濕疹解救...西醫定中醫

甜對腸胃都唔係咁好

講咩都假 有啲人只係紅同乾 有痕
我曾經係手掌 手臂 胸 背 腰 大脾前後 小腿後 甚至腳趾都有不同大小的一撻撻濕疹傷口
痕 出水 訓唔到 全晚凍起隻腳訓
訓著咗隻手都不其然遞起
通通都係唔想流出黎嘅水痴到床單
第朝起身要將傷口同床單撕開個下淒慘

過咗5年嘅今日 好咗9成

大家有不同程度嘅濕疹
搽嘅 食嘅 自己afford到可以試
但最最最重要真係心情
成日形住自己出水 又拎棉花去索 索極都有
心真係很累
中醫師教我嘗試放鬆
出水咪出水 要流咪由佢流
佢流乾個傷口自然乾 傷口就會埋口 就會好
同埋最緊要訓到教
做任何野去settle好自己 比自己訓好教休息
咩事訓醒先再煩過啦～

經過呢5年 我覺得自己比以前更堅強
原來自己可以咁犀利 強大

心理影響生理

岩岩iherb買左綜合維他命食同一支藥膏
幾日已經冇咁痕 可能我濕疹症狀比較輕

你真係有鋼鐵意志。
咁你最後係要打生物濟製？
我依家都係諗住試左中西醫先啦。。。
生物真係貴。

玩野咩樓主 你捨得比2千幾去睇垃圾陳厚毅睇完仲要無撚用
都唔捨得打針??? 打兩針好過你睇十次專科啦
攻略都比晒你 香港一支針既價錢等如深圳兩支針有找
我另外個朋友 銀屑病 5000幾人仔一針 3個月一次 佢比較嚴重暫時打左兩針
我10號上去打 異位性皮膚炎 2千幾人仔一針 第一次打要一次打兩針 當6000蚊港幣
佢話第一次打兩針 每14日補1針 補到3個月就開始一個月一針
我打完頭兩針到而家我都無返去覆診補針了 類固醇戒埋
又無戒口 我打完頭兩三日已經好返9成到而家都無發
6000蚊你睇3次專科醫生都醫唔到咁既效果
我就諗住等到佢又發先再補針 睇下撐到幾耐
呢啲錢真係唔慳得 打完好返你就覺得值

你仲係輕微冇用過類固醇
我就覺得唔好掂了，用左真係反彈會好辛苦
我自己都有濕疹，聽得最多嘅就係趁前期做運動
增強免疫力補充維他命
同埋用一啲冇香料天然嘅嘢保濕

無打過生物製劑

最早期時係有睇過旺角個皮膚科
食藥 打類固醇針 搽藥膏
個時無知醫生話咩就咩
打完針 搽藥膏即刻好好多
但一唔 打唔搽就差返 完全無好過

之後的起心肝去搵中醫睇
試過兩個
第一個話主張發晒體內啲毒出黎
辛苦到想死 睇住啲皮膚一日差過一日
啲手指爛到自己洗唔到頭
返工紮邊都要靠同事幫手..
總之好痛苦 好痛苦 頂唔順轉醫師

第二個中醫 其實都唔知夾唔夾架
個個都話中醫要比時間去試 咪試囉
個個禮拜$640 維持咗幾年..
(打工出糧又無咁啲..無計啦鬼叫自己病)
同時會用啲藥材煲水/鹽水浸患處
我周身都係傷口 都無辦法浸jacuzzi 咁全身浸
死死氣用啲化妝棉
逐塊逐塊咁浸藥材水up下啲傷口
日日用2-3個鐘浸浸浸
啲黃蓮浸到個人都黃埋

戒口就緊啦 開初病時無心機 無胃口 瘦咗十磅
都唔知可以做啲咩 親朋戚友講咩偏方都試..

全年四季我唔洗返工嘅時間
人哋去街去玩去食飯
我好多時間都留係屋企裸住咁浸身
個幾年嘅願望可以放平對腳訓教
唔洗再就住就住訓
全晚曲住對腳訓真係好攰啊！！！

因為呢幾年皮膚差 搞到自己個人超潔癖 超敏感
絕對唔想有任何微塵毛髮跌落自己啲傷口度
最感激老公係我患病期間嘅體諒
狂發脾氣 一唔岩心水就鬧人

後期情況叫做受控 好到6-7成
家姐介紹搽松焦油膏
同埋ig突然有個廣告賣啲濕疹搽嘅cream
咪兩樣都試下
個個狀態下搽呢兩樣嘢又比我搽好

感恩而家叫做好返95%
仲有搽松焦油同濕疹cream
放鬆心情 舒舒服服咁訓教比身體復原

希望受緊苦嘅人頂住 慢慢走過來
有時聽下啲勵志老套歌都好激勵！
共勉之

師兄你真係好癲
比中醫搞到你全身爛晒你都仲信佢
我十幾年前都係睇中醫
因為個時身邊啲人一聽到皮膚病/濕疹 就話你睇西醫姐係食類固醇
叫我唔好試因為會反彈 搞到我個時淨係信中醫 如事者睇左幾年中醫
睇第一個中醫 有時好左好多 有時又差翻 但都係小腿同手爭附近
之後見睇左幾年無咩起息試下第二個
第二個中醫 越睇越衰 啲中醫好興同你講發晒啲毒出黎
咪撚信啲神棍 我個時除左每日飲兩碗中藥仲會飲苦瓜汁
中醫個角度 涼血解毒 我飲左幾年咩毒都解撚晒啦 仲長期戒口好撚乖仔
之後比佢搞撚到我全身奶晒野(得下體 屎忽 頭皮 兩邊面豬無事)

我都唔知點好真係.... 矛盾左好耐.
我啲關節又唔係咁好,好難日日都做運動做到爆汗.

可唔可以講下向邊買焦油膏, 同埋你用邊隻cream?

認真
用刀真係有用

試過一個話唔會發出黎, 點知食左幾日就好似仲痕左, 跟住我都唔敢繼續睇佢.
最怕呢啲, 本身開藥前講明會發我都有得揀, 又話唔會發, 點知真係發, 番去睇佢, 佢肯定又話係正常反應, 真係萬能key
咁你呢個中醫係咪一開始講明會發?

中醫連感冒都未識醫
但可以醫到晒西醫醫唔到既野
咩癌症濕疹
偏偏一大班人信 咩熱氣濕毒

我都係 好有用

如果負擔得到，去日本睇丹羽

全部無講明話會發
根本就萬能key由佢講 你好轉佢就認屎認屁
你轉差佢就話幫你發晒啲毒出黎就會好
我有個朋友做中醫 大家fd底都唔會呃我
我兜口兜面問佢會唔會發到豬頭 佢都同我講唔會
正常係你食完藥佢就轉好個方向 而唔係更多地方發 同埋發得仲西利
佢同我講中醫黎黎去去都個幾味藥只係份量加加減減
主要都係涼血解毒 但我都睇過佢兩個星期
有啲地方轉好 但有啲地方本來無變有 我同佢都吹脹 大家都o晒咀
因為佢都真係醫好過好多人 我只夠話中醫對我無用/我體質唔岩中醫個套
我第一次出濕疹係小學個時發係大髀罅 胳肋底直落兩邊腰
個次睇中醫食左三星期好返但有黑色印 自此之後中醫就對我無作用

白馬

睇完個皮科 醫生都話唔肯定咩黎 俾d藥食下查下睇下有冇好轉
細細粒紅會突然紅晒好痕 到底係咪濕疹

我做上門護理
見有case係打完針就有你類似情況
開頭睇醫院門診冇用
最後要去皮膚科專科度睇
搽咗一排藥膏同食藥
同用醫生開嘅沐浴露
就好返了

食同搽類固醇呀?

我係中招好番兩個月度出
中果時都已有少少
啱啱好番就無野
但兩個月後黎料。

究竟呢種濕疹係咪睇西醫會斷到。

熄機藥我就唔知係咪有類固醇
但搽係會有類固醇
但係用Canesten
係唔太work嘅

食嘅藥*

即係隻類太弱無用?

弱唔弱我唔敢講 canesten 個藥名係Clotrimazole
但係對我個case嚟講就冇乜用
Fluconazole 相對上有用少少
不過最有效嗰隻我都唔記得咗個名
我淨係知個case係去唔知何文田定旺角政府嘅皮膚科專科診所
你去睇政府門診問佢有冇轉介信俾你

不過唔知巴打定絲打你 我覺得你最好再睇多次西醫
有陣時西醫都要人夾人
同埋我上面講嘅嘢唔一定可以apply落你嘅情況度
所以我真係建議你再睇西醫
有時私家醫生未必好過政府醫生
同埋呢啲藥膏通常要用一段時間睇私家好貴
政府睇會平好多，同埋有啲份量都多好多