唔想負責，驚瀨屎上身係真。呢個一句”有咩事係咪你負責？”
就好似搞到人哋差唔多死咁既情況，明明好輕微。另外就係市民質素低，當救護車係免費的士，有人包接送基本檢查，有班人就係要好處拎到盡。見過對面街就係醫院都要自己行上救護車，行得快過救護員勁清醒
仲有就係市民普遍嘅醫療常識不足，小朋友發燒家張唔知點算叫救護車，屌你手抱去撘的士都解決到。呢度痛嗰度痛覺得有事但行得走得，咪自己坐車去急症室囉。跌親流左少少血止左血又叫救護車，血都止埋叫救護車係咩事？
不過消防處有搞啲咩CPR course既，但呢啲情況就真係危急啦，無論點你都要叫救護員幫手。但係最簡單嘅頭暈身㷫唔舒服，呢啲情況就冇人教，冇人講應該要點處理。所以其實消防處最應該係呢啲嘅情況上面着手，如果你真係死都唔想加資源落去人手裝備的話，我覺得社區宣傳已經係最低成本嘅做法。
