咩叫成就？
高職位指指點點就威？定人工高就叻？係睇你自己點睇啫。
你覺得 bull shit ，咪bull shit 囉。
關係方面，婚就求晒，plan就 plan晒，只差 execution。無意外應該ok啩
自 high式付出，又唔好講到咁誇咪又係朝9晚6，最多咪出下差（見我今日可以傾咁耐都知忙極有個限度）如果你覺得我冒犯到你，咁我 say sorry。我無打算強加任何思想喺任何人身上。我只係覺得/又或者誤解，你只係逃避緊去接受香港係咁仆街嘅現實啫。
香港生活一啲都唔舒服，又細又多人，工時長，壓力大。
唯一一個好處，就係搵錢易。直接啲講句，你改變唔到個環境，只係可以改變自己嘅心態。我選擇係，當香港係搵錢嘅地方，開唔開心，唔重要。有人出得錢要我朝8晚2，身體可行嘅，前提係我可以有時間去下旅行抖嘅，why not ?
唔鍾意香港，仲可以移民，屋企、朋友放得低（或者會一齊去嘅），真心，走啦，留喺度等迫死咩。
記住，乜option 都好，錢始終係重點。
移民係錢，玩係錢，working holiday都要錢去起機
將來退休又係錢（靠政府養就仆硬街）。
個人生係你嘅，你開心就得。
呢度有叫你去嘅，有叫你唔好去嘅，
但條路自己揀嘅，會好/會仆街自己決定。
我自己揀咗條路去搏去衝，你話我扮嘢都好，起碼而家我都未仆街（希望順風順水啦）。就算真係仆街被帽，咪唯有喊下之後搵過個繼續行落去囉
唔啱聽嘅，咪當有件傻佬鳩嗡就得。
