21天JR PASS, 6萬坐左24萬之旅

係咪用語音輸入

識得100選温泉旅館樓主six d野
去唔到旅館都要搵有大浴場酒店先叫去日本

Upload圖都搞好耐、打錯幾隻字好正常

Hea遊先再去嘆下、温泉for relax 對腳

Day 7(8 Nov): 日間鳴子峽, 晚間円通院, 新潟, 一日就坐左29128yen


買個老麥就上火車啦, 日本老麥與我常在
仙台→古川, ＪＲ新幹線はやぶさ101号・盛岡行, 3470yen
古川→鳴子温泉, ＪＲ陸羽東線・新庄行, 682yen,
架火車上d JR職員好勤力咁CHECK乗客d火車票後, 跟手收乗客補錢


Nov 5都有紅葉巴士, 去果日無, 就唯有行上去, Y map話行45分鐘


行左20分鐘, 氣温11度, 有個日本大叔停左架車, 向我問路, 我話唔識日文, 佢秒完我就開車走, 無計條路又真係無乜人行


再行前d見到個鳴子公園, 應該差不多到掛?


落左去個公園睇睇風景唔錯. 前路不通就行返上原路


行到隧道口就睇到路牌話唔比行, 要上去公園繞道過去


沿途風景唔錯, 行到Y MAP指的目的地, 但原來自己點錯地點, 要點(鳴子峡レストハウスの見晴台)先係最終目的地, 又行多30分鐘, TOTAL: 1小時15分鐘.


終於行到回顧橋, 見在一堆人係到等影相, 行到去望一望, 噢, 灰左


過左見頃最佳時期, 變左睇樹枝


一場來到, 就落去遊道步, 下面景色仲靚過上面


上返去就肚餓, 見到好多日本人排隊, 自己跟住去排, 買左碗蘑菇湯, 又幾好味.


又於太大風&失望, 火車瓹山窿都無睇, 就行去中山平温泉站返古川, 呢條路好行好多, 30分鐘內到達


中山平温泉→古川,ＪＲ陸羽東線・小牛田行, 770yen, 個站長係咁搞日文爛gag, 當然唔識聽


架火車駛入山窿前, 有1分鐘時間慢駛, 望返回顧橋


坐埋呢程, 就過6萬yen啦, 張pass回左本
古川→仙台,ＪＲ新幹線やまびこ64号・東京行, 2970yen


返到仙台, 見到有小擹當係JR站, 就買左個飯團食, 再出發去在來線去松島海岸
仙台→松島海岸, ＪＲ仙石線・高城町行, 418yen x 2


由於太失望, 就去返D寺院睇紅葉, 円通院點燈, 本來6點先放人入去, 可能寺院見太凍提早開門



最靚都係個倒影, 但仲係好多青BB



大約睇左30分鐘就返仙台, 準備去新潟, 攞左行李就去牛通買個便當上火車食, 味道一般
仙台→大宮(埼玉県), ＪＲ新幹線はやぶさ42号・東京行, 10670yen
大宮(埼玉県)→新潟, ＪＲ新幹線とき347号・新潟行, 10130yen


ホテルグローバルビュー新潟, 7400yen, 貪佢平又近JR站.


check-in完酒店, 就去lawson補給, 見到半價就買.
一出門就見到一堆JK坐係地下, 係到撩途人, 飲醉左?

早你一個星期去 鳴子峽仲係靚但已經開始想落葉
但円通院/角館完全青BB

Season野係咁、天時地利人和、缺一不可

Day8 (9 Nov): 日間新潟, 晚間松本


天氣不錯, 今日都係大移動日, hea遊新潟


改下口味, 早餐買左個咖哩包&紅豆包


新潟→燕三条,ＪＲ新幹線とき314号・東京行, 2970yen
坐一個站就到燕三条站, 轉在來線去彌彥神社


燕三条→弥彦, ＪＲ弥彦線・弥彦行, 242yen


今年紅葉都幾難預測


都有少少靚景


新潟最大的神社，也是擁有2400多年歷史的越後一宮


弥彦神社 玉の橋, 好多日本人企住望 (這是神跨過的橋，人無法跨越。)
これは神様がお渡りになる橋で、人間は渡ることができません。


真係好多人參拜


弥彦公園もみじ谷の観月橋, 呢個位就開始聽到廣東話
check火車時間, 呢班唔坐, 下班車3點才有車


弥彦→新潟, ＪＲ弥彦線・東三条行, 去到吉田轉車, ＪＲ越後線・新潟行, 770yen
返到新潟就去FB見到有人推介的餐廳, 去到就臨休...


浪費D時間揾餐廳, 差不多2點, 好多店都Last order, 上tabelog再睇下仲有乜店開.
えびす鯛 新潟駅前店(tabelog 3.59), 剛剛好last order, 食左個鯛魚飯, 都唔錯.


食完飯見仲有時間就去市中心行下, 日本最長的河流信濃川


Bandai Bridge萬代橋日落, 同bandai有關係, 除非唔係


差不多時間就行返酒店攞行李, 行行下見到日本電視台介紹的B級美食.
名物 万代そば(3.49), 立食咖哩飯, 好平同幾好食喎, 食完先坐新幹線,
PS唔識用部買卷機, 睇住日本人買一次先買到


又到瘋狂坐火車時刻, 咁就坐左19726yen
新潟→高崎, ＪＲ新幹線とき336号・東京行, 7930yen
高崎→長野, ＪＲ新幹線あさま623号・長野行, 4950yen
長野→松本, ＪＲ特急しなの26号・名古屋行, 2900yen
聽到幾次Matsumo~~~to就落車, 係咪驚人瞓到唔醒, 所以咁叫???


今次又住返野乃, 又係臨時有降價, 有人取消間房?, 之前訂24000兩晚, 臨時又睇取20000兩晚
天然温泉 あづみの湯 御宿 野乃 松本, 20300yen, 300yen係温泉稅
check-in完, 指定動作去浸温泉&食免費拉麵, 明天就去成個旅程最期待的地方-上高地

某一年既10月25日下午
建議都係上午去好啲
個太陽陰影擋哂
要用Photoshop 拉返平均

之後1日本來計劃上八甲田山
好彩途中遇到其他人報告話已經落葉不要上去
結果直入奧入瀨

Day 9(10 Nov): 又要同Day10調轉, 松本城&奈良井宿


瞓醒望出去就天黑黑, 又係落雨天, 諗住去完上高地就返來浸温泉, 所以先訂兩晚


大雨到改行程, 坐巴士去松本城, 巴士收cash only.


武者會擺POSTPR一流, 揾人扮武將, 但唔知扮邊個


松本城, 別名烏鴉城


唔知有幾重, 10KG ?


天守望出去


見到五郎叔, 開始肚餓了


今次旅程另一個目的, 去埋其他四座城


大雨到演員都要去避雨


經典畫面 - 埋橋


揾左幾個tabelog高分餐廳, 但食閉門羹, 唯有行返去車站食算


行行又有D紅葉睇, 四柱神社


榑木野 松本駅舎店(tabelog 3.49), 都要等15分鐘才入到店, 味道一般.


食完飯就坐火車去奈良井, 山上紅葉仲靚過D紅葉景點


松本→塩尻,ＪＲ特急しなの12号・名古屋行, 1532yen
塩尻→奈良井, ＪＲ中央本線・中津川行, 420yen


行完一圈變落湯雞, 好彩帶左2對鞋換


一落車就黑雨咁


今日去上高地D人唔知點行, 成堆雨雲殺埋身


經典畫面, 花野庵


木曾大穚, 睇完就返車站等車, 諗住去JR窗口換火車票, 但職員叫我坐慢車返松本
奈良井→松本,ＪＲ中央本線・松本行, 590yen


松本B級美食- 山賊燒松本からあげセンター(tabelog 3.47)
食完拿拿聲返去酒店洗衣服&吹乾對鞋

仙台間御宿 野乃真係幾正
入到酒店佢即刻出黎抹個喼既碌
房又夠大

暫時住過野乃排名
1富山(房有檜木風呂)
2松本(2022 open), 呢間門口有消毒裝置, 不用人手抹
3仙台(近仙台站)
4松江(離松江站好遠)

Day10 (11 Nov): 日間上高地, 夜間名古屋



起完身就checkout放低個喼, 5度要著羽絨


大約6:16就上車, 去新島島站下車，轉乘巴士


沿途都好多果園


坐巴士8:18到大正池落車, 帶上熊鈴就出發


大正池, 都好多人下


跟住D人行, 梓川couse







10點左右行到河童橋就休息一陣, 指定動作去LIVE攝影機拍照


一場來到, 行埋去明神池








比左500yen入去, 穗高神社奧宮(明神池)



嘉門次小屋, 食物就一般啦



明神橋, 行到呢到就返轉頭



14:30就行返河童橋準備上車走, 又見到特價, 200yen盒, 買完間店就收鋪


15:00上巴士, 成個行程都行左6小時+1小時休息, 比奧入瀨好行好多, 唔怪之得咁多人行, 大約10%人掛熊鈴


到新新島轉車, 一無太陽就超級凍, 個休息站坐滿人, 唯有係出面吹風


松本→名古屋, ＪＲ特急しなの22号・名古屋行, 6340yen
由鄉郊返出市區, 一出站好唔習慣, 又聽反好多廣東話


由於太肚餓, 求其揾間無人排隊的店食飽就算, スパゲティハウス チャオ 名古屋JRゲートタワー店(Tabelog 3.38), 食完就去酒店check-in.


又到聖誕又到聖誕, 日本聖誕幾好氣氛


星期六酒店double, 只揾到呢間加少少價, 距離名古屋站十五分鐘
ホテル パレス名古屋, 7700yen, 其他酒店要2萬yen.
PS下星期六又返名古屋, 但全部爆滿, 好似去奧入瀨咁? d人去香嵐溪

食咗咁多拉麵
都係味の札幌 大西碗嚿牛油最深刻

味噌咖哩牛奶拉麵、夾到果下有d驚喜

每次去青森都會去大西一次

八戶都玩埋

Day 11 (12 Nov): 以為香嵐溪見頃, 最後去左那伊勢神宮

見紅葉預報香嵐溪見頃就CUT左境港酒店, 但睇x d日本人話未有紅葉, 唯有把下星期要去的景點轉去今日睇

睇Yahoo!乗換案內, 坐近鉄最快, 睇睇下原來JR都去到, 不過要企一小時三十分鐘, 有PASS就用的精神, 企就企啦, 途中仲比日本妹子畫畫素描左對美津濃, 火車咁chur都畫到, 好勁


名古屋→伊勢市,ＪＲ快速みえ1号・鳥羽行, 2040yen,罰企完就行


呢個係外宮? 即係有內宮


入屋叫人, 入去前就鞠一鞠躬


知道御守過一年後要去神社還, 就好少買了





最後去勾玉池休息一陣, 有影片教點樣參拜


又到食飯時間, 想去果間又係臨休, 又揾另一間
鉄饌(tabelog 3.52), 見到個menu話限定, 就點呢個, 味道OK.


食完飯就行返車站, 見到有架去內宮的巴士駛埋站, 一場來到, 就去埋內宮吧


去到入口, 嘩好似去左維園年宵咁, 超級多人


有排都未見頃


臨走去埋商店街, 多人到好似去左東京


坐巴士返伊勢市, 又係迫人迫到沙甸魚咁


伊勢市→名古屋,ＪＲ快速みえ18号・名古屋行, 1740yen, 見到架火車開車頭同另外一架火車合體, 2卡變4卡火車
到左名古屋就去拉返件行李, 坐新幹線去岡山,
名古屋→岡山,ＪＲ新幹線ひかり519号・岡山行


仲有時間去買個將軍漢堡上火車食


呢間JR無中伏, 可以較送風/冷氣, 係貴D但直結JR, 唔想再拉行李行咁遠.
ＪＲ西日本グループ ヴィアイン岡山, 8170yen


checkin埋都差不多20:30, 去aeon買野食算, 又睇到半價貨就買
睛王貴過之前, 以前好似1000yen左右, 果時買5包以上返香港做手信


睇新聞好似果日話全國用唔到PAYPAY, 去ATM攞又無咁多, 2個女仔唯有坐深宵巴士折返京都, 去日本唔帶定現金, 隨時HI野


明天要早起, 轉戰山陰

Day12 (13 Nov): 日間出雲, 夜晚松江

補返之前新幹線, 名古屋→岡山, 11810yen

岡山住一晚都係為左班第一班車, 岡山→松江,ＪＲ特急やくも1号・出雲市行, 6140yen
對面月台火車滿客到逹, 究境日本人幾點起身出門口返工返學.


早餐食返尋夜aeon買的, 支野特價, 唔好飲, 沿途見到山區山頂白蒙蒙一片, 唔通落雪?


一落車想爆粗, 又落雨唔係化, 連個天都唔鍾意我?


大雨到要坐巴士去酒店放低件行李, 去D附近景點
戰國結束之後的歷史人物其實唔識


国宝松江城, 別名千鳥城, 國寶五城第三座get





天守望出去, 幾有氣勢


好奇D城主係咪日日咁行樓梯?



有pass見車就上,松江→出雲市 ＪＲ特急やくも5号・出雲市行, 1880yen
疑, 架架都唔同樣?


到出雲就食個lunch先, 献上そば 羽根屋 本店(tabelog 3.60), 等15分鐘左右入座, 還不錯.


食完就行返去一畑電鉄, 又落雨入商場避一避雨


只識八岐大蛇&須佐尊, 睇卡通片學


出雲市→出雲大社前, 一畑電車北松江線・出雲大社前行


見到有日本人係列車拍照, 原來有隻吉祥物


日本國寶的出雲大社，是日本規模最大、也是歷史最悠久的木造神社建



以為呢條係最大果條


好得意, 由於白兔曾為大國主與因幡國公主促成良緣，因此白兔也成為結緣的象徵。


最大果條原來係呢到神樂殿，也是日本最大注連繩之處


雨水掂到樹有蒸氣出, 係乜現像?


明天個博物館休息, 所以今天來


諗到果個果然係天才


模型大國, 做得好仔細


趁天色未黑, 去埋海邊睇日落, 30分鐘路程, 但雲層太厚


五點前就黑齊


旅遊大國, 咁多花臣, 要轉一次車返出雲市駅


有車就上, 出雲市→松江,ＪＲ特急スーパーまつかぜ12号・鳥取行, 1350yen
無出票所以坐自由座, 個JR職員問我座唔座返指定席, 比個app佢睇坐2個站落車, 所以唔駛劃位了.


一落月台就見到架好靚火車, 瑞風號, 之後查返一個2日1泊旅程要23萬yen, 好多人同架火車拍照


出左松江站就行15分鐘去酒店, 又住返最鐘意的野乃, 但行好遠
天然温泉 だんだんの湯 御宿 野乃松江, 12350yen, 150係稅.


落雨就洗衣服, 食野就食埋aeon買的食物再加免費拉麵, 無力再行出街
出雲大社都聽到廣東話, 松江唯一一個無廣東話的地方


開電視睇, 有D落雪但紅葉都無轉色, 今年搞乜

張素描呢

無影, 唔想人地以為我偷拍

獨遊緊係過去順勢拎ig啦


雖然我果時都冇

巴打識日文？
我都好想遊足成個月

唔識, 但無乜問題, 好食的店就講「謝謝款待」ごちそうさまGochisōsama
睇叮噹學