是咁的，我媽當年有絕症返咗鄉下，
咁佢就帶晒佢有嘅錢返去咁滯㗎喇，
返到去無耐佢嘅姪女就問佢借錢用嚟買屋，
話拎唔出舊錢畀尾數就會蝕埋訂金同之前畀嘅錢喎
屌 咁你當初冇預要畀尾數嘅錢咩
咁我媽又係講嗰啲老土嘢啦
咩親戚唔會害你呀，一場親戚幫得就幫啦咁
好啦，見講又講咗，佢唔聽我都冇辦法
個親戚話佢老公出年終獎金定乜鳩就還錢，
到咗嗰個月，當然係冇影㗎啦
我媽問佢，條友唔知鳩噏啲咩理由又拖兩個月，
我媽就又話體諒下人啦，可能人哋都有困難
又等咗段時間，嗰個親戚終於嚟拜訪佢，
我心諗，係咪終於肯還喇？
佢買晒生果嘢食過嚟探我媽，我媽見到佢都好開心，
有講有笑咁
我喺隔籬講咗句 咁開心，咁佢還錢未？
（親戚唔識聽廣東話，秦國人）
我媽
唔講呢啲住啦，人哋會主動講㗎啦咁佢咁講我就唔理啦，食完啲嘢入房，
到我出返房個親戚走咗，我媽又唔出聲坐喺度
我咪問，點呀，佢還咗畀你未呀
我媽嬲嬲地講咗句，費事同你講呀
到最後 我媽人都走埋喇，
個親戚都冇還過錢
因為某啲原因我同家姐都返唔到秦國幫佢搞後事，
而且我哋都唔識，所以由佢呢位親戚幫手搞，
以為佢會用媽咪當初借畀佢嘅錢搞，
佢話佢已經還咗畀我媽喎
但一路以嚟我媽嘅生活費都係家姐畀，
有啲咩洗費都要問家姐，
如果真係有還就唔洗問家姐，
而且中間我同媽咪一直都有傾電話，
雖然我已經唔會過問呢筆錢，但佢會呻未還
我都唔忍心再話佢，唯有扯開話題
個仆街，明知我媽情況都呃佢錢，
我唔知呢啲仆街會唔會有報應啦，
但我媽只係想幫人同衰心軟
如果你屋企人都遇到親戚借錢，
盡力勸阻啦
有啲仆街就係唔熟唔食愈熟先愈大安旨意唔還
除非你好肯定佢好有良心同本身都對你好好啦，
咁就算佢真係唔還你咪當多謝佢一直以來對你嘅好
TLDR 唔好借錢畀親戚
講完
憑佢本事借返嚟