歡迎想砌模型嘅巴絲入嚟 (196) 你呢邊有新po遮，我呢邊無喎？

我砌乜都比人負皮
幾時先唔洗比人負皮

著女裝代工高達
應該可以吸正評

話說你最後有冇買到1/48紫電改

冇，買咗彩雲同震電冇買紫電
不過都係堆到下年先砌
12月砌多隻beaufighter就長縮被竇了

早排趁減價買咗幾本書睇完對紫電改完全改觀
覺得世人欠紫電改一個交待
尤其係田中, sidetrack晒啲人去吹奏烈風(我就係受害者之一)
加上月中去咗松山, 覺得自己扑中咗Jackpot
而家好有衝動砌返隻紫電改, 但又唔捨得手頭上嗰架爛尾

我覺得田中死收埋震電好難拎攪到好似珍品咁
九八式彗星紫電呢啲就攪到個個當垃圾睇唔起咁

有衝動就砌，襯衝動未完
否則你會一直心思思最後隔一排一定會買
但隔咗排衝動冇左只會長期山積
我早排一有衝動砌坦克f1車都係即買即砌唔使積

想請教下各位

我對時下刻線風氣呢樣野有啲唔讚同

好多人係又刻，唔係又刻，係加啲意義不明既刻線落模型到，好似啲刻線多就等於精細同靚

其實刻線係唔係真係唔做唔得呀？

其實刻線唔知由幾時開始就變左進階、高階玩家既証明
好多人為左證明自己既實力就會係D 件上面係唔係都刻一大餐
唔反對，不過唔希望呢樣野變成一種指標

好似係近呢幾年，模型頻道（例如madwork）流行後就開始既風氣。。。

睇返以前啲模型雜誌都唔係咁多刻線

𠝹膠片貼易對齊過刻線

我覺得刻線適當增加分色層次加以好靚
但亂咁大量刻線有時會好核突未必個個受
刻線都係想多detail
唔刻咪加啲水貼多啲detail
有人鍾意乾淨咪乜嘢都唔加囉
你砌模型比自己嘅唔使理人哋
自己覺得唔靚夾硬加刻線冇意思

你冇睇pin緊邊度玩刻線？夠膽踩刻線？

果幾蚊….
認真答 全部淘寶貨食水勁深

灣仔噴場曾經有?
黎緊SSP: PM Store開返門市應該都有
MK: YM 可能有?

但全部都係TB貨+貴過TB

直接馬雲啦

Madworks全隻高低差刻哂線
有啲位其實唔洗格硬刻返哂下話
仲要滲線直接用黑色滲
望落會覺得太滲線feel 而唔係細節
心諗洗唔洗呀

Madworks整黎都係宣傳自己出嘅工具啫

近排睇到喬老師2號機條片 真心勁

但宜家個個都沉迷刻線，好似無咗啲線會死咁

唔會囉,
係啲懶係威 要Show off果啲咪係咁刻

你都幾老實, 我份人本身就偏向看破不說破嘅, 見你咁直我又忍唔著講幾句
以我見解就兩分開邊啦
製作者方面就係藝術風格, 觀眾方面就係審美門檻

藝術風格呢, 其實我覺得好大部份係同戰鬥機有關
因為你所講嗰啲要素, 或者話高達本身嘅參考對象都係寫實軍用機械為主
(如果喱個擺在眼前嘅事實都唔同意嘅話, 或者係都要拗話邊個邊個冇咁講過的話就唔洗睇落去, 直接負皮block我算啦)
你如果問我嘅話呢, 我覺得以前佢哋官方MS機設係坦克飛機50:50嘅
喱兩樣本身喺視覺要素上就已經係好明顯, 坦克身上嘅「雜線」同「圖案」都係偏少而飛機係相反架嘛
你喺官方Artworks上面見到嘅高達大部份都唔係咁多刻線
因為人哋身上面嗰啲係「裝甲」嚟, 理論上就係應該似坦克咁, 如非Strictly Necessary(例如反應裝甲), 都係一片過
次次我講喱個point都未講完就會有啲柒頭走嚟話因為以前手繪作畫啲detail唔得咁多
好明顯喱類柒頭就冇撚睇過macross
咁點解飛機又會有咁多「雜線」同「圖案」呢
如果有些課外知識嘅人就會知道大部份飛機本身表面係一片片嘅金屬片鉚接而成並非一塊原整嘅金屬或者複合材料(特定國家或者近代就比較多啦)
所以喱啲「雜線」其實係金屬片之間嘅相接坑嚟
加上喺航行其間好難望清楚對方係咩人咩身份, 所以未進入電子時代之前, 識別字眼同圖案就要雞乸咁大同咁多
咁好哋哋做咩高達要向飛機嘅視覺要素靠攏呢
我認為就係因為高達本身都係以高機動同航空/宇宙嘅背景為主
當時嘅專業模型人同插畫師為咗添加表現個人加工心思而取材於軍用飛行器嘅外觀
所以你都見到官方有刻線嘅模型係比以前係多, 喱個都係隨風氣而跟進嘅方向嚟
但不論係官方, 職業人士定係業餘愛好者都總有啲人就係會東施效顰、邯鄲學步咁樣走去overwhelm一個feature嘅
孰好孰壞就睇人喇
我自己砌開飛機嘅, 我覺得多唔係問題, 重點在於有冇條理

審美門檻嚟講呢, 唔知咁講會唔會好自負
但我覺得係愈冇內涵同耐性嘅人就愈唔易睇厭巨量刻線嘅作品
因為刻線真係能夠帶嚟好強嘅視覺衝擊, 就好似acg作品入面嘅大波妹
你唔需要夾埋啲劇情, 個性, 先會發掘到佢嘅存在意義
刻線就係你一眼掃埋去就會見到嘅事, 唔係一啲你細心望先會察覺得到嘅細節或者彩蛋嚟
但在此兜一兜先, 雖然我用大波妹嚟比喻刻線, 但唔代表大波妹就一定劇情唔掂, 冇個性都work, 而家講緊個first sight啫
正如刻線如果分佈有條理我都係唔反嘅
即係講到底就係一種eye candy嘅效果囉
咁講真個世界就係膚淺嘅人多過講究嘅人架嘛, 因為講究嘅人係經過時間洗禮出嚟
利申: 胸奴人


所以我覺得刻線喱個feature就係喱個速食時代嘅產物嚟
直到主流都出現審美疲勞之前都係搞唔撚掂架喇

所以最後答返你個問題, 刻線唔係唔做唔得, 除非你想拎去比賽

最後自貼增加本post成品相數量

簡單啲講
條刻線加得柒咪多餘
加得靚果啲多數無乜違和感