榜首一定係新世界個鄭家純,佢老豆89年退休俾佢正式接棒新世界個百幾億嘅新世界集團,純官藝高人膽大喺接棒十個月之內就先後買入近70億垃圾資產,搞到唔夠年半公司負債升到接近過百億嚴重資不抵債。
退位兩年後佢老豆忍唔到手驚新世界會收皮就重出江湖揸旗,一直揸旗揸到接近88歲中風訓床前幾個月先正式退休直接傳位俾個孫。
除咗呢鑊,喺千禧科網熱潮嗰陣純官喺舊同學搭路下用咗公司幾億收購咗間聲稱係美國矽谷但原本實際上係大陸公司嘅機頂盒科技公司,買返嚟之後大量注資發大嚟搞,點知原來又係天仙局最終累到新世界蝕接近50億先埋到單甩身。
講到香港商界最垃圾「兒子」 純官認第二無人夠膽認第一
