大家嘅老婆/女朋友可以幾無手尾

未必
你請工人都唔係個個自動波識做家務而符合你既要求
你都要教佢train 佢

所以好細個我媽就train 我家務，理由係就算將來請工人都要識點佢做

而家諗返真係要多謝媽媽

玩完真鳩呢？邊個負責洗返乾淨？

真假都係要我洗

係咁見到自己留言咁🥹

呢個post好難忍口


以下係其中部份行為，未能盡錄：

- 永遠都唔會執櫃桶
放小雜物個櫃滿到閂唔埋就暴力對付。
整完手作攤到成地電鑽，磨機，釘，螺絲+帽，鐵線，成個廳無咗⅓地方，話短期內會再用所以就唔執住。最後成個幾月都無再掂過。

- 唔會點執屋
只要電腦枱，mouse夠位打機，電腦枱底夠位擺腳就得，其他唔會理，就算明知幾時要招呼客人都唔會幫手執吓嘢，好似唔關佢事咁，重會話根本唔洗搞咁多嘢。

- 飲完就完
啤酒樽，汽水罐，水杯，用完永遠都唔識丢，就咁放喺度唔理，試過放咗3日都只係由枱面轉移咗落地下。

- 食完飯就完
屋企有洗碗機，所以食完飯唔係好洗洗碗，但係就連順手執碗碟入廚房都唔會做，明明順路經廚房都唔會順便幫吓手。
每餐如是。 只要我唔執，啲碗碟可以由今日早餐擺到第二朝早餐。

- 成屋都係佢着過嘅襪
放工番嚟除鞋除襪，doorway一隻，廳一隻，電腦枱底幾對。只要我唔執或者揾漏咗就會洗漏咗，因為佢唔會主動拎出嚟。

- 永遠唔會放好啲污糟衫
就咁擺地下，永遠唔會做「拉個污衣籃出嚟」呢個動作， 所有要洗嘅衫包括底褲都係就咁hea喺污衣籃前面嘅地下，就係拉出嚟2cm都唔會做。

- 無論係咩都掃落地就了事
小至剪完嘅指甲，食完零食嘅碎碎，呻完鼻涕嘅紙巾。大至delivery啲紙箱之類，一律撥落地下，好似個地下識魔法咁。

- 有時唔記得沖廁
啲屎浸咗成晚，黐住屎蹟，只會出聲問點解咁污漕。
塞咗自然都係我整。

- 開完門唔收番好鎖好
車匙門匙成抽插喺信箱，鄰居幫佢執番N次。




以上係我老公

屙屎屙尿唔沖我會分手 離婚

慘呀！

咁你幫佢執手尾？

偷食完同契家佬斷得乾乾淨淨無手尾

屌尻佢囉

同埋幫佢執完
調翻轉佢會搵唔到自己用開嘅野然後鬧翻你

相反由啲野亂放對佢地先係最自然嘅狀態

佢都知自己推哂啲嘢畀我做
琴晚食提子未食哂，剩番嗰啲佢一手隊畀我
然後佢起身去廚房洗手
我專登問佢食唔哂啲提子係要點處理

佢識得答「擺番入雪櫃」

利申：唔食提子

係唔係太好服侍

父母唔教又唔做好榜樣囉！
我日日放工返到嚟，
大廳張枱一盒開封飲一半，
隔離又有一盒飲一半咁。
成地糖，仲要融嘅，
呢啲佢哋搬走後先一次過清。
佢哋唔走執嚟無意思，
飲一半都唔理又開咁，
執嚟有咩意思？
佢老豆又成日食花生
食到成地都係殼，
清完又有，
最後我唔清了。
免得無限輪迴咁。

所以要傾好先
我幫女性朋友執屋都傾好先執
費事有爭執

嚴重過我前繼父+我老母
係咪被屋企人自幼寵壞？
但我妹係飲一半仲開另一盒飲，
到朝早都仲係到，仲係有一半剩⋯
我妹有啲行為都似你老公嘅，
不過佢仲好細個。
（現已與我前繼父同妹同老母分居，舒服多了）

相反，佢屋企人從來都唔點理佢
有啲天生天養feel 佢自理能力，求生能力絕對唔係差
佢拍拖之前都唔係咁嘅人嚟
只可以話有啲人專注嘅嘢唔係呢啲so called「細眉細眼」嘢
有時我出trip幾日番嚟佢反而處理好哂啲嘢唔洗我跟
或者係佢太放心交自己畀我照顧都會妥當所以先失控


啤酒，零食開一半唔閂好呢啲我都慣咗
係有一次佢搞到我好鍾意食嗰包零食淋哂無得食之後先有自覺要閂好個包裝口
飲品飲一半走咗去呢啲唯有自己諗方法處理
啤酒可以用嚟做啤酒烤肉都ok嘅，汽水可以整雞翼



你襯你細妹未好大個前可能要引導吓佢獨立啲自己照顧自己
唔講其他，係有手尾嘅人將來有潛力好多，成就都會大啲

其實冇分男女 屋企男人屙屎唔閂門唔沖廁 一樣用完嘅嘢唔丢垃圾桶 將房啲垃圾擲出廳

分居咗，唔想湊，會激死。
直接同本人講無視。
佢細個帶佢出去玩都辛苦，
啲朋友話返我轉頭做咩要咁嚴。
心諗你唔係同佢住梗係無所謂㗎！
依家大咗無得教啦，
分分鐘鬧兩嘢就離家出走，
本身細個都咁唔聽教，
留返俾佢老豆處理算。

I know that feel bro +1...

最頂唔順係用完d野唔會放番好
d化妝品梳搖控文具成張枱成個廳都係

養隻貓就唔會有呢啲問題

Cls
其他都算，唔沖廁真係接受唔到

一個人有無手尾係睇佢想自己有無手尾
佢唔想付出唔想郁想有人同佢做阿四，而你又心甘情願/唔反抗，咁佢咪無手尾
佢著緊頭家就自然有手尾

你家人係咪好鍾意扮靚？係嘅話啲精神已經去曬嗰度

唔係呀！