有冇巴絲隻狗食野食得好滋悠

已經算好，自己肯食，我屋企個隻要專登揾風乾機整零食紙片包狗糧做餃子先比面食
好多時就算自己食都會同你食剩幾啖玩下野

轉鮮食囉

我嗰隻其實都好為食，不過係為食在人食嘅野，一見我地開飯佢問完a拎野食就問b拎，問完b就問c,你唔比佢佢就一路好虔誠咁用對眼望住你，完住唔郁

不過都要睇下比咩佢食，有時佢都會拎完放落地下望下聞下妹下搞一輪先食

我原本帶隻狗翻黎就係為左間屋多份生氣，等我老豆唔好咁悶有野撚下，廢事為左佢搞到家嘈屋閉，如果唔係成件事好似本末倒置咁

情況同你完全一樣，我老豆食餅又分d比佢，食蕃薯又分d比佢，食飯又分d比佢，最慘係我老豆由朝食到黑，搞到佢地一開餐佢就拜神咁望住佢地，唯獨我佢明知我唔比佢食就唔多走黎，但間唔時都會走黎我到乞下


佢食生果成日都輕輕力擔住再掉落地lam一輪先食，食開上左力之後先直接成舊成舊食，驚死我地落毒咁

有一排基本上keep住係咁，嗰時仲以為係隻糧食悶左，轉左第2隻又係咁，特別係食生肉嗰期更加有比時限佢，一樣係唔食

佢係幾撚chill

有時佢無入房訓佢都識走黎我地房門zip住條門罅偷冷氣

我好耐冇見過佢清曬d狗糧，依家我餵佢根本唔係按feeding guide咁餵，我係見佢個碗無咩糧就加d比佢，事關佢真係食少過人地推薦好多

如果佢唔係食狗糧，而係食雞柳嘅話會食快好多，但都係一舊一舊食（我習慣將舊雞柳切開3-5舊比佢），但起碼係會接著咁食唔會發吽豆

有咁易解決就好

已經試過好多方法

平時主要係我老豆比開野食佢，可以叫米飯班主，早排佢地去左旅行，間屋得翻我一個，成個幾禮拜我日日都淨係比狗糧佢，兩三日都加唔到一次糧比佢，佢直情嗰個幾禮拜屎都冇屙幾篤

餵big dog, Dr.b 嗰排我好似湊b咁拎隻匙羹餵埋落佢個咀到佢都扭扭擰擰避一輪先勉強食一啖

我係剪碎雞柳撈狗糧
最好連肉汁都撈埋
咁樣佢食快咗啲

最開始就係比自製鮮食佢，跟住佢唔食就買ziwipeak k9 比佢，食到厭左又試過比big dog Dr b Mr raw生肉，又係唔食，唔計味道淨係牌子都轉左起碼5-6個

試過了，我直頭試過撈貓條，佢lam完d醬照樣留翻d狗糧喺到


依家我Stella chewy隻糧有乾糧同凍乾，次次一加糧比佢，佢即刻挑曬所有凍乾黎食，d乾糧留喺到食n年

佢唔食唔係更加唔應該放長糧咩
佢唔食餓兩日就會食

餓過好多次，比如我買急凍生肉，我比佢試都買左好似24 包，一餐食半包，呢到都食到10幾日，但係過程係倒多過食，佢都一樣捱到

狗界紳士

人地爛食法蘭西餐慢慢享受又得罪你咩

女黎



周埋你唔好以為佢食乜都係咁，佢見親我地食飯都會遂個遂個乞，直頭係無曬尊嚴咁乞，邊個嗌佢都唔理

嗰時佢未發育，佢又食少過人地建議份量好多，加埋佢本身已經比其他b瘦削，嗰時驚佢發育唔黎

餵你父母食屎

初初接入屋嗰陣食得好快應該係成日都唔飽
所以驚無得食
而家養咗一年啦 好食好住
食飯就慢咗好多
成日想出街玩食一半就唔食添

我嗰隻都係 唔知係咪知冇人會同佢爭食 所以食得咁慢 佢而家一日三餐（幼犬）試過早餐放到夜晚7點先食第一粒

我養貓嘅可能會唔同，俾你做個參考

我隻貓細個嘅時候都係唔鍾意食乾糧，後尾轉左濕糧俾佢就食得好快，佢肯食咗之後就算轉返乾糧都肯食

如果佢淨係食freeze dry, 你可以搣碎佢撈落啲糧到，咁佢就冇得揀黎食。

正常既狗係會一分鐘内食哂餐飯，如果食唔哂可能係太多或者冇食慾，咁樣你就要考慮減量或者cut 一餐令佢有返食慾，放糧始終唔係一個好既方法。
生產商比你既份量只係一個reference, 要因應狗既情況去調節。

同埋糧唔一定係越貴越好食，佢地都會有自己既口味愛好，如果佢係冇食物敏感你可以試下換幾種protein睇下會唔會有分別。買糧最緊要睇成份，好多糧都係用啲人唔食既部位去整，冇乜營養價值。

希望幫到你