麥當勞入面,麥樂雞9件餐係咪長期穩居套餐銷售榜榜尾位置?

同你地計下 6件餐 28蚊 9件餐多3件,係賣44蚊
我諗點樣肚餓都唔會為左想食多3件而比多16蚊掛
會果個應該真係石能左先買得落手

係機場就唔會
員工價買9件麥樂雞會抵啲

會唔會有人叫豬柳漢堡餐

豬柳蛋餐？我會

豬柳漢堡餐-$39
豬柳蛋漢堡餐-$28

應該係魚柳bell餐
9件有2份醬 做點jack個陣實有人叫
叫個28蚊餐再加個魚柳bell都同個餐差唔多錢

其實你可以叫豬柳蛋漢堡走蛋…….

我都係咁諗，多三件貴成十幾蚊，不如加兩件脆香雞翼好過

豬柳強係可以走強既

大把人唔睇價錢直接買

以前D店員幫D阿伯落單,都係問佢要唔要豬柳蛋走蛋

有一輪豬柳蛋做特價, 係平過就咁豬柳漢堡嘅

豬柳蛋漢堡，人稱「豬柳強」，由佢單售9蚊個日起，我就無再嗌過「豬柳強嘅餐」。記得有一次好友阿強同我一齊食麥記。

佢霸位，咁就我去買嘢食啦，好Fair。我問佢食咩，佢話「豬柳強嘅餐」呀。
我聽完，面色一沉，無應佢就走咗去收銀到嗌餐。

喺排隊嘅時候，我諗起阿強仲話呢排手緊，所以先要食麥記。個一刻，我終於明白點解佢會手緊...

買完餐後我好平靜咁返埋位，同阿強講：「我買咗魚柳包餐（21蚊）加一個豬柳強(9蚊)。」

阿強扯曬火：「喂！我要豬柳強餐呀！」
我示意叫佢冷靜，之後將「魚柳包餐」入面嘅魚柳包拎走，放返個豬柳強落去。

阿強睇到我成個大魔術師咁，不禁拍手叫好！因為一個「豬柳強餐」已經出現係阿強面前。而我自己就食個魚柳包算數。

事後阿強問個餐幾錢，我話：「豬柳強餐廿九個半」佢就比咗$29.5我..
個一餐我只付出咗5毫子，做咗5毛...

好多人食M記平到唔使睇價錢使錢咁叫

成日見排隊前面果條友亂鳩咁嗌
全部拆開叫搞到勁貴

食M記要有攻略的

求攻略

銷售手法來，冇睇過3蚊一件10蚊3件？

原來員工都要比錢買餐
做餐飲都唔包兩餐有咩吸引力令你做M記

佢係咪講緊機場做野嘅員工價

我講緊機場做既員工
唔係M記員工

見過有人單買6件麥樂雞加杯中可樂，埋單仲貴過個餐少少，總有人唔睇價錢買嘢

我就係咁 少少錢 九牛一毛