冇錯
例如古中國喺歐洲文獻之中嘅評價相當之高(無論係對於文化、管治制度,定係上乘嘅物質生活),你就知道古中國真係有啲優點係宜家嘅中國人所缺乏,喺明代嘅海軍仲可以打敗荷蘭嘅海軍都仲見到軍事上唔差太遠。去到清代禁用火器以防明遺民造反,由火炮變返射箭
,先徹底落後於西方。當然西方喺文藝復興同埋宗教改革之後喺制度上都有根本性嘅改變,呢點亦有助佢哋文明上嘅領先。
總括而言喺古代嘅其他國家眼中,「中國」、「中國人」呢個term 等同上等民族、上等人嘅意思。
「中國」、「中國人」呢啲term喺打完二戰之後仲係好glory嘅名嚟,蔣介石之後仲不斷同共產中國政權爭奪「正統中國」嘅地位,但去到宜家好多台灣人已經唔鐘意俾外國人叫自己做「中國人」,
乃至你可能會聽過,有啲中國人出到外國旅行,反而會自稱係台灣人,或者日本人,你就知「中國人」呢個民族所包含出嚟嘅意思,已經發生咗變化。