Reduvius personatus，aka Masked Hunter。
佢哋之所以有依個朵係因為佢哋重係若蟲 (https://zh.wikipedia.org/wiki/%E8%8B%A5%E8%9F%B2) 嗰陣，會用灰塵偽裝自己。Masked Hunter 鍾意啲乾燥嘅棲息地，佢哋原生地喺歐洲，後來意外地被帶到北美。喺南非、加拿大大部分地區以及美國西北部嘅高沙漠地區 (High Desert) 都可以搵到佢哋。
Masked Hunter 係小型節肢動物嘅捕食者，獵物包括：潮蟲、草蛉、蠼螋、床蝨同白蟻。Masked Hunter 唔會吸食人類血液，但喺處理不當嘅時候佢哋會出於自衛而咬人。咬傷可能會好痛苦，但係 Masked Hunter 並不攜帶恰加斯病 (aka 南美錐蟲病)，依點同佢哋有時被誤認為係 Kissing Bug 唔同。
喺眾多床蝨捕食者入面，佢哋係食得最多嘅一群，甚至可能已經進化到以床蝨及其同類為主食。但係噉樣唔代表養 Masked Hunter 就可以解決到床蝨問題。不過，如果有唔少 Masked Hunter 喺你屋企出沒，即係代表你屋企提供到充足食物畀佢哋，亦即係好有可能你間屋已經被床蝨入侵。
