撰文：Goodbye HK, Hello UK
霞姨！
英國電視台《Channel 4》有個新聞節目《Despatches》主要係進行調查報導，題材由本地去到國際都有，例如上個月播出前《BBC》節目主持Russell Brand多年前嘅涉嫌性侵行為引起好多回響，就連警察都介入調查，亦都試過派記者深入緬甸山區報導反政府軍嘅情況。
今日播出嘅呢一集嘅主題係大學滲透，不過竟然係香港人...
當中內容講及去到英國嘅香港嘅社運人士被監控，有一幕係咁嘅，劉先生（Finn Lau）收到個自稱係加拿大網媒記者"Richard Vong"嘅電郵，話希望了解佢嘅背景同响英國嘅工作。《Despatches》嘅團隊先聯絡加拿大嗰間網媒（《Toronto Guardian》）嘅編輯，對方話報社無"Richard Vong"呢個人，亦都從未聽過呢個名。然後電視台嘅技術部門發現，呢堆電郵嘅IP唔係來自加拿大，而係上海。
之後响《Despatches》嘅記者在場嘅情況下，呢個外籍人士"Richard Vong"用視象聯絡劉先生，《Despatches》嘅記者忽然現身，質問呢個西人係咪受指示監控劉生，個西人即刻露出好業餘嘅尷尬微笑唔知點應對，跟住《Despatches》嘅記者問對方點解個樣同社交媒體嘅Profile唔同樣，再要求佢串自己個全名，個西人即刻話呢個係私人問題然後收線。
《Despatches》嘅團隊根據呢個網上通話人肉揾呢個西人，發現係真身係响上海教咗五年書嘅美國人，基於廣播私隱理由無公開呢個「假加拿大記者」身份，不過記者話有理由懷疑係同中國政府有關。同時，緊係有要求大使館回應，得到嘅回覆係「關於監控香港人嘅全部都係假新聞」。
睇咗呢個節目，剩係覺得嗰個假加拿大記者好流，演技同反應好差，霞姨！
官方原片仲未放上網（《Dispatches》嘅完整版有時會放响Channel 4嘅YouTube Channel），不過暫時已經有假加拿大記者呢一段。
＃專業啲精神啲
一早比支那嘅天龍人待遇同埋陰道操控成功
