[荷包乾塘未] Pomato 小薯茄及全新男團FINALLY 討論區 (24) (冰/童/英/J/富/蚊/朱mic)

事實就唔係做咩都有人讚
之前先一堆post搵位入 仲要做埋假新聞

我會認為依個係佢想表達一種風向或者風氣嘅問題，小薯茄同100毛只係佢嘅例子。唔存在比較嘅地方，因為小薯茄做得好100做得好，有人出post讚呢個係事實。佢只不過佢舉咗一個事實嘅例子出嚟。

如果係比較嘅成份多，我會話是當真比人盲目攻擊嘅次數方向係比較多，小薯茄都會有俾人盲目攻擊（麗英嘅歌/歌手身份，人身攻擊，Finally一開頭），但相對上係比較少

我認同游學修好多野都係比人屈
不過點解會比人針對
都唔係事出無因 佢個人攻擊性咁強
底下嘅死忠又有樣學樣去攻擊人
佢自然會有hater搞
冇理由玩女權自助餐 對佢有利就take
承受返惡果就講到好委屈咁

佢講緊自己好委屈姐
唔洗咁敏感
佢同小薯茄關係都幾好 都講過好多次欣賞小薯茄
唔係攻擊小薯茄啦

Yoasabi單野咪一樣俾人屌到癲
講真自己真係fans唔想再同佢地d咁既人嘈
始終有幾努力真係呢4 6年有眼睇唔係好易就得到返黎仲要維持初心

係，佢某程度上自作自受，我諗佢自己都預咗。

但係因為佢一個人惹火就全個channel比人盲目攻擊喺講唔過去

我諗起富哥話冰戲富因為有段片無帶安全帶就成條無出，都係好努力都係做咩前都有思前想後諗後果
熊仔頭我都有追開，同YT大哥有條又係諗清楚又唔出

佢真係唔想講

係，所以比被人無理取鬧有負面情緒，啲粉絲又反擊，之前又比人斷章取義又老屈，之後又不斷翻炒啲假資訊，無限輪迴。我諗冇人樂見呢個情況。

其實係 不過可能游學修冇留意啫，其實同一句嘢用喺小薯茄都得，小薯茄都成日俾人屌

「哦100毛做一件事你地會讚，試當真做一件事你地會讚喂，去到小薯茄既時候，喂唔撚係呀俾狗睇下嗎，屌你老母仲睇兒童台」

成日一句兒童台就抹剎晒
公關做得好都要付出好多努力

兒童台好差咩，有小朋友睇又可以長遠發展，又可以合家歡，幕前又有自覺多小朋友睇會有一個做榜樣嘅心態，自然就少公關災難。一聽到兒童台就覺得人哋係幼稚係嗰班咁諗嘅人幼稚。

我都咁覺得
但有時睇live佢地好似有d介意俾人咁講
其實我反而覺得兒童台係正面
即係咩觀眾都吸納到

其實做得公眾人物 比小部分人誤解攻擊根本係無法避免
佢話kpop就冇人踩 其實都大把人屌kpop整容 人造人 雞
佢剩係睇到自己委屈 就覺得人地冇委屈
又唔諗下點解係佢身上 有d標簽會發酵到

最基本 佢話比人屈派帽
其實派帽哩個標簽只係簡化左嘅講法
背後個事件係jessica入左娛圈 就同舊男朋友分手
之後仲同老細拍拖 哩兩樣野其實已經好肉酸

前者入娛圈就即分手離婚比人屌到仆街嘅有winka ash
後者辦公室搞男女關係
Arm channel一樣比人屌左好耐

其實係道德問題 根本就唔係針對試當真
有乜必要講到得自己好委屈 無啦啦就比人攻擊
Jessica冇比人屌到收皮已經好好彩

嗰道德問題喺邊度？點解入娛樂圈後分手同辦公室戀情會構成道德問題。

比人屈派帽同yoasobi事件一樣都係比人屈，涉事雙方都冇人講過啲乜嘢

下我重點係 唔止游學修比人屈
但係佢講到係針對佢咁

道德問題係大眾普世價值標準
你覺得屌winka ash嘅時候都係無理咁屌咩
不如你講下點解小薯茄要對某d shot都咁小心處理啦
而家唔係講緊絕對是非對錯 係個普世認知
以你道德標準 有咩行為先係有道德問題

"jessica入左娛圈
就同舊男朋友分手
之後仲同老細拍拖"
點樣可以簡化成「派帽」兩個字？
呢啲唔係叫簡化係叫老屈

我又唔係認同哩個講法
我只係講返事出係有因

咁都咁大反彈 搞乜野
哩個post都有試當真盲粉咩

咁慢慢解嚟睇，本身唔係娛樂圈嘅人拍拖，我假設佢哋嘅相處方式都係正常朝九晚五嘅生活狀態，但娛樂圈就係一個日夜顛倒，同朝九晚五相反嘅狀態。就好似異地戀，唔通因為狀態嘅轉變導致感情嘅轉變會構成道德問題？

如果你要引用其他例子，根據我嘅解釋都係唔合理咁樣屌。希望你可以可以令我明白一個感情問題點樣因為狀態嘅改變演變成一個道德嘅問題。

我當可以演變成一個道德嘅問題，佢都只不過係兩個人之間嘅感情問題，你最多都只可以討論私德嘅問題，點都唔會係去到普世價值嘅標準。

我指普世價值 係只大眾社會風氣問題姐
有d地方開放d 一夫多妻都冇問題
有d地方保守d 要結婚先可以做愛

而香港社會 可以抽winka ash哩d事件出黎發酵
咪表達緊 大眾未接受到入娛樂圈為前途 就要拋棄舊愛

當然 我哩個講為前途利益棄舊愛 係普通大眾默認嘅睇法
唔一定係事實 但係如果當事人冇解釋 大眾咁理解其實係好合理

我主要想表達 游學修事事覺得比人針對
但其實好多野都係事出有因 唔係無故屈佢
注意 我只係分析件事 唔係話屈人係合理

咁你咪又何嘗唔係辣著試當真fans既火頭？
人地依家唔係鬧緊小薯茄 只係拎黎做個例子
個原文意思真係咁難get咩？
更何況幾個台本身就係友好關係大家有眼見
點解作為觀眾要咁樣分化呢個香港youtube界？
唔通真係要用返你個名黎話返你咩

我認同佢個人因為個人言行被針對係佢要自行承擔。

但係屈嘅嘢就唔係事出有因，正如你上述例子就算用埋社會風氣同道德都係合理化唔到件事。

其實條撚樣把口臭串但講野唔係無道理，佢哋又真係受靶受得最勁
佢都有mention到小薯茄同熊仔頭JFFT呢堆
互搞d game個d又唔托手踭有派人
感覺都係尊重既只係少少葡萄就梗有

同埋佢講跳板呢個問題，其實個個channel 都遲早要面對，YouTube始終未足以形成一個好自給自足既生態俾呢班演員去盡展所長係事實，到一個關口要放手俾班骨幹跳出去，真係要有第二梯隊接棒先有得繼續玩

佢提及呢班失意既電影人落左黎拍youtube，到有電影市場又可以跳返出去
但如果電影市場唔掂，YouTube又萎縮既話，真係令呢班友無人問津，的確係問題黎
出發點係好既，只係present得差

就係因為有小朋友睇、要合家歡所以同時亦都多咗限制
之前都講過應該叫童真台，其實係幫大家搵返童真