7個月前。。。
帶咗隻2個月大嘅貓妹返屋企
果時唔識野 就直接抱住貓妹同隻大貓打招呼 仲同大貓講 有隻妹陪住你啦
佢依9個月一直都好跑得 好訓得 好大食 仲食埋大貓啲野
仲日日朝早準時7點叫醒我
近排帶佢去做絕育 去咗荃灣寵物醫院
因為拎佢返黎個時都係響依間幫佢打針 就諗住無死錯
第一次去擺低貓妹 驗血 驗完先知係插頸抽血 結果係一切正常 只驗到肝指數高 唔建議做
咁就比錢拎藥 安排兩星期後再做
返到屋企貓妹都無問題 同平時一樣咁生猛咁可愛
兩星期到啦 再安排驗血 今次只驗肝指數 合格可以做
到晚上接貓妹 醫院比咗抗生素 叫我地餵晒去
並且安排7日後 即星期日拆線
頭兩日貓妹都靜 好似嬲咗我地咁 絕育嘛無計啦
到第三日 佢就好似平時咁 會叫我起身 而且仲嗲過之前 會跳上床陪訓 未摸就煲水 咁以為一切正常
第四日就如常啦
到第五日佢無再咁樣 變為好攰唔想郁少氣端
我屋企人即日早上就即時約醫院睇急症 約咗中午4點
佢地帶咗貓妹去醫院 驗血 再照Xray
首先出黎就話中咗貓新冠 跟住入去睇X-ray 再話個肺花得好嚴重 必須即時留院入氧氣箱醫療 醫生同護士強調
如果唔留院 再將貓妹拎走 就隨時會過身
療程要兩至三星期 叫我地第日帶定啲日用品比貓貓用
無問題 而且我地都想日日探貓貓
由於診所唔係24小時都有職員 所以第朝早10點先會有人上班
我第朝10點就問屋企人 醫院有無打比你地 佢地話無 咁我都安心啲
我爸就10:30打去問情況如何 醫院護士講 唔好意
思 貓妹已經不在人間了。。。
安排咗晚上見貓妹最後一面 同當時主診醫生見面了解會唔會病情因由 關唔關絕育手術事
我地到咗 入到房被通知主診醫生放假 得另外一個不關事的醫生不斷道歉
貓妹最後一面是全身疆硬 舌頭伸出 單眼打開 應該去得非常痛苦 全家都忍唔住痛哭
何解會無人打來通知已過身 醫院解釋 要等醫生返到確定離世
由絕育前同絕育後 都係渣車 車出車入 無掂過/接觸過其他地方 亦都無另外出過街
已問醫院拎齊所有驗血報告及X-ray照片 想問吓有無巴絲可以教我可以做啲咩
.
.
另外附上貓妹生前照
下世再見了
