入嚟放低你嘅心事（10）

個女仔之前都會主動撩下我傾計，但有一日突然間唔會主動搵我傾。會首先向佢認為熟既同事傾計先。

之後我主動搵佢傾，又唔係hea覆

究竟係咪之前太主動做得太出面，嚇親人，而加不斷避我。好辛苦，我主動一次要用我當日所有能量咁濟

究竟佢係唔係想暗示我收皮

當你開始care佢嘅reply就出事了

ex定係暗戀嘅人？

如果佢迴避我, 係想我停止攻勢, 我會停止
但搵佢,佢又肯傾, 究竟佢想點。而加每日都諗住佢,但又唔敢繼續去馬

點解我咁無膽,怕醜

Ex，分手我講先

之後先發現自己嗰陣幾弱智，先一齊返對方已經表示moved on仲block 埋我WTS，但IG未

已經差唔多分手四個月，呢排少咗諗佢，結果發現自己仲係一樣

好辛苦

佢肯傾又唔hea覆嘅應該可以繼續正常溝通到

想知點解分手

但我要每日係office 大聲同佢傾, 變左唔係單獨傾, 仲有其他同事插咀

一齊傾避免咗單獨傾可能遇到嘅dead air或者尷尬

3點瞓

上年5月開始實習，本身承受都幾多壓力，加上自己又自卑，內在外在都襯唔起對方，一早已經覺得佢冇咗我反而會更好。有一段時間冇見，大家出到嚟好似都好尷尬咁，冇拖冇攬，加上以前比佢分過一次，已經唔係好相信佢講嘅嘢，所以返到去即日就提分手

而佢嗰陣都一直想挽回，其實我都唔想分開，但我真係一個咁垃圾同懦弱嘅人，有咩事都係咁逃避過程中我都講咗好多好hurt同賤嘅嘢。最後佢都頂唔順就同意分手。

嗰一刻我先開始清醒，轉返我求佢唔好，最後佢都應承我話可以keep住傾計，但最後我又話諗清楚，唔使可憐我（諗返即係唔知自己做乜鳩）

最後佢就叫我唔好再搵佢，但我都忍唔住搵咗佢，就比佢blk土埋，佢都講自己已經moved on，好後悔同我一齊 我亦都一直用呢一句去令提醒自己唔好再煩到人

諗

有啲事情係冇辦法挽回，或者分開對大家係最好，以前意識唔到嘅問題慢慢去改變返，經一事蔡一智

好唔開心但又冇人可以傾訴

早幾日同朋友去廣州睇類似手作市集嘅展覽，已經買定車飛要準時上車嘅，約好咗8點上水等，7點半我喺group度打咗句「唔知我有冇時間坐低早餐🙈依家先太和」

本來我叫咗堂食但可能廚房唔夠人岀唔切，都轉咗外賣拎走，7點57分返到火車站同大家講我企喺咩位

其中一個朋友8點02分先到，其實遲嗰少少我唔介意嘅，佢係咁sorry 咁我咪開玩笑咁話下餐你嘅就得嫁啦咁囉，佢好似認真咗咁，算啦唉我都係講笑啫就冇理到

後來到咗關口，佢哋話有時間可以去整埋自助過關嗰個申請，咁我唔知要整幾耐又唔知多唔多人，咪快步攬級咁上樓梯，得我一個要整諗住自己行快兩步佢哋慢慢跟嚟，點知佢哋去跟我速度上去，我覺得冇所謂啦所以冇講啲乜嘢

大家一齊上到去，我見有人排隊咪跟住排，冇留意到要撳飛，結果到我嗰陣冇飛要重新排過，我就有啲擔心咁講咗句唔知趕唔趕得切呢咁，因為我唔熟路唔知要行幾遠先上到車，佢哋話冇問題仲有好多時間，結果係真係夠時間嘅，我嘅擔心係源於我唔了解路程時間

當中仲有冇其他事件我唔太記得，我只係當吹水傾計咁一般交談，自問係冇講過任何疾人嘅說話，但突然間遲咗2分鐘係咁say sorry嗰個人話我，睇時間睇得太重，好趕令到人好有壓力，，話我由食早餐已經好緊張，另一個朋友都話係

我其實真係唔太開心嘅，早到嘅人話我我覺得可以接受，遲到嘅人話我就覺得你憑咩話我，其實我又唔係介意嗰兩分鐘，我趕都係唔想有啲咩意外上唔到車，都知呢排多人上去玩，萬一下班車都滿咗改唔到車飛，係我搞到大家冇得去玩我會好內疚，我都係唔想節外生枝啫，我亦都覺得好彩我冇吱吱悠悠食早餐而係睇住時間轉咗外賣，如果唔係隨時遲到唔駛岀餐唔駛食唔駛行返返火車站咩半個鐘前講一句唔知夠唔夠時間好過份咩

我有講到我嘅諗法，佢哋雖然都話返係好事嚟嘅好事嚟嘅，但大家都尷尷尬尬咁，我就唔多岀聲，係因為目前為止嘅說話我都冇心趕大家嘅，我唔想又講錯啲乜搞到佢哋又誤會，加上都真係冇乜心情，但又覺得氣氛唔好，我有努力過喺冇乜關係嘅話題度講吓嘢，佢哋又想有返啲交流問吓我嘢咁，但唔知係咪我心理作祟，硬係覺得唔係好舒服

例如另一個朋友話玩相機好正，我無心又講咗句我都想買相機，遲到嗰個叫我買啦，我話唔買住有其他想買嘅嘢要買咗先，而佢就繼續堅持我係應該要買相機先，要我再強調手機暫時都夠，扯咗個話題走先肯停

又例如喺路上見到啲動漫嘢，我自噏咗一句「嗯？乜乜乜」咁，佢又自顧自解讀我個嗯音係負面聲音咁追問我做乜嗯咗聲，係，我係俾你嘅抱怨搞到唔開心，都唔駛標籤咗我所有說話都係負面意思先得㗎

仲有臨尾，講起旅行，我話我疫情之後冇咗旅行嗰鋪癮，佢又追問點解，冇咗癮咪冇咗癮囉，咁佢想聽我咪又講吓其他原因囉，我話因為有咗新興趣，入咗坑一年都冇，比起你老玩家要用多好多錢，所以啲錢揀咗用喺新興趣度，佢一句飛埋嚟話邊係呀，再搭多句冇錢咪返多啲part time 囉，我真係嬲咗，都話咗冇咗鋪癮咯，唔係個個都想為錢放棄生活㗎

其實仲有幾次佢講嘅說話都令我覺得唔舒服，不過本來我就唔係記性好嘅人已經唔記得內容，只係得個印象佢下下都疾我

係我諗多咗定點
我冇即時講心嗰句係因為我唔想繼續拗
唔想講多錯多
唔想講完佢更加在意更加唔開心
唔想有更多八掛俾人喺背後講
但屈住屈住我真係好唔開心
多謝睇到嚟呢度嘅各位

我都明白冇可能會再復合到，但真係好辛苦，呢一個月已經少咗好多去諗佢，結果又係死循環

個gym girl個笑容勁sweet，好似有啲鍾意咗佢

上面位絲打我就唔quote你段嘢了
就咁睇你啲fd有啲煩 你都唔使太認真，唔使有hard feeling，佢哋都未必係真心嘅，唔洗覺得有咩弦外之音

約下朋友散下心，的確需要時間接受現實

事情進展得太順利,連人既背叛都預計埋,
明唔明自己唔缺錢,參與件事就係要撕破人地既假面具,
好笑既係受害人最終無多謝我,
佢少左個由細到大所謂既知己,衰人既計劃又無左,
我自己只係得到一筆唔需要既錢
成件事無一個係贏家

人真係好撚犯賤

呻完,訓

我只係想段回憶快啲消失咁都多個月，仲要原地踏步，一樣仲要咁掛住佢

Move on 好難….