睇完巨人 唔明艾倫 同米卡沙條感情線

點解艾倫咁鍾意米卡沙 。但點解仲要係第四季羞辱佢。
話佢係奴隸，最討厭佢？

同埋唔明白 始祖尤彌爾 點解咁突然話愛上果個王。

你有無試過愛一個人？

唔好傷害毒撚啦
樓主個初戀仲係到

Sorry，係我錯，樓主

用較為現代嘅角度去睇, 當始祖尤彌爾獲得巨人之力之後, 推翻渣男初代王根本易如反掌, 個陣唔反抗就笨柒.

之不過咁, 當其時係君主一人之上嘅古代, 人類係唔平等, 而且階級分明, 奴隸嘅生存價值就只有一個: 服從君主. 佢哋係唔可以, 亦唔應該反抗主人. 況且始祖自細就遭逢厄運, 係不幸, 痛苦及黑暗中成長, 根本建立唔出健全嘅人格, 仲點會有完整而成熟嘅價值觀, 自我認同及愛情觀呢?

所以, 即使尤彌爾獲得巨人之力, 佢第一件事都係跑去主人身邊, 希望從主人獲得認同及肯定, 能夠繼續獲主人差遣. 主人嘅命令就係生存最大任務, 主人嘅精神及思想就係佢做人處世嘅方向. 從始祖身上, 香港人應可以係香港搵到唔少冇巨人之力嘅尤彌爾.

尤彌爾係咪真係深愛初代王? 未必, 佢根本冇完整嘅人格及價值觀, 好多觀念都係扭曲, 係初代王身上可能只係反映出佢被主人肯定及加許嘅渴望, 而非今日大家所認知嘅愛情.

尤彌爾係通道上遇到嘅, 都係自己嘅後人, 而且都係失去靈魂, 萬念俱灰, 會被佢意識舞嚟舞去嘅人. 2000年嚟, 佢就係一個孤獨, 空虛及完全封閉嘅世界中成長 - 直至米卡莎嘅出現. 米卡莎最後殺艾倫嘅舉動及情深一吻, 就係自由意志嘅彰顯. 呢個, 就係尤彌爾2000年嚟都無法理解嘅愛情世界. 個一刻, 佢終於覺悟, 唔再為渣男王延續佢嘅巨人夢, 終於獲得佢嘅「自由」.

估唔到米卡莎落到手

因為艾倫係a0毒撚
Mikasa話同佢係家人
最後就走咗地鳴呢個結局嘅故事線
鬧走佢都係為咗達成而家嘅結局
如果Mikasa嗰陣答愛人
或者艾倫唔係a0毒撚
就應該會走私奔路線

比成班人逼到埋牆
有得唔落手咩？

始祖都可以話俾王pua左 艾倫同米卡莎愛情線真係睇唔明
第一次睇到結局篇真係打左個突 不過劇情需要就由佢啦

巨人就係咁on9

都係刀劍神域好

想愛情線寫得好少女漫畫大機會啲
好多少年漫畫愛情線都得啖笑
例如櫻同佐助

火影條愛情線唔太影響成套野
而且一開始就硬橋硬馬話你知小櫻冧佐助
條愛情線只係用黎協助少少劇情推進
但巨人唔同 到最尾尾尾尾尾先用愛情線黎扭橋
非常影響個觀感只可以話俾自己聽呢套唔係愛情漫畫 當劇情需要就算啦

地鳴只是鬧著玩

這個嘛……

碌鳩識轉灣

其實唔哂理明唔明
開頭吹得太大最尾唔知點收科
突然諗到用愛情黎強行埋尾就得
咩柯尼咩瑪雷人乜9野調查兵團死幾多人都唔關事
總之因為艾倫同三笠係相愛
有咩血海深仇種族矛盾去到最尾結局即刻受呢段愛情所感動立即停火揸揸手大和解

我覺得以色列可以考慮約埋哈馬斯一齊睇進擊的巨人，話唔定即刻可以化敵為友停一陣火

中國人咪一個例子囉

個結局真心好兒戲，竟然係玩主角扮壞人遊戲 + （毫無鋪排下）斯德哥爾摩始祖
當年漫畫版啲讀者炎上到癲，而家動畫版加啲激昂配樂同動作場面，突然又轉晒評價
你話尤彌爾係奴隸心態所以唔敢反抗弗里茲王，而艾倫係解放左佢思想嘅救贖，咁都仲講得通。零鋪排下無啦啦話佢深愛弗里茲王真係精神病。

你層次低睇唔明

好簡單，爛尾