「無良滅蟲公司」係咪要搞到死人先會正視DE粉殺人於無形？

笑死真係戇鳩仔黎

樓主高登膠名叫 雨果小子
得閒google下 好精彩架

如果真係咁好用
滅蟲公司都用啦


你要計穩定性 同成功率

10個單位 9個唔得 你係幸運兒嘅個位

NOBEDBUGS有用DE粉

20231115【5分鐘化學：諾貝爾.矽藻土.床蝨】

1. 【Dynamite 安全炸葯】好多人都以為諾貝爾發明打仗必須嘅【炸葯】，家族賺咗大錢，為咗贖罪捐咗啲錢出嚟整諾貝爾獎。其實諾貝爾「唔係發明炸藥」！佢係發明咗「令到炸藥硝酸甘油冇咁容易爆」嘅方法，製成品就係 dynamite 炸藥，喺開礦打仗好有用。當年諾貝爾家族研究硝酸甘油做安全炸藥嘅時候，由於發生咗意外諾貝爾嘅細佬炸死咗。之後諾貝爾將個實驗室搬去湖中間，萬一實驗爆炸都冇損失咁嚴重。當時嘅主角係「硝酸甘油」一種滴咗落地已經會爆炸嘅炸藥。有一次諾貝爾唔覺意滴咗啲硝酸甘油喺個地度，發現佢冇爆到。原來個地有一種泥土叫做【矽藻土】可以吸附硝酸甘油，令佢變成穩定嘅混合物唔會爆炸。就係咁就發明咗安全炸藥 guhr dynamite。

2.【矽藻土 Diatomaceous earth 德文 Keiselguhr】其實係最平用錢買到嘅「化石」，係古代嘅單細胞藻類【矽藻化石】，沉喺海/湖底慢慢形成嘅泥土，主要成分係「不定型」嘅二氧化矽同矽酸鹽。由電子顯微鏡會睇到佢有不定型嘅微細顆粒，有啲仲會有利角。由於呢種二氧化矽，每單位重量有好大嘅表面積，可以吸附好多有機物同水，喺工業上作為飼料【抗結劑】(因為可以吸水防止啲飼料黐埋一舊)、過濾、磨劑、催化劑、炸藥原料、接觸式殺蟲藥等。

3.【矽藻土唔係普通二氧化矽(砂／石英)喎】雖然大家嘅成分主要都係二氧化矽SiO2，有啲宣傳單張話矽藻土由於係二氧化矽所以冇毒（你信？？）。其實食落肚真係冇事，你食好多調味料例如鹽、雞粉、香料，都有加矽藻土作為抗結劑，【但食落肚安全唔代表吸入肺安全！！！！！】

4.【矽藻土嘅塵粒有風險】市場上嘅矽藻土由開採到使用都有吸入肺嘅風險。自1930年後，開採矽藻土工人發現會有【矽肺病】。原來矽藻土顆粒可以由0.1微米到3000微米(3mm)，問題就係喺細過100微米嘅矽藻土塵。我哋嘅鼻毛係隔唔到100微米以下嘅微塵粒。如果唔戴口罩呢啲微粒會入咗我哋個肺，長期累積排唔到出嚟就會導致矽肺病。大家一定聽過pm2.5，對我哋個肺有害嘅係pm0.1-pm100嘅矽藻土。

5.【點解矽藻土可以殺蟲？】作為接觸式殺蟲劑嘅矽藻土係約12微米嘅不定型二氧化矽。K仔前文講過，如果你放D啲殺蟲用嘅矽藻土係昆蟲出沒嘅地方，矽藻土好易黐住昆蟲外表皮嘅油脂。由於矽藻土有部份係結晶有好多利角，會刺穿保護昆蟲外表皮嘅脂肪質，昆蟲會最後脫水死亡。如果佢未死又帶咗矽藻土返個竇都有可能殺死其他昆蟲。由於12微米嘅矽藻土塵係可以入肺，用嘅時候最好都係戴口罩。【問題係：如果如果你灑到成屋都係矽藻土，俾風吹起咗你又冇戴口罩咁點呢？ You think you】

6.【點先驚？】1978年嘅研究話接觸五年【天然矽藻土】冇明顯影響，但接觸過煅燒過/鈣化過嘅矽藻土有40%人有明顯影響 (肺塵病)。【問題係：你點知你買咗啲乜？】

遲D會講除蟲菊酯嘅風險，K仔其實已經被電視同網台訪問講滅蟲，不過未出，只好寫住先。

搞笑，以前D人滅蝨都係拎住木板去屋邨街口浸殺蟲藥水
嗰隻殺蟲水一早畀世衛禁咗

投訴殺蟲傷身，基本上只有全屋加熱同日常勤清潔先做到唔傷身
自己做唔好，投訴賣方，好搞笑

我覺得大家不如同親戚朋友一起夾份買幾部加熱機看門口好過，平時可以租比人用，得閒可以幫屋企加熱，確保安全

講到似層層

ching 你跳掣?

喂呀咪咁快督爆雨狗啦
人地個marketing先啱啱起步

好似啲acc 背後都唔知係咩hebert本人
仲有你呢啲 都9唔搭8 嘅 有道理就唔好保護啲人渣，協助人渣第日唔好扮唔記得

留言呢就多啲同腦
咪換個id名繼續胡說八道 成世人都係渾渾噩噩 不知所謂

個d機要3相電先撞得郁

講到咁撚危險美國fda就一早ban撚左啦
仲有幾百億美金官司tim
但事實就係冇

de粉上amazon買平勁撚多
買一大桶分裝有排用
送畀隔離屋仲得

區選撚 抗爭還抗爭,唔好搞到區選

係