首歌唔會過度玩文字,雕花咁,又同時唔會好似D MK歌為咗押韻而夾硬改啲詞嘅結構或者次序。
而且"落花"同"流水"呢兩個借喻係用得非常之好。
最神在於首歌係講述緊一個完整又令人Relatedtable嘅故事:
"流水"本身係一個你可以話係一個人生無咩起趺,無咩經歷嘅人,特別係愛情個方面。
直接佢遇見"落花" 成個人生就變咗,佢無諗過自己咁樣無乜特別嘅人,可以同到"落花"一齊,
一開始佢都會因為自卑,無安全感煩惱,但慢慢佢自我開解,覺得"無乜所謂啦,當玩啦,唔好太上心,一起到已經算執到"
隨住時間流逝,佢地嘅環境改變咗 (可能係升大學,可能係換工換位等等) 而"落花"對"流水"嘅感情亦隨之變淡。
雖然未分開,但所有感覺都同以前完全唔同,係呢個階段"流水" 好難受,一時佢會覺得明知自己只係過客,本身只係想玩,點解會沉左船搞到自己咁,明知無結果,但又一直咁呃自己。
每日就係一邊自責一邊自我安慰,好似有精神病咁,有時坐低食飯,食食下會喊咗出嚟。(如果經歷緊,或者經歷過嘅人就會明)。
直至有日"落花"終於攤牌,但因為怕hurt 到"流水",佢將分開件事講到好惋惜,唔係"流水"嘅錯,"流水"值得更好嘅人之前。
呢一刻,"流水"就終於爆發:
"由一開始我就只係你人生入面其中一個陪過你嘅過客,我對你嚟講係無咩價值,但唔洗係到可憐我,講咁多懶好聽說話,
你要分手就唔該決斷D!你覺得遺憾,我唔覺得啊,我唔需要你可憐我,我唔再需要你,我唔想再見到你!
"當然,呢D只係"流水"嘅情緒爆發嘅意氣說話,人非草木,唔係話放低就放低,畢竟大家都經歷過 最溫柔共震。
陳奕迅邊首歌最神?
