召集離咗婚嘅巴絲

我有個 fd 就係咁
話一早講到明要生要生，好鐘意小朋友
不過我睇佢背底完全冇任何準備
點養育，有咩準備，生左之後點
完全冇諗法
其實佢淨係想有個bb 玩
佢自己係搵到下錢既

上年個老婆話都係唔生
佢就發哂癲咁屌個老婆，話咁離婚
話一開始已經傾好左
宜家又呃佢，浪費左佢幾年
好似當個老婆得一個功能就係生仔咁
宜家日怨夜怨，好撚煩
其實旁人睇得出咩事
原本老婆唔係特別想，個心15/16
佢又跟本比唔到信心點養同家庭日子點過
你話佢佢又覺得自己冇錯，發脾氣
所以其實呢d 例子好典型

結婚前拍咗幾耐拖？

果然結完婚就另一張嘴臉咁呢家點 生小朋友呢樣好難妥協

其實點解唔諗下生仔嘅意義係咩
大佬 呢家係創造多個生命出黎 唔係買件玩具咁簡單
你嗰位朋友原生家庭係咪好完整 冇壓力？阿爸阿媽會照顧佢嗰啲溫室小花？

佢話佢好大壓力 應該係佢屋企人俾佢 指明要生仔
其實我又唔係話唔生，只係想過多兩年二人世界先
次次一講到呢個話題佢就會好炆憎話要離婚

佢好鍾意掛離婚係咀邊 而事實上佢成日講出我哋之間嘅問題之後我都真係考慮緊離婚

唔止生小朋友

仲有佢呀媽又係 ，典型婆媳關系，成日覺得我搶咗佢個仔一返到佢屋企就不停鬧我搵嘢黎話我 而我老公又喺屋企冇位企完全唔幫我次次上去到好似比一家人圍咁

同埋佢份工 又長期oncall有事發生就連屋企番唔到黎訓 返工又用唔到電話失踪咁

太多太多野
結婚之前我哋都覺得大家好夾 佢好似會尊重我
但愈近結婚 同佢屋企相處得多嘅時候就開始想縮沙
佢呀媽ge唔尊重 仲要男人唔企係自己身邊
做女朋友嘅時候佢阿媽對我好好㗎，但係一到結婚嘅時候就反晒面
我同佢之間唔係淨係隔住佢阿媽咁簡單係仲有佢四個家姐 五個人好似一支軍隊咁樣，我完全冇反抗能力
有時我喺度諗，如果我妥協左早啲啲生仔之後會唔會完全俾佢阿媽掌控晒所有小朋友嘅嘢？
跟住我就覺得好絕望，唔想行落去

四個家姐仲要加埋老母 一定好多說話聽
婆媳糾紛呢樣真係冇得解決 仲要咁樣唔幫你 生完仔咪仲死得仲快

如果男方係孤兒都幾好 唔係我心地差
至少唔存在會唔會俾人迫生仔？
會唔會有婆媳糾紛？
好多好多夫妻不和 同離婚 都係因為個奶奶
記得有次同啲同事喺度傾緊奶奶啲衰嘢
個同事話佢奶奶做得最好嘅地方就係早死
佢話咁樣對大家都好

我 三十不過離婚真係好煩 淨係煩分居同埋同屋企人交代已經停左係到 身邊個個人都喺度叫我忍 叫我學識體諒我阿媽仲同我講話奶奶大晒 連呀媽都唔幫我
咁邊個體諒我？邊個明白我？好想喊

係咪你叫我搵過第2個，成句車返比你

頂你 crycry呀我

最好兩個都係
我都覺得有d奶奶人前人後兩個咀臉，氹你嫁前就乜都就哂你，一入家門你就賓妹都不如

你地買咗樓？未買樓嘅好簡單 搬返娘家住咪得
講真要忍幾耐？唔通忍一世咩 趁後生仲有得揀嘅時候真係離場止蝕好過
呢家咩年代阿 仲奶奶大晒 呢家又唔係賣身比佢屋企人
我撐你呀絲打 唔好輸比佢地

你地娘家搬走左仲有留位比你地咁好？

上面應該搬返屋企又要比人um,應該會精神病

Exactly!!!!
其實點解會有呢個心態 佢真係想自己個仔唔好過之後返嚟自己嘅懷抱

慘過賓妹啊，我幫佢洗碗佢就鬧我咩都唔識叫我唔好掂跟住我坐返低嘅時候佢就自己口噏噏話我咩都唔做衰過賓妹重點係我老公好似聾咗咁樣，完全冇幫過我

跟住我同佢傾啦，佢話覺得呢啲關係好煩佢唔想理。。。
我次次都吞左個啖氣 但係長久落去我真係會有精神病
所以我決定咗 如果下次我上到佢屋企，佢阿媽再話我嘅時候我同佢吵大鑊之後就離婚

又一個約炮post

我tg, hugo1991，傾下？

本身有間房 同埋我媽都比較free style嘅 佢會由我點做就點做 唔會左右我最多哦幾句咁

真 所以先好多stay at home mom即使老公有外遇都離開唔到個男人 所以財政自主係好緊要

我媽係痴線嫁但係一個人喺出邊租屋租金都唔平 依家平極都皮幾 計埋水電媒都兩皮 所以好大機會分居就返返去同屋企同住算

死啦 有時食完飯我想洗碗佢都叫我擺低 我又真係擺低 會唔會考驗緊我

我覺得唔係，似係舊世代佢地慣左自己嫁左入門就要做妹仔，咩都要自己做，好傳統個d老人思想，你老公如果完全唔幫你，佢都應該係由細到大都裙腳仔，基本上唔會同佢老母嘈

變相你未嫁，佢梗係想個仔娶到老婆，咪委屈下自己扮哂順得人，結果你入左門，佢就將自己個不幸成套轉嫁比你，但呢個世代後生邊有咁多呢d粗重野能力，係都佢個輩做哂，姐係你老母做開，佢當左你係你老母咁洗，咪炒車

係考驗緊

不過有d係自己做慣左，唔想人地個女受苦我都有見過

咁你有exit plan就唔驚啦都係柒左獲，變左離婚婦姐