[又蝕1.5億] 鄧成波家族再沽售荃灣灣景花園商場連債項 美建集團1.8億承接 帳面蝕1.5億

已故「舖王」鄧成波，其家族近年持續沽貨套現。據美建集團(335)公布，以1.8億元買入由該家族持有的荃灣灣景花園商場及車位，並連同物業出售債項一併購入，有關物業現時市值約2億元，而物業每月租金收入約13萬元。

上述荃灣灣景花園商場及車位，是鄧成波家族透過「威豪企業有限公司」於2017年以約3.3億元購入，是次美建透過旗下附屬公司，購入威豪企業的股份及債務，而截至去年12月31日，威豪企業的出售債項近3.9億元，淨負債則為6,500萬元。

鄧成波彈到起身未呀

唔關波仔事嫁，最衰係波叔高位入咁多貨

堅Sir財經動向
22/06/2020


#舖王借爆錢
#四岀撲水

地產界盛傳「舖王」鄧成波（波叔）父子，近日四出向銀行及財務公司撲水「供樓」，波叔昨受訪時承認，「銀行都借到爆，咁就貴啲（財仔）都要借，要供樓維持商譽！」他慨嘆一切是為了下一代。兒子鄧耀昇（Stan）近年欲當「酒店大亨」，以其英文名字命名的陞域集團（Stan Group），數年間豪掃市值百億元物業，疫情下慘變重債包伏。

波叔父子四出借錢供樓傳聞，近期在地產界廣泛流傳，有指兩人借財仔年息極辣，高至30厘，「佢借成30厘息，做乜生意可以賺咁多去填數？如今賣嘢又賣唔出」。波叔昨接受本報查詢時無奈道：「銀行利息梗係好啦（指息口較低），但銀行都借到爆，咁就貴啲都要借，要供樓維持商譽。」他指本計劃明年將部份業務上市，惟遇上逆權運動、肺炎疫情等，酒店、餐飲業首當其衝。

兒子借錢息率升至10.5厘

波叔父子近年多份買賣合約，包括以16億元買入葵涌全棟光輝凍倉，及與北海集團交換而來的五幅西貢地皮，全已向銀行以「all money」借貸。而從港交所文件所見，鄧耀昇持有的港匯信貸月初向權威金融（397）旗下易財務，以及一共同放款人貸款2,100萬元，年息10.5厘，為期一年。貸款以鄧耀昇作擔保人，並以金馬倫道兩個住宅單位及堅拿道西三個住宅單位作按揭。鄧耀昇兩年前已向同一財仔借貸，當時年息7.7厘，已兩次延後還款，利息越加越高。

過往波叔大力炒舖，鄧耀昇一心轉型，成立陞域集團大搞酒店、餐飲，2017年有報道指其收購及裝修總成本150億元。公司網站所見目前酒店達14幢，提供3,300個房間，集團員工數目2,000人。「第一間酒店，佐敦德興街三層樓。第二間，鴨寮街21層新樓，一路開始儲。」86歲的波叔指，自己累積數十年的「錢罌」，是為幾個兒子留下，他已不管，「（投放多少錢在酒店？）我理唔到，佢哋後生有數計」。美聯工商舖今年統計，鄧家過去4年共掃入市值266億元工商舖。

惟疫情拖累，酒店業務陷停頓，最新酒店項目旭逸酒店．銅鑼灣5月開張，大劈價推515元入住標準客房兩晚，即約260元一晚；惟從訂房網所見，周末仍有空房。記者近日到波叔旗下物業視察，於觀塘鬧市的駱駝漆中心，去年租出作喪屍體驗館至今年1月，而疫情至今已丟空近半年，目前僅一樓有短期散貨場賣兒童圖書。

嘗試減磅 「賣嘢都賣唔到」

另外，近日傳出多宗波叔撻定消息，包括美孚萬事達廣場百樂門酒家、荃灣楊屋道立坊地舖連1樓、新填地街逸豪酒店及屯門民生物流中心，涉資達20億元，估計遭殺定2億元；但有資深投資者指，「業主們都識對方，殺幾多係大家傾」。

波叔5月起嘗試減磅，以意向價25億元放售前年以18.83億元購入的西貢5幢工廈、15億元放售5個市區舖位；但波叔指，「現在賣嘢都賣唔到，等遲吓個市好番，就套現減債」。他寄望疫苗盡快面世，才可翻身。

點唔關波仔事

賺番嚟蝕 都咪話唔high

灣景係死場
估唔到原來佢買咗
呢個場唔蝕先奇

https://lihkg.com/thread/2823750/page/1
原來保齡球都執鳩埋

波叔專係買埋啲古撚怪怪嘅物業用嚟投資

https://youtu.be/ZtKxUk5zzBw呢啲垃圾死場攞嚟做靈探就一流

我記得好多年前食過大門落去間西廳係幾好食

廿四孝老豆
死咗仲要幫個仔孭鑊比連登仔鬧

咁波仔個老豆係幫佢定害佢呀

有關物業現時市值約2億元，而物業每月租金收入約13萬元。

係真唔係呀

講緊停車場部份？

為咗個仔做酒店大亨嘅夢想，你話呢

應該未租晒啫

仲賣得出
蝕啲當贏

呢個都未算死，以前有間餐廳都多街坊去食，海濱就真死嗱。

蝕啲？蝕一半喎

一直想問
佢全部賣既都蝕幾千萬至上億

邊度搵錢填

應該波叔同波仔一半半, 波仔想搞大佢, 波叔又支持, 結果一獲熟

睇新聞應該商場部份吉晒
係停車場部份先有人租緊
同埋有關幼兒

就係想知係咪打錯

兩億投資月收得十三萬有D誇

同埋有間幼兒園