分享我的My Little Airport

最近因為梁朝偉睇mla show，多左好多人講，好多comment都話好難聽
但我諗mla唔會係一聽就愛上果類，鍾意既人更加鍾意佢歌詞入面既故事
所以想Share一D佢地既歌
講明先，只係自己既睇法黎

首先用3首歌行先，個人感覺比較易入mood

留意下MV係用紅藍綠3隻色，分左感情3個階段
https://www.youtube.com/watch?v=gmmifg47NCA&ab_channel=mylittleairport
就在那夜送你歸家以後
你再打給我說 你沒有上樓
沿著我背後一路走 因見面不敢開口
「明天要返英國」 電話裡淚流
講一個另一半要走既故事
諗下有晚送另一半返去，跟住佢話聽日就移民

寒夜跟你到麥記 朱古力當是酒
大家都細個，呢個時候唔識處理呢d感情，都唔會有勇氣或者能力令另一半留低

我若全力追究
你也會來去自由
相士說你屬於那些矛盾波動的千里馬般狂野
用咗2句講對方係一位捉唔住既人，真係愛一個人或者有時放手更加好

就在八月知你住我家附近之後
那夜經過大角咀你細訴小時候
原來8月先開始fd，仲要住大角咀，詩歌舞街果頭，直到麥記最後一夜只係3,4個月發生的事！

但是我亦走不進你心裏頭
某夜親吻到似變了男女朋友
但是你從不愛拖手
只是放手進我衣袖
代表只想取暖 是否
最後先講話只係曖昧，未一齊。
我地係感情入面，的確好難直接定果個人係朋友，定係另一半，特別係局中人更加唔想諗，淨係想享受呢個moment
但最後都不得不面對現實

這惡俗的不捨
比一起更好過些
才是你遠走的主因 或者
主角諗對方係咪覺得呢種離別更加可以係腦入面記一世，另一種既永遠
因為一齊左，都會感情用哂跟住分手
對方未必係咁諗，主角當時太傷諗多左姐，但都為主角成為emo文青埋下引子，去到下一首歌！

再殺一個人

https://youtu.be/R53S8JJw5dY?si=PXV3-gAxAlAHtrwc

有人話世間所有感情最終都會走向末路
兩個人就咁永遠疏離都無話好定唔好
呼應頭先覺得所有感情都會完
個人覺得咁樣未係悲觀，正正因為咁所以更加要記住美好既回憶

有理想嘅文青到某個階段開始變得深奧
簡單嘅字句要有學術字眼先表達到
Mla好多詞就係唔洗人估，直接有畫面感，電影咁入咗你腦入面，再不知不覺咁代入自己入去

藍色mv，感情既第2個階段
再殺(忘記）一個人
經歷咗幾次戀愛，開始文青傷春悲秋mode
純粹既作家，想返去古時，Emo
覺得冇人理解自己！

你係我嘅青春期永遠唔會再接觸到
某天先知道碰到你眼也不想一掃
對方係回憶咁重要，又點會忘記
只係唔想望現在既佢
但當年，記憶入面果位，都係無可取代

感情既第2個階段就係咁複雜，虛無，emo，想早d死，乜都唔再感興趣

終於黎到最多人聽既詩歌舞街，相信好多人都好熟，但都share一下，如果岩岩入坑可以睇下～

https://youtu.be/J2DxGXp8KYY?si=-8iWVs5VIaP38OKe
綠色既mv，感情由相遇，分開，去到悉懷
但又點會真係悉懷到

那晚看Russian Red大角咀表演 你與我竟會再遇見
值得一提既係今年mla show呢首歌開始唱前播左一段仔Russian Red既出show片，相信就係大角咀果次
又係大角咀，唔知同麥記最後一夜果個有冇關係，應該咁岩姐！

剛過身的作家你介紹那年 寫過只有散步我們才真正聊天
講李維菁既一篇散文 老派約會之必要
一對岩岩開始既情侶係台北散步約會，重點係有個靜靜地既聊天環境，做乜野反而唔重要既一個約會憧憬
成為現時好多文青既G點，爭相搵人體驗
而李維菁係2018年尾過生，首歌2019年2月就出，仲記得utube通知我首歌出果時loop左一陣先驚覺佢過左生
除左呢本，我都推介 我是許涼涼 可以更加了解李維菁既悲傷

再次聽你說故事 聽你說剛生的嬰兒 詩歌舞街地上有著光點閃閃
詩歌舞街地上冇光點閃閃，閃既係主角已經望住地下眼濕濕啦

外地歷險，愛聽古典，父母婚變
update近況，散步中聊天
呼應咗李維菁篇文既散步聊天情節
不過篇文係曖昧約會既憧憬，想了解對方，sweet的
呢首歌卻是物是人非的重逢，閒話家常但點都開心唔到。。。

我卻像當天的少年
對方已經結婚生兒行咗好遠，我仲係個emo既青年停係原地走唔出黎
但已是能控制我所有淚腺
係咪真係控制到嫁，只係自以為對方睇唔到

邊聽邊講我忘了怎去99咖啡店
走進萬發坐在暗光卡位窗邊
主角一開始已經眼濕濕，但佢仍然忍住淚輕鬆平常咁聊天，多麼令人痛心！每每聽到呢個位都心upup

由Nicole把聲唱出黎，將好重要既野，唱到好平常。
我地已經對感情好攰，有時分手都唔想諗，因為第2日仲要返工，唔係冇哂感覺，而係唔知比咩反應，裝作一切正常。
但悲傷會係漫長日子滲出黎，靜落黎想搵人傾果時又可以搵邊個，又或者有人聽都唔知點講。

見到好多人話似詩歌，但用感情表達mla歌詞既思想呢個位我係覺得十分充足的！

以上3首歌應該唔係3部曲，不過我自己覺得咁聽會有feel d

分享到呢到，睇下comment再打！

如像九十年代初
照片裡海灘的印象
那種下午沒有重量
帶點迷惘奔向夕陽

那年獨自去南洋
一杯白咖啡的早上
四周是可冒險方向
尤加利樹葉的香

那陣時不知道
置身的日子都發亮
眼光裡藏著的囂張
往後已不再同樣

精神病

Milan

https://www.youtube.com/watch?v=2HDqn8lZod8&ab_channel=mylittleairport

Milan係指米蘭 昆德拉
睇得出佢對MLA既作品有好大影響
而今年show主題係 你告訴我一個 昆德拉的故事
睇返ig係7月17號發佈，而昆德拉本人係7月11號過生
唔知係咁撬一早準備咗個主題，定係幾日既時間去做呢個主題出黎

關於一對情侶
假裝陌生男女
再勾引對方去
酒店裡一起睡
最終勾引到分不到
對方和自己本身是誰
呢段係昆德拉一段叫搭車遊戲既故仔
本身純情既情侶 玩角色扮演
個女仔太入戲 將自己變得輕挑下流 像妓女
男仔都好矛盾當佢雞咁 仲比埋錢
件事完咗之後，大家都返唔到之前咁，個心沉咗一沉

今次個show有讀本書既節錄，個人覺得和音把聲讀得好好聽
在結束遊戲之前
球隊不能離開球場
棋子不能離開棋盤

我都想請你考慮
假裝你我是一對
知你有男友伴隨
如果搵對方同你玩角色扮演 可能太入戲真係有機會令大家互相愛上

我覺得ok，半講野既形式去唱出來
淨係首邊一個發明了番工都夠做

台灣呢啲我都覺得幾正 到後面情緒爆發
https://youtu.be/n7xF4UYrkq8?si=3H2oXa-gv7KYunW2

Mla伴我走過了失戀

G持

thx 但不推文了 由佢沉

係咪驚搶唔到飛

搶唔到都上網易買
個post咁耐之前 諗返起都係打黎比自己睇

lm