有無人試過深層洗牙？

牙醫轉介牙周病專科醫生俾我，可能要做深層洗牙或者洗牙腳。又要洗一筆錢治療，呢位後生牙醫相當有良心，佢話自己未必做到所以要俾其他人做。

今年睇過三個牙醫，一個覆診（A牙醫）、一個洗牙（B 牙醫）、原先諗住在覆診牙醫處整牙套，但佢態度太惡劣，我懷疑我有牙周病都係當時在箍牙時無好好洗牙所致，當時是疫情，之後佢唔再做洗牙了。

所以我搵左另一個牙醫專洗牙，佢好用心洗，由於佢診所整唔到我需要的retainer ，我就搵左第三位牙醫，即係後生仔牙醫（C牙醫）。

今年3月與10月分別洗左兩次牙，都算係半年洗一次。有牙周病是很久的事，只是一直無牙醫直接提醒同叫我認真看待。我都會諗後生仔牙醫係咪危言聳聽

但我諗佢係老老實實的人。

原定下星期去睇B牙醫，但月頭先洗左次牙，諗住改到12月或1月再洗，聽多個意見先睇牙周科醫生

唉，病向淺中醫。銀包大出血，但既然有問題都係要睇。

點都好，奉勸大家睇牙醫，唔好怕，唔好懶。

宜家睇牙真心貴，又難book，師兄可以試下油拔法

牙始終都要睇
要整走啲牙石牙菌膜

深層洗牙我依家做緊第2次正宗貼錢買難受

最痛係打麻醉針不過仲可以忍受的，過程除咗牙骹好攰同事後d牙酸軟幾日外就無乜太多感覺

後生勤啲洗 刷牙刷好啲 用牙線
牙周病唔係一時一刻出現

做完流左好耐血

樓豬箍牙前幾耐洗一次牙？

我係大角咀d普通牙醫睇 你要做深層之前做個牙周檢測 類似睇下你d牙周袋幾深 本身佢話太嚴重的話佢唔會接 要轉介牙周專科

好彩地我唔算好嚴重，個醫生肯幫我做

佢$2000一part 我要洗哂4part 所以$8000 我上網睇過算好平

打針方面，我覺得佢打係牙肉面度，就唔係上顎

依家要每晚用牙線+牙逢刷+刷牙去清潔

要割開牙肉？

專科係一定實貴！

5位數字全口應該走唔甩，萬幾至3、4萬不等。

但無計 一直都有牙肉萎縮問題，成日形住d牙就甩
我係上個月突然的起心肝先走去睇
我有d牙周袋都5mm 嚇到啦啦聲搞

我係深層洗牙，打麻醉刮洗牙肉下d牙石，割牙肉個種已經係好嚴重，我諗可能牙周袋已經7至8cm以上，同一定係專科搞了，價錢應該好貴

有食煙？

你為人著想就唔好推介啲偏方

mm下話cm你隻牙一早甩
btw牙真係好重要俾牙醫講完我情況唔敢再偷懶唔用牙線

我覺得你可以唔使等到十二月，睇咗專科先。 比診金當見醫生，佢會比個治療建議你。

但專科啲機又真係靚啲

洗完牙肉都冇埋 會一個個窿

沒有的 唔煙唔酒 由細到大易好易有牙石 可能一直無用好牙線

我覺得見牙腳佢唔會幫你搞 始終佢地分得好清 太難都會叫你去返專科，你係有無甩既徵兆？

笑死打錯左

係呀 完全唔敢hea用 牙石係好快就會形成 一唔理硬少少就會鈣化 就要洗牙先洗走到 好麻煩

無試過都唔想試 驚荷包頂唔緊

等到洗完後都要再度多次d牙周袋有無減退 如果無醫生話就要專介專科再洗過我都pk