有冇人從來都冇試過盡全力做任何嘢

有冇人覺得自己由細到大做所有嘢都冇盡全力去做
發覺自己由細到大都係死好命
成日都有啲唔差嘅際遇又冇咩大挫折
同同輩人比好似又唔算太差比上不足比下綽綽有餘
但出到社會做嘢之後發現自己人生好似有啲瓶頸
明明知道自己做所有嘢都冇盡全力去做
hea下hea下符符碌碌都過到骨但就係好似冇乜進步咁
到自己察覺到呢個問題個陣反而唔知點入手解決
好似由細到大都冇搏盡呢個經驗反而唔知究竟做到咩地步先叫搏盡
永遠做到某個地步覺得ok但review多幾次又覺得可以更好但好似點都未試過有一下真係覺得好到唔使改
都係到deadline就唔改掉出去就算
好想真係改咗自己問題
雖然可能最後又係鳩up吓就算
但有冇其他人曾經都有呢個問題又跨過咗

你係驚盡咗力都失敗姐 唔努力而失敗 咪姐係證明唔到自己係廢

即係嗰啲嘢唔需要盡全力做
同埋你未遇到你願意盡全力做嘅嘢

俾你八字我幫你睇下

其實可能盡左但唔覺
又或者可以唔需要盡力就做左
其實盡力呢個feel 真係好虛

好多時自己已經俾咗嗰刻最好嘅嘢出嚟
但係事後睇返成日都會覺得可以好啲

真 俾個藉口自己
呃自己如果盡咗力就一定得

但個問題係我又唔覺得自己冇努力去做
其他人又唔覺得我交唔到貨
但自己知啲嘢好似硬係差咁啲咁

盡全力但失敗左個打擊感仲大過hea做而失敗

其實以你性格你已經係盡左力
因為性格肯唔肯盡力都係天生 點都有個範圍 但自己好難察覺到

我之前都有好嬲自己點解之前唔努力啲
而家開始就係因為呢個諗法慢慢開懷咗
有時其實可能幾努力都擺脫唔到自己嘅掣肘
可能呢個就係我嘅上限
但係有少少唔甘心
有啲時候其實唔係未試過盡全力
但係唔知係咪因為年紀大
就冇辦法做返之前做到嘅嘢

倒轉睇其實可以樂觀返
要全力做既野通常都係講緊長時間 可能係技能之類 全唔全力其實短時間內係差唔多
好似減肥做GYM咁 大眾有個錯覺好易見成效 努力三個月已經好多 一冇成效就好快放棄
期望管理做得好自然先繼續有動力做

咁之前考dse 計唔計

我個人經驗就係做唔好就係比人話唔盡力
當我好唔盡力但做好左一件事大家又會話你好盡力
所以事實上就盡唔盡力本身係偽命題

真係會未試過盡全力咩
就算係打機都好多位令你出全力啦

簡單話自己得過且過咪得
打一大篇做咩