而家大學畢左業差唔多十年都有,幾年前有日整理cv個陣發現加埋加理啲空白期都有成兩年,突然覺自己賺少左好多錢,就開始變得好慳,隨時慳過每月要還錢/供樓既人
每月支出
家用
坐車返工放工
返工食飯
然後就有一蚊都冇啦。
衫褲襪全都冇買,五年前買落既衫仲著緊,襪穿左照著,反正唔除鞋冇人知,鞋有買過因真係著到腳趾公位穿左個洞,冇計。冇返工既日子全都冇出過街冇見過人冇約過朋友,一諗到要約要食飯就肉痛。而且個排covid斷斷續續,唔見人都好正常。
之後Covid完晒去得返旅行,就發現自己抑鬱左,做乜都再冇開心既感覺,有朋友約會驚,有旅行去會縮。

