已經即刻狗衝去買飛
今晚果然冇令我失望
Ikura唱得好撚出色
就算係2000蚊嘅3-day pass都值回票價
不過即使Yoasobi唱得出色
都唔及企喺我後面嗰位師兄咁出色
一開波Yoasobi一出場
佢已經搭住我個膊頭借力
將部電話放喺我前面錄
其實真係多得佢唔少
知道大家都未必睇到
就用部手機放返大畀我睇
係我唔爭氣，興奮得濟舉咗手，阻住咗佢錄
之後我意識到
依位師兄真係Yoasobi嘅鐵粉
首首歌都識唱
仲要唱唔斷氣
Ikura唱咗幾耐
佢就嗌盡自己嘅喉嚨唱足咁耐
我真係好佩服佢嗰種熱情同永不停下來的歌聲
有一段時間，我直頭覺得Yoasobi嘅聲音只係依位師兄嘅配樂，係為咗襯托依位師兄而存在
嗰種將do唱成so嘅獨特唱功，簡直聽到我如癡如醉
我冇辦法表達我當刻嘅心情
令我望住隔籬同樣企喺師兄前面嘅女仔相視而笑
去到Ikura最標誌性嘅arhhhhhh
依位師兄應該參考咗香港後現代藝術家劉馬車先生嘅唱法
以低九度嘅聲音盡情嗌咗出嚟
嗰種獨特嘅歌唱技巧，真係令我難以忘懷
搞到我個腦只係記得依位師兄嘅天籟之音
早就已經將咩Yoasobi拋之腦後
完場時，我亦都難以掩飾我嘅仰慕之情
同師兄講返句：「你真係首首歌都識唱㗎喎！」
師兄對我報以微笑，睇嚟佢都感受到嗰種被人欣賞嘅自豪感
返到屋企，聽返手機錄咗Yoasobi嘅片
果不其然，全部都係師兄嘅歌聲
