歡迎想砌模型嘅巴絲入嚟 (195) 30ms偶像大師熱烈發售中？

當年sd廿蚊盒
今日sd四百up一盒
升幅跟得上香港樓價

MGSD 4000羊都叫值喎
你計埋炒價有咩唔炒

Dun FF too much bro

只能佩服巴打厚道
當然比偷馬腳更差嘅偷膠情況我都有遇過，要補呢對馬腳都未至於太困難，填畢地磨平都處理到。
但佢偷得咁大範圍，仲要都算喺顯眼嘅位置，我覺得都幾惡劣下。而且佢作為廠商，要避免馬腳位穿崩又唔係真係咁難，出返個蓋冚返住，或者用返傳統做法一pair件左右夾都已經得，但佢就係唔出畀你，就係要畀個爛design SD玩家

嘩 你有咁大個位擺

出個蓋冚住=多零件=開多板件=成本上升

你呢個道理我都明

但就用返呢隻 LegendBB 編號370為例，佢官方定價1000羊，同平價HG差唔多價位，有冇HG會好似佢對馬腳咁，成條手臂/大髀掏空晒再外露埋畀你睇先? 我諗老模FG都唔會啦

而家啲HG有啲都偷到好顛...
特別係Build系列兼用模果啲...

背包/配件得個殼

手工粗糙

有冇例子可以分享下？
等小弟都開下眼界

見到樓上分享往事，我都想分享下，睇下有冇有共鳴既人

以前細個屋企好窮，但我都好鐘意砌模型，嗰陣老翻模型好多，當然質素奇差。但細細個有得砌已經好開心。記得小學有一年同學搞生日，因為無錢，喺文具舖買一隻老翻wing做禮物, 睇住人地一打開，入面只係有紅色件同藍色件。然後見到人地玩緊隻正版既彈珠人，靚勁多倍。細細個無咩諗法，大個諗返就有少少羞家

到左中學屋企環境好少少，嗰陣住葵芳，葵涌廣場有勁多模型玩具舖，星輝、永恆閣、流行一族、車天車地。。。（唔肯定啲名岩唔岩），所以有keep住買黎砌，都一樣係用指甲鉗剪，俾阿媽話剪到鈍哂

見到樓上Ching post 舊版MG strike, 就諗起當年愉景新城有個event, 其中一個遊戲係拋三粒大過個頭既骰，每粒得一面係高達logo , 要拋到三粒都係高達logo 就中大獎。而我好好彩中到，獎品就係呢部strike

以前會幫同學作文賺錢，儲左千幾蚊，就到千里達買左set噴槍，完成左人生第一隻噴塗高達。到宜家都放左喺屋企

諗返起以前既葵涌廣場，真係好精彩，好美好

新HG腳板底例偷膠

葵涌廣場而家得返啲mk 妹

隻Astray未變形都正常
一變啲偷膠位露哂出嚟

見到樓上分享往事，我都想分享下，睇下有冇有共鳴既人

以前細個屋企好窮.........

以前會幫同學作文賺錢，儲左千幾蚊，就到千里達買左set噴槍，完成左人生第一隻噴塗高達。到宜家都放左喺屋企

諗返起以前既葵涌廣場，真係好精彩，好美好

作文賺錢 D同學咁有錢
好勵志

都偷得相當兇狠下
笨大不愧為偷膠界嘅翹楚

巴打好手氣，連圍骰都擲到
間嘢都算有良心，係玩擲骰仔，唔係玩擲彩虹

愉景新城好似係高達展
有GWC比賽作品展出
貴到hihi 限定版 同 貴過街價通販模型
仲有Gundam War 卡game比賽

最抵係有catalog拎

啲Catalogue真係勁撚正
我仲有keep著, 已經係細個嗰陣揭到甩皮甩骨咁都係冇掉到