨霸咗成間山屋，去隔離溪澗裝完就無再出去，呢一晚亦都冇data (基本上一入國家公園個下就一格都收唔到）



山屋入面好黑，只可以靠自己嘅營燈同頭燈照明

裏面有一張大枱，亦有大小柴木，一啲報紙同埋劈木用嘅工具俾你用嚟喺火爐度生火



無人小屋嘅原意係希望來者可以顧及下一手需要，盡量將山屋保持原況，最好執啲柴木入去等下一手都可以燒柴取暖同煮食慚愧嘅係樓豬唔敢入黑後出外執柴所以冇refill到，不過山屋柴木供應都頗充足

由於冇data冇嘢做，所以成晚就開一人大食會食完就烘下啲衫，熄火後就上去上層窗口睇下有冇星影（可惜係當晚多雲冇星睇）

第二朝睇下天氣有冇好啲


呢一晚出面係好大風都唔太安樂，但其實我會幻想自己overcome到呢種自己一個嘅恐懼到之後再寫返先發覺自己真係prefer過呢種寧靜嘅生活，唔洗理出面啲人出面個社會係點對我嚟講獨立咁生活會更容易覺得滿足，而呢種生活節奏係可以慢慢練返嚟，SOR FOR 1999