一個女仔心淡心累究竟係忍受咗幾耐

原來一直以來都係我問題

我唔靚仔
我唔高大
我月入無50k
連曾經有過嘅女朋友都無埋

佢陪我走過我人生嘅低谷
我無錢 借錢比我
我無工 陪我搵工

到三年幾後嘅今日
我銀行戶口有錢啦
我有份正正經經嘅工啦
但係好錫好錫我嘅女朋友就無咗

其實都唔係今日嘅事
應該都有幾個月嘅累積
一個女仔心淡心累究竟係忍受咗幾耐
我好想知道我究竟傷害咗佢幾耐
忍受到頂唔順要講分手呢兩隻字

分手
表面上好和平
實際上好難受
佢只係signal講咗句
「我諗清楚啦 我地分手啦」
我連打電話去挽回嘅勇氣都無
我連去佢屋企搵佢問清楚嘅力量都無
只係識係屋企碌連登同埋流眼淚

我係廢柴

佢犧牲咗四年青春陪一個廢柴
佢呢四年挨咗幾多
其實我真係唔知道

佢沈默寡言但會照顧我多過自己
佢不善表達但會觀察我嘅需要

一直以來 我都係被照顧嘅一個
我曾經以為做好自己就係對佢最好嘅回報
我曾經以為努力搵錢之後俾錢佢用就係最sweet嘅舉動
但係
依家我有錢啦
佢原來已經離我而去

佢返學嘅同時又要返工
都會係中間抽時間見一見我

有一排佢忙到瞓覺嘅時間都無
一個月見得兩次

原來啲朋友問佢
「你地係咪仲拍緊拖㗎」
佢連藉口幫我諗埋
「大家都忙 大家都攰 大家體諒大家啦」

佢體貼
我卻粗心大意

佢病咗
都係好返先同我講病過

佢攰啦
都係放低曬先同我講分手

其實我都唔知佢係咪真係放低咗我地呢段關係
佢同我講
其實仲鍾意我
但係真係太攰

實際上分手嘅因由我到呢一刻都唔清楚
既然大家互相都仲鍾意大家
點解唔可以繼續一齊

但係我連親口同佢講呢幾句都無勇氣

好想聽多一次佢把聲
但係
我仍然都未有呢個勇氣

果然
我真係太垃圾
佢對我心累都好合理

sor for 1999

講咁多 係有心改變自己既

追返人啦🙄

搵次試下係你主動， 追到攰，
得唔得？

「既然大家互相都仲鍾意大家
點解唔可以繼續一齊」

你ff少陣啦
廢就改啦

佢根本就係一條廢柴

當初佢冇錢都同你一齊


就知根本唔關錢事啦 就算你而家有錢都冇用
你打成大篇野 我就見到你講你冇左有幾痛
分分鐘你連佢需要d咩 都講唔出

屌你老母 take action 啦屌 得把口 乜鳩實際行動都唔做抵撚你死 麻煩放過個女仔 佢值得更好

做得好
你想叫幾耐春我地都陪你，但唔好再揾佢箍煲。

依個女仔值得更好，你係愛佢既，就唔好再騷擾佢。
同返你一齊唔會幸福，唔好再令佢受傷

抽根煙可否有幫助？

揀喺連登打咁大段嘢會無悔過鼓起勇氣追返條女

我主動過
佢推開我

我都追過氹過攬過錫過
佢都冷冰冰

我仲可以點做

On9
打咁多 又對比句呢樣果樣
2023 年 扮咩情聖啊

一係就將呢段感情放係心
發奮上進 珍惜下一段感情
To be a better man

一係就追番人
係樓下等又好
跪低又好

好女仔賣少見少嫁啦

努力改緊

由一開頭食煙飲酒呢啲全部戒曬
由一開頭無工開到依家一個禮拜返足七日

我真係努力緊
但係佢就好似同我越行越遠

是

我付出過

我有努力維繫我地段關係

但係佢就好似死咗心咁

你依種廢柴追唔返㗎啦 因為我都係咁

係咪放手先係最愛對方嘅行為

但係我真係唔捨得

你講得好啱
我真係唔知道佢需要啲咩

以為係錢 佢話唔係
以為係我唔勤力 佢話唔係
以為係佢識第二個 佢話唔係

然後佢話係我識咗第二個
大佬 我一個禮拜返足七日
無女同事
解釋完
佢都話係直覺
以為佢係鳩up下

結果依家就分咗手

我都真係唔知自己衰咩

你有錢了，有冇送過貴重物品？只係誠意，畀佢實際感受到你對佢的感情 talk is cheap

我有做 但係無打出黎啫

我無騷擾佢

其實坦白講

係我仲未有勇氣接受我被分手嘅呢個事實

賭錢？

想佢想連登睇到呢篇野之後搵返我

係咪太傻