貓仔頻尿，有冇獸醫

貓仔呢兩日頻尿係咁周圍痾
懷疑壓力問題因為佢好痴我但我早排去旅行
上網睇又好似可大可小就帶佢落樓下睇獸醫
一來話係UTD然後就叫我哋做驗血超聲波UPC Test
問佢可唔可以剩係做超聲波先或者驗血是旦一樣
睇下搵唔搵到個cause再決定
佢就話一定要做哂先知點醫
係咪正常定預咗被人劏
佢計計下都成around 4.5-5k

同埋貓仔真係好敏感
要留係診所幾個鐘我驚佢仲大壓力仲嚴重...
點算好

點都要睇㗎喇，尿嘅嘢可大可小
貓仔有尿道問題可以好麻煩
我隻貓啱啱切咗jj

所以我都帶佢去睇
係想知一次過做哂3個tests 係咪合理先
有冇人有經驗分享

我個隻無J好耐阿伯來

有機會自發性尿度問題
我個隻搞到去唔到廁所即刻去睇留埋醫
用左1皮野

利申 : 愛協拎返黎既街貓

驗血-腎指數之類
超聲波-膀胱結構
UPC-尿入面有冇蛋白反映膀胱有冇受損
其實做3個都合理

盡早搵到原因對症下藥係最好
所以佢叫你做個三個檢查都係排除法去搵原因
我隻貓做完檢查就係塞尿道要做導尿加住院
So far而家好返食處方糧就未返發過
同埋都好多公貓會有民個下泌尿問題

你貓只係尿頻 定係痾唔到
因為兩樣野係唔同方向醫

你講得壓力問題我當你係idiopathic cystitis先,
咁你貓應該係會出出入入尿兜但痾唔到尿/得幾滴
隻貓會因為痛而開始奶排尿位
有時去第度痾, 尿會見血咁
基本上最common既成因有3樣,
1. 感染
2. 石/結晶
3. 壓力
初期只需要驗尿 睇有冇細菌/結晶/腎有冇事
treatment: anti-inflammatory, pain relief, anti-anxiety, diet
搞唔掂先再照xray/ultrasound睇係咪有石
石大要開刀, 細既可以開刀都可以靠轉糧
有感染先要抗生素

不過香港睇症係大包圍 on99
如果唔係點比租

補充番
如果係block左完全出唔到尿就係急症要即搞
如果唔係膀胱會爆
插尿喉 住院三日 冇事就出院

多謝巴打咁詳細回應
暫時一直無痾血
再一次感慨香港無論人定寵物真係好難搵到個好醫生
就算你肯俾錢都未必有保障加上收費好唔透明
講返轉頭最後做哂所有檢查仲有1,2個add-ons 咁
開頭有啲擔心佢返來會嬲嬲豬 但好在佢精神好好

做晒都冇壞既其實 你醫生做既野唔係無中生有
但個人做法係可以逐步嚟

我之後諗諗下當咗係個check up 買安心
最緊要貓貓無事好返
等個陣亂諗好擔心 又唔知會唔會唔好彩愈醫愈衰

正常冇咩野 最壞情況都係塞尿道要住院

想問下做切jj手術去邊間？
埋單幾多錢？
做咗有冇話有啲咩壞處？
做完係咪唔使食處方糧都得？

利申而家經歷緊貓尿道炎

想問下你隻貓拆完尿喉返屋企係咩情況？
即刻可以正常痾尿嗎？
我隻貓啱啱出院返屋企第二日係咁尿頻，
狂出入砂盤，四圍滴

我係去港島西動物醫院，兩個醫生都好好，好細心，同解釋得好詳盡，同埋佢地係專做手術嘅醫院，設備好齊全，後來ig睇到原來係金級貓醫院
但我覺得收費算係咁，淨講切JJ手術就大概三 四萬
上年帶佢去城大睇，同一個手術，叫我預12萬落樓
因為我隻貓通咗幾次尿道，男仔貓嘅尿道會越通越窄，最後都要切jj，但我隻貓情況複雜，腎有石，所以
我前前後後醫咗十幾
如果你隻貓有石嘅問題，建議你直接做切jj
慳返好多錢，因為石係一個隱憂，上年開完膀胱隔咗一年又有新嘅石喺腎度碌落膀胱，搞到又塞咗，今年通完第日出院又塞，凌晨要帶佢去嗰啲24診所緊急放尿，爭啲死
每次放尿都上萬埋單，唔係話切咗jj就一了百了，但相對冇咁煩要來來回回做咁多嘢最後都係要做呢個手術
俾我揀多次我會上年就決定幫佢做，咁就唔洗經歷之後多次出入醫院嘅日子
做咗呢個手術之後嗰兩星期要好好幫佢護理傷口，好返之後佢係可以如常生活，只係醫生話因為尿道闊咗短咗都比較易尿道炎，但基本上如果啲石細過個尿道嘅話都可以直接排出，除非咁唔好彩有大過造口嘅石又塞啦
我隻貓傷口復原得好好，但手術後就即刻尿道炎導致腎炎，又洗咗幾萬
但尿道炎食抗生素就得，但塞尿道如果唔好彩發現得遲隨時救唔返，我隻貓幾次都係好彩我留意到
所以我會話 慳錢同時間都係直接做
做完醫生都係會叫你俾處方糧佢食
但每隻貓情況唔同，所以你都係俾醫生評估吧
睇到你話佢出院之後又尿瀕，你要好好留意佢係咪每次都痾到少少，我隻貓爭啲死嗰次就係出院後尿瀕，一滴滴之後過多陣一滴都冇，即係又塞咗，咁你就要即刻帶佢放尿
加油

我隻貓入院時照過個腎係清既，應該無腎石
膀胱都無大石，只係有啲雪花
醫生都有提造口手術，但佢話唔會第一次塞就做
其實係咪touch wood真係塞第二次就可以做
佢而家尿瀕，但so far都去到，最怪係佢喺砂盤痾得好少
去屋企其他地方四圍痾反而仲滴得多啲，
所以佢而家周圍痾我都係默默攞張尿墊跟住，唔敢騷擾佢

雪花好似可以食處方糧就溶到，咁你隻貓係壓力所以尿道炎？
我隻貓尿道通咗4 5次，最後都要做，每次都成皮幾嘢埋單，而且佢都辛苦，所以我先話如果可以就第一次就做咗佢
不過你隻貓情況唔同
只要佢有尿出就應該慢慢會好返，定時食藥
祝貓貓早日康復

我都唔知佢係咩原因，近排都冇咩大轉變。
有機會真係飲水太少。
平時佢自己先一日飲一次水，人手餵25ml，再加一個罐頭溝少少水。
我而家打算每日餵足佢250ml以上

但咁樣餵佢都可能俾好大壓力佢
試下其他方法啦，我會加多啲水喺佢啲罐頭度，全濕糧餵食，我係餵生肉嘅，因為極多水份，佢地唔自己飲水都痾好多尿，我隻貓就係長年食乾糧又少飲水先生晒石

因為而家要轉全處方糧，做唔到全濕，因為處方濕佢唔鍾意食⋯加水更加調頭走⋯
想問下你轉生肉嗰時佢哋係即刻接受？我都想試餵生肉但係佢哋由細到大無食過生驚佢哋唔食

餓下就會食
同埋正常生熟要隔8至12個鐘
你未當餓下佢地囉
唔食就下餐
總有一餐就開口
為左佢地健康同你銀包著想

轉嗰時餓下就食，最為食嗰隻貓一嚟已經搶住食
而家我係全生肉，早晚一餐
4隻貓都搶住食

你喺邊度買生肉？入門嘅話應該試咩肉先？

我係自己買預拌粉打，用無激素雞肉
你上網有啲現成嘅生肉糧買，同埋有啲生肉凍乾糧

4,5千其實好平啦
你一陣遲咗醫就大獲
要使多10倍錢都唔止