而家大個左，有手足口病，仲要發晒出嚟。最慘又係無得醫。醫生開左抗生素同paracetamol（按需要）。第一日晚，發冷要用暖包，四肢頸膊腰酸痛，瞓係床度都覺得用力。而且，應該發燒都幾嚴重，個腦高速轉緊。但可能意識唔高，所以都比較容易過。
第二日，以為有番多少力氣好轉，點知開始口喉嚨潰瘍，不斷飲水，都好易口乾，而且飲水口水都痛
。夜晚手掌開始有滋。瞓覺個時，手掌個d會癢。實在頂唔順瞓唔到，就食粒paracetamol入去，好快瞓著。但無兩三個鐘，就因為全身濕晒起左身。無辦法，唯有換套衫，繼續瞓無濕另一邊床。如事者，又全身濕晒，要沖埋涼添。之後，就瞓唔番，又開始癢，但食paracetamol 又會出汗。真係好難
而家，第三日，腳掌邊都有滋。最難受係神智清醒被病毒虐待係好難過，每秒佢都提醒你，你又瞓唔到覺避開去。長期病患，意志一家好堅定，小弟佩服。
我見網上話小朋友最多機會，大人都會有，但可能中左都係隱性。而家，真係發得應一應，真係手足口。仲要係等自己好番，一般要一星期。
有無巴打有同樣經驗？點樣會好過d?
同埋，有好多種手足口病毒，有次中左e種，你都唔會免疫下一種。其實，我幾時中都唔覺，大家覺得邊度中機會率較大？同埋有無得預防？唔想再有下次
