返工返到好冇目標

我出左嚟做野都有5年，講真我覺得自己初心同熱誠冇左。我本身係大學讀IT，第一份係做vendor，個時好撚多野做，又要打code，又要做BA,又要做routine maintainess 野，雖然低人工，但客人滿意我既工作態度同能力，好有成就感。
不過真係太低人工，所以就走去其他公司到做，但新公司做左一年後，我發現我冇左個團火，冇左返工既熱誠。每日等食飯收工，我終於開始明白啲老屎窟既心態。

講真我唔想成為呢種人，我知做野認真，對工作上心好撚on9,但做on9仔起碼滿足過做隻喪屍。不過若果繼續做喪屍人工真係好好多，起碼叫儲到錢

我唔知自己想點，我覺得自己好迷惘

做醫生

其實真係想問下點樣可以令自己繼續可以維持初初熱誠

唔係講笑，我以為我出post

返普通工就唔使喇 又唔係做醫生懸壺濟世
間公司又唔係自己 交到貨就算

我做左兩年野都未夠已經老屎忽心態 返工等放工 公司performance 點關我撚事

我知間公司唔係自己，但有時一句肯定，令你知道自己唔係廢人，而係有價值既人
但加下做野，人工係有但真係冇個種感覺
呢個就係矛盾位，如果成就感同人工都冇就一早走撚左啦

放棄理想 （純技術code狗+architect)，返份9hea但高人工升得快嘅工
換咗十年安穩日子，高人工，儲夠錢結婚生仔

但我最近每日都問自己係咪之後30年都要咁過

我明白
你再過幾年會發現自己浪費咗自己技術上嘅天賦，又唔hands on，好似連做自己project嘅能力都失去

我建議係工餘做吓project/open source/leetcode
我就係太懶，以前工餘時間走去玩好多興趣嘢

以前做code 狗+BA真係好撚辛苦，人工又低但做好個下好開心。加下我呢份工係要氹啲code狗做野又要氹啲user同老細，講真冇咁開心。

我加下報啲course讀下，叫搵啲野做，唔好一直做喪屍。不過一份工就變返喪屍mode

一返工*

傻喇 一句肯定就係想你本埋條命死做爛做咋
真係讚你咩 想你上腦搏埋條老命
你企係你上司老細角度諗就明 點會唔想員工賣命
野夠做就得 平常心 做野好好睇睇 老細想升就會鋪路你行 佢唔升你做到死佢都唔會可憐你

我記得有人講過返工既成就感只係資本主義強迫人努力工作既因誘，但係今時今日人類的確靠呢一樣嘢先會繼續進步，如果唔係，個個都會變懶，社會唔會進步。
我唔係要幫老細們講說話，但人的確要有信念先可以生存到。只要有合理既回報，其實仆心仆命真係冇所謂

其實真係睇老細或公司點對你，佢哋對你好你咪付出多d
我上年轉咗腦細條友冇以前嗰個咁好，短視又無能，成日做埋d白做嘢，畀建議佢一係唔聽，一係以為你玩嘢
依家佢講乜就做乜，我做嘢拖得就拖，夠鐘就走人，理撚得佢死

要滿足感就挑戰自已寫一個屬於你自己嘅AI幫你工作上全自動打bug free code

到時財務自由不是夢

好好彩我過工既工，啲老細都算好好人，而且好supportive。只係加下做既野比唔到滿足感比我，但要我做返code狗，收咁低人工又想死

但你跳出個框框諗吓
你女人 你屋企人 你朋友會唔會比錢重要
再講做野學野係為自己進步 滿足自己求知慾好奇心 從而認識世界更多
繼而自己portfolio更靚可以搵更高職位更多既錢
而唔係只係幫一間公司死做爛做得到個一刻成就感 讚完你你可以開心幾耐？
進步係來自人貪婪而唔係讚賞一刻高潮
要讚你一句好容易架咋

IT code 狗人工好高架喎

其實code狗唔係咁好做，一來coding既發展其實好快，你要不斷keep住進步同學新既language先有value。二來香港做code狗點都唔狗大陸佬同印度佬勁，佢地又平又快，你純做code狗係香港好難生存。
呢個亦都係主要原因唔再做code狗

我it 個frd都咁講

不過it 好快上40k

好多大學生都冇咁既人工

所以加下努力搵啲工作以外既價值，但係暫時未有目標

努力搵喇

其實去到呢個人工就唔只做coding,多數都係做testing同埋同user 做communication
大陸人同印度人最大問題係佢地好似機械人，轉少少彎已經企係度，同埋佢地唔識同人溝通，要佢地直接對住啲user講一埋technically terms,個user實屌曬鬼，所以係香港做IT最大價值就係做中間人。但係呢一樣工作亦都係令我做到懷疑人生嘅一樣嘢。因為點都唔夠做coding咁有成就感同開心