呢套唔係真人劇而係一套卡通
係一套「美式東方畫風」嘅「日本武士」「復仇」卡通
（作為由細講到老嘅死老鬼來講，我都係鍾意用卡通呢個港式音譯名，多過用「動畫」呢個詞）
（主角係個碧眼混血兒，係男裝打扮嘅女浪人/武士）
呢套卡通設定响日本閉關鎖國嘅江戶時代
紅鬚綠眼嘅外國人，當時被視為邪魔妖孽
主角Mizu（我成日聽到係miso味噌⋯）
係阿媽俾一個外國人強姦後所生
Mizu因為一對碧眼
自細遭到各種歧視同粗暴對待
所以佢矢志偷師各派武士劍術
要殺死當時响日本嘅，包括可能係自己老竇嘅四個鬼佬
⋯
預告片
https://youtu.be/nJ1yQn17lbE
https://youtu.be/3ciOn_4XFfE
以下會有大量第一集劇透
（其實 Netflix 都放咗完整第一集上YouTube㗎）
https://youtu.be/Cm73ma6Ibcs
呢套卡通嘅畫風
應該形容係有強烈「迪迪尼」套《木蘭》卡通嘅影子
（據說《碧眼》嘅監製好似有參與過《木蘭》嘅製作）
我入坑嘅原因，好大程度係卡通入面嘅打戲
（最後呢張，令我想起《生死決》最後一幕）
可能因為係「武士」「劍士」片
所以呢套嘢嘅打戲
睇上去係比較有真實感
（講嘅係招數）
而唔係天馬行空式個武士可以飛起幾十呎高
然後一秒鐘耍十幾廿劍出來果種（or《龍虎門》王小龍果種一秒打幾十常嘅誇張表現）
第一集第一場打戲係麵館
動作場面非常短
甚至無揮刀弄劍嘅畫面
但睇完就會知道「哇，主角功夫好快喎，真係火雲邪神話齋果種「WiFi不破」咁勁喎」
之後單挑道場，開頭只用赤手展現劍法
呢個場面設計非常「唯美」（好有王家衛《一代宗師》嘅味道）
一轉眼主角執起木劍
成場武打就變成非常猛非常狠
而且場面設計非常精彩，仲非常有真（現）實感
例如主角用木劍幫對手「剝牙」（其實係啲牙食咗落把木劍度）
跟住嘅慢鏡，木劍脫手响空中迴旋
主角以掌勁將兩隻牙變成子彈咁（正常速度）
就好有以前港產武俠片咁，筷子當飛箭用一樣
當然呢場一個打十個（實際好似七八個）嘅戲
真係設計得好流暢，打得好悅目！
睇到呢度我宣布自己正式入坑
會趁今明兩晚追晒剩低七集
又利申一下先：廢腦係獨立自主煲劇人，唔係PR
