深圳討論區 (6) 正版

咩事我上次出入都叫車，好方便，無乜點塞，
香港都微雨

又話block左一卡兩號啲號碼？

平平地係香港聯通開一卡兩號啦 一個月先十幾蚊

廣州係我去過交通最惡劣嘅城市 19年去過已經咁覺得
地鐵條條都幾十個站 搭到天昏地暗
有啲得4卡 逼到西咁
巴士又殘又舊(同深圳比) 啲路又多燈位又塞車
call車少少路程都坐好耐
加上今日落雨 更加leh hea 行到好攰

開左vpn就有機

大陸支付寶有冇得轉番錢落香港支付寶？

尋日上左廣州 坐永東巴士
來回160HKD 好撚抵坐
由香港上車到廣州正佳廣場落車只係3個鐘多少少 包埋深圳灣過關
同我上羅湖坐和諧號 或者去西九龍坐黃金水魚號去on9廣州南時間差唔多


一落正佳廣場 想搵間腸粉 搵唔到
有條地下街食燉湯 試下啦
椰子雞湯都唔錯


跟住去坐APM線 好似係無人駕駛列車？
無乜特別 叫做試下

廣州塔 影個相走人

之後去坐輕軌 坐去萬勝圍
沿住珠江行 城市景好柒無影 不過坐下都好

好耐無見過嘅Qoo橙汁 細個好鐘意飲

萬勝圍有個簡易既地鐵博物館
睇下自己坐過咩地鐵先

不過我食左市師雞
係幾正

睇完地鐵博物館 坐巴士去左黃埔古港
係一個河邊+一棟古建築+一啲小食店
無野做搭去行下 可接受


買下手信 一包光酥餅10蚊 唔貴

雙皮奶幾正返大陸必食





個古港就係咁 好彩都有個博物館行下
原來以前(18世紀) 真係好多鬼佬喺呢度上貨
而且好多係丹麥人
丹麥無侵略過中國 所以博物館都無寫衰佢哋

Alipay已經唔止深圳可以用好方便

好塞喎
嗰次上去睇演唱會差唔多會場十幾公里左右已經塞

朝令夕改，係咁樣

睇完黃埔古港 本身想去北京路行下 但係好攰
返酒店先 想講廣州啲酒店都幾貴
想搵間300-500 range 好好睇睇嘅酒店都好難
唔係話比唔起600-800 不過一諗到日本好多靚酒店 都係咁上下
就覺得大陸比咁嘅價好笨柒
今次住永慶坊隔離希岸酒店 本身揀咗380蚊嘅豪華大床房



休息咗陣就call車去食dinner
其實今次係同女友上去慶祝生日
因為唔得閒飛外國 又唔想留港
就不如試下返大陸好彩搵咗間西餐廳都唔差
有江景(不過對面啲大樓好柒) 有免費生日布置
而且無咩人好靜(得幾枱小姐姐) 無核突大叔大媽同嘈喧巴閉嘅細路 感覺都唔錯


嘢食都好好食 個牛扒好嫰同有肉味 一流

第一次見甜品寫字寫中文

食完行下北京路 大陸啲步行街都係咁啦

好耐冇見過旺旺咖啡凍 香港係咪消失晒



第二朝起身去食西關明記腸粉
覺得潮汕好食啲

行下西關同永興坊
舊舊地 深圳唔會見到嘅街景 有啲騎樓咁嘅民國feel






行下沙面島 廣州版外灘

個教堂幾靚 但兩個banner真係唔知想點

去咗食市師雞 呢間味食家市師雞好似好出名 仲拎過米芝蓮
上美團見寫開到14:30 即刻call車去 13:30去到話唔做生意了（後來問起話收14:00 美團改唔到）
做埋前面果枱客就算 我話我哋香港特登嚟 比我哋食埋啦
佢哋先比我食埋 事頭婆都好串


撈粉 好好食

出名嘅市師雞 先叫咗半隻
其實就係白切雞加豉油同蜆介

係幾好食嘅 幾香雞味 女友細個有返過鄉下食雞
話係佢細個食過嘅味道 好懷念

即刻叫多半隻 呢隻唔淋豉油
唔落嘢食好食好多 先食到新鮮雞嘅味
我見個電視播嘅食法仲要yam一大pat蜆介 心諗搶晒啲雞味

深圳水圍村湛江漁港

隻雞感覺唔錯 幾錢

隻湛江白切雞就$118

留名

樓主有女友

樓主去廣州好似咁多野玩咁既
我去都係去滑下雪、行下大商場食下野
原來有得搵客服退錢而家先知

去過韓國 唔識滑
廣州多景點嘅 兩日一夜我都行左一堆 不過都係咁啦