真人真事 警世文 因為賭錢而無左個女友

長文，希望大家可以花啲時間黎睇下我既經歷，希望你地睇完我既故事會行少好多錯路。

先講少少背景，我30頭，月入50k左右，
曾經起國外留過學翻黎香港，屋企環境一直都好好
但係咁多年黎，無人知道我內心既秘密，我一直扮到任何野都漠不關心，但其實我內心一直想同我屋企人多啲相處時間，即使係平日去街都好。但可惜，我父母雖然錫我，但係從來都唔會陪我，更加唔好話家庭日，久而久之因為朋輩原因，我開始賭錢。

國外既賭博行業唔似香港，你講得出，講唔出既野都有得賭，足球邊隊開波先，乒乓波，總之一句講囇唔怕你贏，淨係怕你唔賭。我既留學生涯，直到個邊做野，我一直都好沉迷，因為我內心覺得好孤獨。

咁既日子維持左8年，後來我翻到香港之後賭性暫時收斂左，因為同屋企人相處時間多左，有段時間我係直頭無賭錢，但好景不常，有日我發現我媽咪有左第二個之後我開始唔識面對，因為成家得我一個人知，，即使我依然扮到無野，但不知不覺我又開始靠賭博黎逃避，依段時間斷斷續續，直到我後來考左個所謂專業牌，頭幾年我無再賭錢，因為我可以由照顧人得到快樂。


年半前我識到我既前女友，佢係一個好靚同善良既人，佢係我一生中愛既人。依段時間因為屋企某啲原因，我好想快啲賺夠錢去買層樓搬出去同佢住，但係就係依種諗法令我泥足深陷，唔單止欠下一筆大錢，甚至因為賭博既上落令到我心情好差，收到既追數call ，追數信一個星期好多個，嚴重個時我仲要起郵差派信前去信箱拎信唔俾屋企人知，依年半時間我回想起自己真係個仆街，人地拍拖去外國我就淨係帶過佢去澳門，但係佢一路都無怪我，反而知道我既情況仲起我身邊默默支持我。

年半黎我似乎忘記左初衷，一開始想賺錢係想快啲同佢二人世界，但後黎居然因為咁樣而忽略左佢感受，變到好冷淡甚至要食安眠藥同飲酒先訓到覺。

結果可想而知，後來我地分手了
好笑既係我分手之後先突然醒覺
佢一直容忍住我
到底依年半黎自己其實做緊咩
我希望大家唔會好似我咁，令到自己人生充滿遺憾
雖然我已經改變，俾心機翻多幾份part time ,，有時間就做運動，但係改過既機會唔係必然，錢固然重要，但人生有好多野更加值得你追求。

一字記之曰 賴
關孤獨咩事 關老母咩事 關想買樓咩事
根本就係你自己想賭 爛賭 追求快感 想不勞而獲

點含男朋友先舒服
https://lih.kg/2778041
- 分享自 LIHKG 討論區

賭得錢就咩都冇架喇，唔止女友

過往我已經改變唔到，重點係依家
我知自己開post 會俾人屌死，但我淨係想借自己經歷提醒大家珍惜眼前人。
依加我已經無賭，亦都唔會再賭

之前膠post 黎

家庭問題大把公屋家庭都有，你個家庭問題仲要係好common果d，同家暴，老豆爛賭阿哥吸毒果d冇得比。
屋企有錢你ge煩惱本應已經少一半，良好教育令你成為專業人士可以正正路路承繼父輩做個中產，副牌咁樣都可以去到如斯田地，都唔知可以講乜

係，我就係醒覺得太遲。。

咁姐係輸左幾多, 屋企人幫唔到你還咩

收撚皮啦垃圾假膠

一年時間，翻3份part time 自己解決到

星期六英超八半場
轟落下盤 到時女朋友同錢都返曬黎

屌一年時間, 咁好明顯係你情緒問題條女頂唔順啦, 同賭錢無關係

唔會賭了，分手前我應承左佢

真係賴呢樣賴個樣 根本就唔撚關事
賭得錢都係因為貪同想不勞而獲

加油，我同你一樣
幾難既關捱得過
一定會前路暢通

而我
唔係賭，係被人詐騙
投資詐騙，唔係Jpex，我太蠢竟然信大師買
然後假app hold左我筆借貸錢

今年6月，我都係識左個好好女朋友
佢一直都容忍我
而家分開我先知道我點解咁大男人
唔識睇人感受

最後，我而家同你一樣
早一份工，晚一份保安工
我信信自己有能力走出困境

我地加油啊

Btw
師兄番咩可以有50k咁多

你唔賭係為左你自己啊，你仲以為係為左人

師兄可否pm傾傾

我有個牌頂到下，
所以辛苦啲一年都搞得掂

@whatisyourdreamxx

我無話過為左人
我講過預左人會屌我
我意思係我已經知道錯，唔會再賭

垃圾，爛賭唔好懶屋企人

謝謝你分享你的故事。我能理解你經歷的困難和內心的掙扎。賭博成癮是一個嚴重的問題，它不僅對你的財務狀況造成了負面影響，還對你的家庭和人際關係帶來了壓力和破裂。

你的經歷提醒我們，無論是財富、事業還是其他追求，我們都應該保持平衡。金錢固然重要，但我們也應該關注自己的心理健康、家庭關係和個人幸福。有時候，我們追求的東西可能讓我們忽略了生活中更重要的價值。

你已經意識到自己的錯誤並且正在努力改變。這是很好的開始。重要的是要尋求支持和幫助，無論是通過專業輔導、支持團體還是與親朋好友的交流。他們可以提供你所需要的支持和鼓勵，並幫助你建立更健康的生活方式。

同時，學會對自己寬容和理解也很重要。過去的錯誤不應該讓你陷入自責或絕望中。每個人都會犯錯，關鍵是能夠從中學習並成長。

最後，我希望你能找到自己真正渴望追求的事物，並將注意力和努力集中在那些對你而言真正有意義和價值的事情上。人生是一個旅程，我們可以從過去的錯誤中吸取教訓，並為未來的幸福和成功努力奮鬥。

祝你好運，希望你能找到生活中的平衡和幸福！