用Agoda延後付款要小心(2)

整合！！！

有兩大陷阱，只要你預訂時揀咗以港幣找數嘅延後付款選項就出事，會收你:
(i) 最終嘅港紙金額係由訂房日至付款日中間對你最差嘅Bloomberg匯率，經酒店外幣 -> USD -> HKD嘅雙重換算步驟計出嚟; 加
(ii) 5%手續費
詳情點發現請睇Post 1 #1

想知自己有冇中伏？ (#24)
如果你嘅確認書入面有呢句，恭喜你中招了


點預防？
大家一定要以到店付款->立即付款->延後付款嘅優次去揀付款方式，即使你有外幣卡想選擇延後付款，都要先選擇同酒店結算貨幣相同的貨幣付款(點揀睇下面)
咁Agoda就唔使做雙重轉換，亦唔會出現隨之而生嘅5%手續費同匯率變動風險

中咗伏，點算？
先將book過間新房嘅價錢同硬食兩大陷阱嘅金額比較，點計可以參考#233
如果平過硬食，就先正確地去book間新房再免費取消舊房
如果冇晒新房/新房貴過硬食，就要搵客服要求退返5%手續費

如果我本身揀咗延後付款，依家撳立即付款得唔得？
都係會中伏，照收5%手續費，因為你已經享用咗延後付款嘅安排，條款就已經適用

點搵客服傾計？
建議唔好用email，一來一回好晒時間
先用線上客服，揀真人客服，或者直接打過去
要求佢退返5%手續費
有巴絲反映個po出咗街之後可能因為太多人打過去嘈，客服態度愈來愈強硬
真係點都唔肯嘅，可以用點解人哋有得退我就冇，有不公同歧視之嫌嘅理由打底，並且要求escalate/轉客服
正常見你第一次用延後付款，都會退俾你
不過接受咗佢嘅方案之後，都要記得問佢筆退款係咪全數入返落張信用卡，唔好以A金形式退款！
搞掂之後佢會有封confirmation email講返個退款安排

如果點都要用延後付款，點揀返做外幣？ (#618, #798)
第一步for 「顯示貨幣」，喺search酒店之前就要喺標價方式/貨幣嘅設定度揀返酒店用嘅外幣
第二步for 「付款貨幣」，入信用卡嗰陣佢會發現你張卡係以港紙結算，佢先會問你用咩貨幣找數，揀返同第一步一樣嘅外幣
要(i) 「顯示貨幣」同「付款貨幣」一樣 加 (ii) 「付款貨幣」同酒店用嘅外幣 (「產品貨幣」) 一樣，兩個條件都達到先唔使俾5%手續費，詳情可以睇條款8.1(d)
最新有幾個巴絲問過客服，話以外幣延後付款都會收5%，雖然咁樣看似同條款有出入，大家自行判斷，可以嘅盡量避開延後付款

歡迎諗到有其他嘢嘅巴絲繼續加落去，救得一個得一個！

平左幾千yen

留名

其實匯率升你咪有著數?

我今日問左客服，問你匯率係點計，係唔係今日碌就計今日匯率，佢話係

用第二間訂好過啦.

冇，佢會用最新(高)匯率收我錢
但之上佢仲可以賺嗰5%手續費
所以我冇賺，佢就有

但你用港幣買日元酒店嘅匯率佢無話過係直接日元對港幣

5% 佢計掂數啦
有邊個生意人會想蝕錢？

但有時 agoda 真係平啲 可以點？

我會再搵客服傾計
已經攞夠料證明佢嘅兌換日期一時一樣

Check返以前啲 booking…計返匯率 好撚灰呀

佢個問題係隱藏收費（包括匯價波動）
如果好清晰計晒所有收費佢都係抵
其實照book 都無乜問題 我覺得

當然如果覺得唔應該縱容呢啲定價行為
一樣可以不計價格杯葛佢
選擇係自由

比貴咗5% 但佢基本上冇任何地方例明1）個匯率幾多2）手續費前後分別幾多

張收據勁blackbox 點解咗都冇人規管？

其實最少要張收據寫返哂啲細項先合理啲？
明顯佢而家係想隱藏收費，係咪可以搵消委會

ii) 與產品貨幣相關的原因。閣下可預訂「延後付款」的住宿，或者選擇相同的項目（「延後付款訂單」），針對此類型的訂單，閣下將於特定日期預訂（「預訂日期」），但在其後的日期付款（「付款日期」）。若閣下的付款貨幣與「延後付款訂單」所使用的產品貨幣不同，

則付款價格將以使用付款當日彭博匯率另加5%（「彭博匯率+5%」）的產品價格計算，
除非：(A) 閣下預訂時的IP位址為英國；
(B) 閣下使用美國發行的付款卡付款，且該卡的預設貨幣為美元；
或 (C) 閣下使用美國發行的付款卡付款，且預訂時的IP位址為美國。若同時符合上述第 (i) 節和本節 (ii) 的條件，則僅本節 (ii) 所述的價格提高原因為適用。

點解英國美國IP訂就唔食5%

依個都係問題，不過我頭先直頭叫佢比條數我

消委會應該處理過唔少有關Agoda隱藏式收費嘅case

仲要比錢個陣，寫到明稅及其他收費，原來其他收費唔包埋個5%.
信用卡扣多成幾舊水，唔睇都唔知

可能英國同美國規管左,所以呢兩個國家book 先唔會+5%

咁都唔做野/fix唔到