家庭月入8萬打算生小朋友會唔會好辛苦

你係咪由細到大係父母都想你做醫生律師既家庭大？
講得其他工種就係垃圾係狗，你心理都幾扭曲
永遠都係一山還有一山高㗎啦，唔通做唔到醫生律師人生就無希望咩

本身兩個夾埋搵10萬 供緊層樓兩皮
有小朋友之後連養車都唔諗了
出年開始返學洗費大咗
洗錢都會就下就下
但係咪好慳又唔駛 當然唔會豪洗
幼稚園學費8000加返興趣班每月1皮左右
扣埋其他開支 工人家用洗費之類
其實每個月仲可以剩2-3萬
無連登仔吹到甘入不敷支
除非你一心諗定Ischool la

點解唔正正常常揀一兩項佢有興趣有天份既野學？
硬係死塞爛塞十幾個興趣班再加學術
佢仲有童年咩？每日都跑數咁追啲唔知幾時父母先會滿意既目標，一樣學得好再幫佢報多三樣
學得唔好就好似佢錯好撚失望咁樣
可能佢未俾你迫到做人上人已經想放棄呢個世界

兩批人兩個玩法黎
18k 三件實同屋企老野一齊住 即係最多7位 拎老綜有加乘
每個月可用嘅錢多過中產 呢啲人先識玩 佢地係考慮自生享受

中產生嘅係考慮小朋友感受 想俾最多嘅野佢
8萬月入生一個ok嘅
生兩個 一家4口去轉旅行都無左大半個月糧

咁我都有，培育佢都只係想佢去到咩地方都有生存能力，唔一定要做到最top，但唔好上連登睇幾個post就會自卑，你係有人生經驗，或者照你條路會易行啲，但其他人既人生絕對係應該由佢個人選擇

8萬唔使供樓嘅，除非對小朋友教育比較有要求或大洗，都唔會話養唔到嘅。教育方面，如果要小朋友私校,校車再加補習興趣班(唔特別貴嗰啲)呢度大約20k啦，你可以計計數。

洗乜勸人唔生
現實世界 你周圍叫fd快啲生實當你on99

輕鬆啵 咁都辛苦 你不如檢討下

佢仲要家庭收入8皮
其實只係4皮

有乜問題，好過你無錢

2萬都咁多活動應該無儲到錢比你買樓？

生4個我都識

小學可能有嘅
上到中學已經接近無人屋企月入少過4皮
以前中學38人得4個

係亞洲咋
西方早十年
日本仲要係90年代因為chur得小朋友太緊要，所以搞個ゆとり教育政策(啫係慢慢教減少教育內容)
搞到而家日本鬼死咁多蠢人
(當然而家啲教學內容有加翻上去同埋多翻學外語同補習 但個gap係好大，啫係2000年果代讀書嘅人同而家2020年讀書嘅人知識程度有差 英文都係而家後生嘅日本人叻好多)

平時學校雜費 校車 仲有其他立雜野呢
養一個小朋友係睇長遠 呢一刻2萬夠洗 咁佢將來呢？
keep唔keep到一樣咁嘅質素俾個小朋友？

興趣班為例 無錯你出去學跳舞一堂係ard300$
但如果佢有興趣 佢想上私鐘 一堂已經要ard600$

學英文 一班人上同私補又唔同價

而且我都好肯定一家三口供樓保險水電加埋平時生活開支四萬無可能夠

你睇下今個月無差餉寛減幾錢
夏天開冷氣啲電費幾多

我只可以講 平有平養 貴有貴養
你要讀津校唔點學野8萬一定夠架
讀ischool 學下呢樣果樣 2萬就諗住搞掂無可能囉

現實世界好多結咗婚之後就係生仔，咪on99

你講邊到先
香港全世界最低出生率

我真係要慳住用

層樓千三萬，仲有6百萬還緊，月供2萬8
水電煤管理費雜費，一個月5千
兩個小朋友私校學費車費，加埋一個月萬5
一家4口飯錢，平平地一人一百一日都萬二
其他生活雜費一萬左右

無工人無車唔計4大長老都已經無乜淨

有 首期計唔計 自己供

小朋友名幼，每月學費加學興趣班$15000到…
未計日常佢食飯 保險 睇下醫生 去下playhouse 農場
每月洗係佢度2萬到。
請姐姐湊…人工機票..額外水電煤洗潔精咁$8000….
Ischool 諗都唔敢諗更加一闊三大

一家三口加姐姐洗費唔多….一個月一萬五都係好基本….
買送 保險 電費 差餉 交通 食飯 樣樣都唔小錢….
已經無揸車，供樓萬5，養2邊長老2萬….
剩交稅 兩公婆年薪150萬一年都要交10萬….
生一個都仲可以輕鬆啲啲，生2個讀名幼真係要勒緊褲頭。

已經自己跟功課，但英文同普通話始終搵番native教會好d,

如果父母有1個唔駛工作就好d. 但1個人搵8萬又唔係太易， 咁兩個一齊放左工，係要花好多精神再自己教晒所有野。你放工返到屋企7點，小朋友8點半瞓，邊再有時間教？

如果全部學術就叫填鴨，興趣班都真係俾小朋友有不同既發展。又唔係逼小朋友參賽拎獎