請各位弟兄姊妹一齊睇以下嘅經文：
14 耶和華說：「邪惡的鄰國侵佔了我賜給我以色列子民的土地，我要把這些惡鄰逐出他們的本土，正如我要逐出猶大一樣。 15 我逐出他們以後，還要再憐憫他們，把他們帶回各自的家園和故土。 16 如果他們真心接受我子民的信仰，憑永活的耶和華之名起誓，正如他們教導我子民向巴力起誓一樣，他們便能成為我的子民。 17 如果哪一國不聽我的話，我必把它連根拔起，徹底毀滅。這是耶和華說的。」《耶利米書12：14-17》
請注意第17節，神曾經講過如果邊一個國家唔聽佢講，就會被連根拔起，徹底毀滅。
如果大家覺得香港係一個國家的話，咪循呢個方向去諗，諗吓香港呢個所謂嘅「國家」有無聽過神講嘅說話？再諗深一層，國家都係由一大群人組成，香港人有聽過神嘅話、跟佢吩咐去行事為人嗎？
明顯無。
有咩證據？成個連登就已經係證據之一。諸君請看，連登人點樣歧視弱勢社群、以貌取人、用職業幫人分等分次、點樣去用種族去幫人分貴賤等反人類行為就知了。
再講，神係會用其他民族去管教一啲腐敗嘅民族。
昔日神點樣用亞述、巴比倫去管教以色列，今日神就點樣用中國去管教香港！所以，各位弟兄姊妹唔好再喺度扮晒受害者、覺得香港人好慘。
一切都係香港人自己攞嚟。
如果想破局的話，方法只得一個。
就係用番耶穌點樣去對人嘅樣式去對身邊嘅每一個人。唔好理佢身高、髮型、衣著打扮、樣貌、職業、種族係乜，總之要去愛佢哋，善待佢哋，你哋點對身邊啲熟人，就點樣對啲陌生人。
只要越嚟越多人咁樣做的話，香港唔駛搞任何革命，都可以有出路。
