大年紀狗經常亂吠

狗仔而家十幾歲
細個除左護食好少會吠
而家唔知係唔係腦退化
好易係屋企亂吠 早又吠晚又吠餵食慢一秒就鬧全家咁

有無人試過可以俾d乜野食佢去改善⋯

大年紀應該改唔到，如果佢真係腦退化，點train都無用

掉撚左佢啦，影響周圍鄰居

應該係腦退化 唔係行為問題

我隻3歲哥基都係咁，明明細個完全唔會叫，第一日入屋時我整緊佢個籠，翻到屋企7點放到成12點佢都冇叫過一聲，我屋企人完全唔知有隻狗黎左，係直到兩歲到一聽到人整廚房個垃圾桶就狂吠，獎罰方法用過曬都冇用，依家直情門口有聲/有人禁鐘/有人翻屋企都吠，最衰係佢明知你唔比佢吠，所以佢見我喝住佢時佢會一邊逃走一邊吠，一係咁掩體遮住自己再吠

不過佢係好在到依家為止出街都未吠過一聲，無論同其他狗玩定散步都係

你隻狗狗係咩品種? 日本系柴犬秋田呢d比較常見腦退化
我之前隻混種狗都係咁, 一直都好少吠, 後尾老老下開始夜晚狂吠叫唔停, 平時見佢間中會定格幾秒好似失左神咁, 如果人行埋去佢想退後讓路會好似唔識退後咁, 有時會唔小心困住左自己, 最後就會去到唔認得人同埋咬人...
腦退化無得醫無得train, 最多只係可以減慢, 建議可以先睇下醫生睇下係咪真係確診腦退化先, 睇下醫生點講, 帶多d佢出去玩好好陪佢享受最後美好時光

殊！

以前冇事，你養之後有事，咁會唔會係你自己做成我見好多人成日搞到隻狗神經緊張，嚇自己隻狗以為好得意，或者成日做d 令狗好激動嘅行為（喝佢鬧佢，甚至打佢），最終隻狗見到咩都叫

佢成日喺屋企吠，代表佢覺得屋企唔安全同放鬆唔到，你可以試吓獎勵佢嘅放鬆行為

佢唔係見到咩都吠，佢淨係聽到垃圾桶聲／電話響聲／有人翻黎黎／門外有聲佢先吠，固定係呢幾樣，平時我鬧佢話佢嗰d佢只會dup低頭死狗咁

點為之獎勵佢嘅放鬆行為？

睇到D野