《年少日記》應該係近五年哭得最慘嘅港產片

套戲就係寫嚟為咗少啲你咁嘅仆街

只要係港產+非TVB
每年都要搵套嘢出嚟射到一地精

如果我無get錯你係講緊一開頭個到？
定係最尾？
故事個人黎講睇唔到「好」絕望嘅位置
不過係佢其中一個選擇

咁佢個故事入面有部份係佢經歷黎？

無唔知點解要喊tim

入咗戲咪跟住傑仔喊
都冇話一定要喊嘅

我覺得套劇其中一樣野想講係
我地細個 童年 面對過嘅心理壓力
成為大個之後嘅無形影響

大家都無正視過依個問題 解唔開
搞到大過之後 有個心結係到
無理過個問題 以為自己move on咗 但其實一路影響緊你 未爆出黎係因為未有野trigger 到住

主角細個見到佢哥自殺 佢都好大打擊
由主角青年開始就反叛 食煙咁
不斷逃避緊 到大過以為無野放低咗
所以由林雪兒講主角成日都唔開心 未ready好
到佢幾年後 撞返果刻覺得無野嘅 今次ready啦
但有咗之後 佢地係到嘈
結完婚 到佢果日知道有咗
加埋係學校處理緊學生自殺
勾返起 佢對阿哥果種自責 覺得一次都無幫過佢
最後阿哥向自己求救 都無理到
Trigger 返 佢覺得自己未ready 就話唔想要個bb
所以林雪兒最後講 你都係未ready

最後佢攞返本日記出黎睇
面對返自己嘅黑暗 解返開個心結

佢去搵個尋死嘅學生果陣 assume咗封信係女學生寫
然後阿冰一開始就話可能個學生係男同學呢

主角成長曲線幾好
唔再用自己果一輩嘅睇法
之後嘗試用唔同嘅做法 去接觸果個想死嘅學生

單親家庭長大嘅會好有共鳴
或者有小小童年陰影嘅好中

我覺得好睇嘅地方在於太真實
同好多人都會有機會接觸過 不論乜嘢類型嘅心理創傷
無太大感受嘅 你係一個無乜童年陰影嘅人

佢病到就死 記憶有影響姐
佢真係唔掛住佢都唔會keep住聽餅錄音帶聽到壞

最入戲都係兩父子喊果度
其實細佬對阿哥都一樣差

冇喊 可能自己唔係中產家庭大

我覺得係個bug黎
請司機 請工人
有十皮野閒錢捐出黎
又成日去美國
但住舊樓仲要冇𨋢

所以覺得呢個位奇怪~

同你過往嘅經歷都一定有關係
你先會有情緒 催淚~
或者你係一個同理心好強嘅人

睇左4次
本身唔係好睇戲嘅人
但係真係 好正 100分

我都有啲奇怪 間屋一時好靚
一時唔係好靚


我仲諗係美孚新邨/太古城嗰啲老牌屋苑
唔記得咗無𨋢

有講冇𨋢咩？最多掉垃圾冇垃圾房要喺後樓梯仲要得個垃圾桶

你講嘅無錯
劇本係可以再細緻d
寫多d佢地嘅性格

不過睇完你講嘅野
似乎係你未好領悟到兩個角色嘅側面描寫

第一 鄭自雄本來就唔係100%惡魔
佢只係望子成龍 成績同成就就是一切
韋羅莎嘅角色唔係屈落大仔
似係鄭自雄本來就係一家之主
佢有講過呢間屋所有野都係我買
我搵嘅錢比你多
言下之意
你住得係到 我話一就一 你無權嗲
媽媽一開頭都嘗試去錫個仔
但係個仔根本唔生性
然後結果就媽媽受氣比人打
呢d屈辱唔係個個都可以忍辱負重
為左個仔去一個人承擔
有時點會唔諗
你生性d我咪唔洗比人打同受氣
你諗唔到只係因為你太善良
嘔都仲要考試係因為如果佢考唔到試
屋企又要打仗 到時媽媽又等比人開槍

而另一樣野係
老豆係望子成材 同 不容任何人睇到家醜
本來個仔已經不成材
我點解仲要特登使錢落佢身上？
反正垃圾就係放佢去邊都唔會有用
如果送個仔出去同將d錢射落街有咩分別？
所以先去到最後根本連打佢都唔再想

所以係咪指向性
我就覺得係嘅
唔係呢套劇點拍出黎
但係個指向其實幾自然

依家年輕人覺得其實結婚只係一張紙
結婚就結婚點解要諗埋生仔？
愛情本來就係自己
點解要比個b影響左
到時有左再算

所以我覺得無話合唔合理
只係你相對傳統

我睇Manchester by the sea 喊到仆街
因為入面主角慘劇/轉折前
有生活 有平凡
哀莫大於心死

睇年少日記一啲都喊唔出

係因為除咗極端地慘之外

佢哋寫少咗「人性」
套劇前期

寫到鄭中基唔係人 韋羅沙唔係人

仲要全世界都情緒勒索/笑/傷害緊 大仔
連佢最愛漫畫家都自殺埋
去到咁盡
大仔點有得唔針/自盡

寫到咁
搞到後面全部都入唔到戲

現實嘅悲慘係mix of 人生百味

先會更加襯托到痛有幾痛

以上純屬個人意見

年少日記係值得入場支持睇的

編劇方面能力不足
但導演能力很好 恭喜卓導演

多謝你嘅理解同回應

其實呢套戲令到人（包括我）幾日都反思
已經好勁

而其實我打咁多字
都只係想套戲追埋嗰少少完美位

真係填埋個劇本細緻位
咁年少日記呢套戲就真係無敵了

比如 Manchester by the sea

十歲人仔仲要高IQ嚟講, 我覺得細佬無欠咗呀哥了

無出聲笑佢 無嫌佢煩，搞到屋企嘈怨巴閉

人性呢點就唔係好認同啦
我真係覺得可能係
你出生係一個太幸福嘅家庭
或者你未真係好感受到呢個世界嘅另一面

劇情安排確實係故意
但並非偶然

老豆老母望子成龍
迫到你死 絕對唔少
學生比人欺凌
日日香港都上演緊
漫畫家嘅死 —> 先係將佢人生最後嘅寄託都拎走埋
用以突顯佢最後針嘅結果

但又咁講無左呢段得唔得
無話唔得
本來故事都已經係逐步逐步
將大仔嘅寄託拎走
(漫畫 公仔 老豆嘅期望 旅行嘅機會)
只係漫畫家嘅死會係一個昇華
為大仔選擇跳樓作為一個好強勁既鋪墊

坦白講 個人意見
比人拎晒d野都未必會死
又唔係拎唔番 老豆都話考到再買過
反而係大仔發現
本來嘅人生寄託原來都唔係真嘅時候
佢仲點相信自己係會做到心目中個個自己
所以佢有自殺呢個選擇都來得自然

後面漫畫家死 以做trigger point嚟講 本身係無問題

我constructive d講

如果能夠寫多啲鄭中基惡魔行為嘅motivation / development

呢套戲就上到Manchester by the sea嘅level

仲有 我覺得大仔自盡 係超級夠motivation

多到滿瀉添

而家係虎爸源頭唔夠說服力

呢個世界 冇絕對嘅黑 同絕對嘅白
點仆街嘅人都會有10%人性

我個人覺得
鄭中基個角色真係寫得太極端啦

修飾埋就會好好多