[Live]獨遊2 東京 不定時update post

Day2 箱根 蘆之湖 海盜船

前往蘆之湖嘅纜車之旅
坐左係面對前方嘅中間位
程纜車trip 好似係日本動漫d取景咁
半紅半綠既樹葉
白雲喺藍天飄浮
樹林當中嘅日式建築
車輛喺馬路上面穿梭
如果我有買套票一定會搭多次回程

到咗蘆之湖桃園台港
望一望時刻表 仲半個鐘先開船
入左間桃園台港B2地下既餐廳

叫咗個烤排骨+ Ice Latte
望住成個蘆之湖食個下午茶
(雖然中間因為太曬敗走坐左第二度…

落去排隊又係人山人海
我上船之後大部份時間都stay係甲板
好多外國人 好多情侶

見住前面對情侶望住個景攬住對方
我都係行去第二度算…

蘆之湖海盜船其實係望到富士山
但我傻更更跟左班鬼佬係箱根町港落船…
搞到自己miss左之後既富士山觀景
所以大家唔好以為泊船就落船
一定要係第二站「元箱根港」落船！

黑蛋

好撚多鬼佬喎!
唔講以為你跟左鬼佬團!

Day 2 箱相 (海上鳥居 箱根神社)


雖然交通上有失誤
中間我前程箱根神社既觀景都幾靚
行行下唔對路 搞到要問路
問左對日本老夫婦
雞同鴨講 佢地叫我跟佢地上巴士
仲好好心咁叫我唔洗驚
佢地會我係正確既位置落車
日本d老人家好好人


落車行左15分鐘
終於到箱根神社既第一座大門
一路行入去會見到個流水既擺設
聽YouTube講係拎黎「淨化」既聖水
巴打可以拎個樽裝d水返去洗野


到左海上鳥居
條影相既人龍搭到好遠…
我諗要影個人/團體相都要等幾耐下

仲要中間有班渣鴨仔船既師奶亂入
搞到成村人要等佢地踩返出景
班師奶搞左好耐都踩唔返出去
搞到個影緊相既鬼佬勁燥

我身手夠好
搵到位係1秒之間影到張冇人既相


最後大家如果有心
可以行樓梯上去箱根神社參拜
我上去照舊奉獻左100 yen
許左d小小心願咁

遠處仲咁岩見到班巫女行返入神社
第一次見到d著巫女服既女仔

Day 2 箱根之旅感受


係箱根神社行返出去
太陽已經比山頭沒過
我坐左係海岸到欣賞住餘下既黃昏
見到有個日本小妹妹係到捕緊魚
而媽媽係隔離睇住佢

咁我一路望住個景
點知個日本小妹妹
就襯住佢媽媽行開左
同我講：友達…(唔識聽
我諗佢係想問我
：你d朋友係邊到啊？
我：すみませ。日本語わかりませ
(對不起 我聽唔明日文
佢望住我又重複我講野一次
：日本語わかりますga？
我地尷尬望左陣對方
佢媽媽就返左黎了

佢依句說話都令我內心有d崩塌
係囉… 我d朋友呢？
好似同朋友 家人 戀人旅行先係「正常」
點解我成日出外都係得自己一個

算啦 天色都就黑
因為我旅館附近冇乜野食
我就係港口買左少少野食返去補給
今晚果餐試下日本平民野



返去旅店去完浸完戶外溫泉
中間見到隻貓貓係到係咁叫
我埋去摸左佢5分鐘 好乖乖
點知佢一路跟住我返旅店門口
係門口一路都唔肯走…
我都好唔捨得佢…
但冇計 佢如果係香港
我都會考慮執佢返去養

真 7-8成都係鬼佬

巴打冇介紹錯 我好鐘意

係 生意好呀

呢段好正 小朋友就係咁純粹

屌 巴打玩得好開心 我聽日都去東京開始獨遊之旅
都係0plan 希望好似你咁玩得咁開心
有緣希望撞到

聽晚我夜晚機返香港了 機場見

咁快返香港

師兄啲遊記都好好睇

連細路女都笑鳩連登毒撚

想接樓主力了

要害打擊
個下我懷疑個天指派個細路女比說話我聽

都唔快喇 自己一個玩左七日
今日都仲stay係箱根
主要景點都去哂 都唔知去邊到
可能周圍遊下睇下花花草草

日本有個字指呢類街邊神喻

辻占 （つじうら）
https://kotobank.jp/word/%E8%BE%BB%E5%8D%A0-99217

今日last day箱根
都係chill住咁尻行座山
去左唔多景點 悶悶地咁
鐘意睇就睇啦

巴打，有冇汁推介？

箱根 Day3 強羅公園

今日係箱根既last day
其實黎近郊既目的
都係想放鬆下自己

間旅居既隔音都幾差
8點幾已經聽到隔離房起身既聲
9點幾d職員就係到執房
10點幾有個執房嬸嬸入黎收我個熱水壺
擺底埋條毛巾比我 態度好客氣
但我乜都唔到理 一口氣休息到11點先起身浸溫泉

12點正式出發行下山
因為d主要景點都去哂
今日都唔洗咁趕 去參觀下強羅公園
睇下d花花草草

到左強羅公園門口
如果大家有買周遊卷
係可以免費入場
但我冇… 所以我要比550円

沿途有好多五顏六色既花
路上有對特別既花種既介紹牌
不過得日文 唔識可以唔洗睇

路過溫室 寵物狗狗唔入得內
但單身狗可以 於是我入左去
入面有個小小曝布 噴水池


行返出外面會見到一棵參天大樹
前面有木走廊 左右有d花
好適合比情侶打卡

沿路行買左杯雪糕
杯雪糕有d甜 唔係咁岩食

落返出門口方向
會見到一間陶藝工場
有興趣整陶藝既情侶
可以入去捉住對方隻手塑形

好啦 依到真係唔係咁岩我行
但冇乜地方好chill
當入黎參觀下

好人好姐點同咁同你講野
你試下係香港咁講：喂你毒撚黎㗎？
即刻白卡發作屌完你老母再斬你幾十刀