（已拆彈）考慮隆胸的姊妹請先入黎聽聽我講

隆胸到拆除一年多時間紀錄。想起度同大家分享呢一年半隆胸嘅心路歷程，比考慮中，決定做，或者好奇呢個手術嘅咁多位一個借鑑

2018年年尾，我做左呢一個大決定
我本人：身高172cm, 115lbs，B Cup

自問唔係好靚，但身材勻稱，只係想再完美少少，於是我的起心肝去整型大國做咨詢。
當時我家人，男朋友都好反對。我平時做facial個位美容師都極力勸阻我，因為佢都係做完又拆，好後悔。我好感激佢提醒，一個陌生人其實唔需要理你咁多，可惜我當時好硬頸當耳邊風。你知道，當一個女人下定決心做一樣野時，冇任何野可以阻止到，我係排除萬難死都要整個隻。個時我有朋友起韓國個邊做翻譯，有個照應，而且唔洗擔心係影子醫生。我選左一間幾出名嘅醫院，院長上過節目，做過好多次隆胸手術。

題外話：
我發現韓國人都好興將D大手術包裝到好簡單，甚至係正顎，削骨個種明明係4級大手術，分分鐘冇命，佢地都會話你聽，好簡單架，幾個鐘就整好啦，之後好快會好靚架......
其實簡單黎講，隆胸就係起你兩邊腋下開刀，隊把刀入去你胸大肌下邊剝開個空間，再塞個假體入去。（有另一個做法係筋膜下，請自行Google）雖然話用內窺鏡唔會出太多血，但你諗下，係硬生生用刀剝開你2層肌肉，所以肌肉都會好傷

我選用當時最新嘅物料Motiva，兩邊275cc。Motiva係號稱唔洗按摩，企起度會自然下垂，訓低又會攤開個隻
做完手術一覺醒返，痛感6/10。係比人打完一身個種酸痛

然後就係漫長嘅恢復期。以下係我做完一年幾嘅感受同拆除原因：
1. 又痛又硬，訓低係兩個大碗。可能我個人對痛感比較敏感，每日個胸赤痛酸痛個種，好難受。
個size係大左，但手感真係好假，比足半年都仲係又硬又痛。我自己預左假體實係假，但見廣告話咩可以同真胸比，根本諗多左。呢隻Motiva話就話唔洗按摩，但我整左年幾，一唔按就會硬，按返就好少少。後來我去問過乳房外科醫生，佢話我知，當你身體有異物嘅時候，係一定會產生莢膜變硬。按摩就係要按返大個空間。你唔按都得，未必會莢膜孿縮，不過你預左會好似石頭。訓覺個陣側訓真係好辛苦，好似比舊野扯住扯住咁。

2.做得假體隆胸預左10年8年後要攞返出黎。一定唔會係一勞永逸，冇永久隆胸呢回事。你要接受到你10年後又再全麻開刀拎返出黎再擺多個新嘅入去。如果唔重新擺嘅話，由於你個乳房皮膚比假體一直撐大，拎返出黎個時，乳房一定會下垂同皺皮。我只係做左一年幾，拎返出黎，D皮都已經鬆哂。我以前B級，依家拎返出黎後皮膚又鬆又下垂，睇落得返A。

3.我係腋下開刀，唔知係咪開刀時唔小心切到我D神經，導致我一醒返開始就出現手麻同痛感。當時院長梗係打死唔認，話係我自己本身問題。呢D後遺症多多少少會有，畢竟你腋下好多神經。整型醫生同中介一定唔會同你講有後遺症，講左點賺你錢呢？唔好講咩「搵間正規醫院正規醫生實冇事」。我今次搵呢間係韓國正規醫院，個院長做左十幾廿年隆胸手術，咪一樣係咁。即使失敗率只有0.000001%，當發生起你身上，就係100%。唔係整形有風險，而係任何手術都有風險，自己衝量博唔博得過啦。


終於，經過一年多嘅折磨，我的起心肝拎返個假體出黎。好慶幸，呢個係一個可以逆轉嘅手術。除左係有後遺症同痛感仲需要去適應，而且有衫遮住冇人睇到疤痕。本來之前有諗過去整骨（諗返起我真係好傻），但萬萬萬幸冇去整到。由於醫生話腋下原切口拎返個假體出要全身麻醉，而我真係唔想再做全麻，所以我寧願起乳下緣做局部麻醉拎返出去。花大錢買來身體上4條大疤。

以前嘅我，得閒會打下針做微整型，外表係一切，成日覺得自己呢度唔順眼，個度唔好睇。依家唔好搞我，真係免費我都唔會再做。錢冇左，我努力再賺。健康冇左，邊個賠比我。我寧願將呢筆錢，花去做gym，食野，陪下家人。為左胸前二兩肉，花千金又傷又痛，值唔值得？

呢篇分享係我一個字一個字打出黎，因為我想比有隆胸想法嘅姊妹了解呢個手術係點嘅一回事，可以深思熟慮，而唔係好似我咁傻，突然衝動就跌左入整容坑。我自己呢個錯誤嘅決定，用左好多金錢，時間，健康去彌補。有時候後悔同痛苦係為左讓自己成長，去明白一個價值觀。我真係唔希望會有其他姊妹好似我一樣重蹈覆轍。
如果你做得好完美好有自信，我真心恭喜你，亦為你開心。但記住，整容如賭博，有輸有贏。再好嘅醫生都可能出錯。

如果你問我，依家嘅我一定係會叫你唔好隆胸。如果你一定一定要做，請預備一筆touchwood整型失敗嘅錢，for重修又好，拆除又好。

有咩問題，分享大家可以留言再討論下。

即係幾錢

你男朋友有無同你分手？

搵條仔揸多幾揸咪會變大囉 再唔係比人中出到對奶漲

點解一黎就諗塞假體唔諗自體脂肪？

會唔會俾條仔揸爆 駛唔駛小心揸？

女隆胸為靚
港男視隆胸女為雞

呢兩句講到明都未醒, 真係無計

其實整容, 最合理係曾有意外, 影響外觀, 所以要重新建立.

不過,而家好多人接受微調
隆胸用自脂會唔會好D?

渣假波感覺好差

好慘 整完又要拆

抄文？

超多台妹做自脂豐胸

無圖

好彩我女朋友話要隆之後我車左佢一大巴就無再諗 唔係我就車多佢幾十巴

裝下假狗都升cup 同整容唔同男仔10個10個都唔鍾意假波

樓主真係好鍾意去其他討論區copy and paste

太細加唔到好多

但係之後又會細返 所以啲女好鍾意生完又生

絲打條腿係咪好瘦？ 可以試吓抽脂打落去？
同埋可以試吓搞一搞乳腺同副乳先？

同埋試吓做gym練一練胸肌，唔大波都可以望落挺身線條更好

絲打好勇敢宜家冇事就好，你點睇連登仔成日講的自體脂肪隆胸

自體脂肪都會鈣化
同埋會軟到仆街好假好似JUILA果對咁

支持絲打警世
康復路上加油
貼去多D唔同FORUM啦

ON99
你就弱智
唔識唔洗衝出黎柒
MOTIVA係最新最HIT填充物
應該全球大量整容醫生都係弱智或小兒麻痺