青木堂中醫駱駝漆大廈分店被地政勒令停業

黃店「青木堂中醫」昨（2日）宣布，於駱駝漆大廈（下稱「駱駝漆」）的分店被地政總署勒令停業，是第二間在駱駝漆因為違反公契，被迫結業的店舖。負責人中醫師張懷烈（烈大夫）向《光傳媒》透露，駱駝漆內只有青木堂和光榮米線被勒令停業，他無法評論當局是否「選擇性執法」，「唔知點解淨係揀我哋，其他又無事，以我嘅智慧係無辦法理解『皇上』嘅諗法」。

烈大夫指，青木堂在2021年於駱駝漆開設分店，當時地產經紀並沒有向他們提及工廈地契相關問題，而大廈內亦有不少零售、飲食、診所正在經營。他指出，診所內的所有中醫師均為合資格註冊人士。

他憶述，今年8月第一次收到地政總署發出的警告信，估計與「光榮米線」收到警告信的時間相若。地政總署期後曾進行幾次巡查，每次都由一名督察帶着幾名地政總署職員在店內拍照。

約1個月前，青木堂收到地政總署勒令停業的要求，並要求診所在2至3星期內遷出，烈大夫表示，他們只能「急急腳」找新地方搬。據他了解，駱駝漆商戶中被勒令停業只有青木堂和光榮米線，但他無法評論當局是否「選擇性執法」。

「眾所周知駱駝漆大廈成為香港人消費零售地點已經10幾年，駱駝漆大廈入面有大量嘅食肆、零售舖頭、workshop，咁多年來一直非常暢旺，一直無任何商家被所謂投訴」。他認為政府一方面說要「活化工廈」、促進消費，但另一邊廂卻以工廈違契為由迫使更多零售商舖結業，「好似同發展方向有啲南轅北轍」。

翻查資料，今年8月底，「光榮米線」在其Facebook專頁表示收到地政總署通知，指食肆違反大廈「只淮用作工業及貨倉用途」的規定，要求停業，否則將向業主「釘契」。「光榮米線」宣布結業後，食環署高調巡查駱駝漆大廈，並向其中9間商戶提出檢控。

發展局局長甯漢豪當時回應傳媒查詢時指「違契就是違契」，又指工廈若有人流時常出入，會有安全隱患。地政總署署長黎志華亦指：「我們的巡查絕對沒有針對任何一個行業、沒有針對任何一間公司」。

《光傳媒》已就事件向發展局及地政總署查詢，由今年8月至今每月在工廈的巡查、發出違契警告信，以及在勒令商戶停業的數字，並詢問當局如何衡量被警告商戶須否停業。正在等候回覆。

個老細好似扮黃

咁有咩可以做
食又唔得
睇醫生又唔得

犯法就係犯法

冇針對任何一間，但事實只有偏黃先俾你出信叫停，其餘十九幾間全部都冇事

只可以做紅藍

選擇性執法

幾時去香檳富士拉違反地契嘅人

諗趨今朝先有個po問駱駝漆單野

即刻殺多一個

點解今次冇人搞返個超合作運動
一口氣投訴晒全香港所有工廈嘅所有非工業用途嘅店呢

黃店養緊個件羅湖聰何嘗唔係扮黃？
手足坐晒 佢就去外國飲紅酒打機渡日

點解你覺得冇？佢收到投訴就一定要做野既咩

上次咪投過囉佢係要選擇性執法咁可以點？
仲有班友叫你咪攬炒

工廈唔可以做商業用途，中醫診所更加唔得

投訴？
同港共投訴？

成座大廈大部份都係商業用途
但剩係2間要走

何謂商業用途？
做貨倉算唔算商業用途？
工廈唔做商業用途，唔通用嚟住？

選就梗㗎啦，係咪想攬炒多一鑊？

係做就做盡佢, 全部清走哂
選擇性執法

你投訴就要跟 你咩新鮮蘿蔔皮