究竟迦南地區係屬於猶太人定阿拉伯人

舊約聖經嘅上帝惡到仆街，以前中學讀嗰陣成日避重就輕，冇乜介紹上帝淨係講舊約嘅人物所羅門，摩西嗰啲

係舊約初心係建立一個強大又聖潔嘅民族，令其他各國嘅人前來歸附，一齊變得純潔，藉此解決人類犯罪嘅問題

然後理所當然地failed，哩班以色列人犯嘅罪比外族人更加不堪

神有預言集合返佢離散嘅子民，但係咪指血統上嘅猶太人後代就有保留

當時以色列分南北兩國，先係亞述吞併北國，南國倖存；後尾巴比倫滅亞述做霸主，揮軍吞埋以色列南國

希臘同羅馬係再之後嘅事

香港都咁俾人搶咗啦，自古以來呀

猶太佬本聖經都話你知，迦南梗係屬於迦南人架啦，唔係約書亞屠城黎托柒咩

屬於迦南幼稚園

上面嗰耶撚見人批評聖經就發晒狂
又講唔出錯喺邊度
可以不理

舊約啲故仔好獵奇 好適合拍cult 片

摩西出埃及之後由約書亞突襲迦南地，話係上帝叫佢哋去佔領迦南，之後好似不斷屠城

當然啦，從來都係拳頭話事
不過都想研究下聖經入面有無所謂正當性姐
因為以巴立場都係建基於古籍入面

嚴格黎講，根返聖經既用字，以實瑪利唔係大仔，「只係一個仔」（創世記21:13）。
大仔係一家之主，委以重任，尤其（如無意外）將會繼承家產同得到祝福。
以撒都冇用大仔呢個字，而係獨仔（根本就得佢一個）。

首先從現代DNA上嚟講猶太人同阿拉伯人係同源，只不過係古代猶太人選擇定居而阿拉伯人選擇繼續遊牧，所以各自由同一典故選個角色亂認祖先，往後猶太人在以色列地區定居同發展 然後經過幾次滅國令佢地離散各國，而遊牧的阿拉伯人在果千幾年明白定居先上計，慢慢填滿咗迦南地，本來相安無事，點知19世紀歐洲反猶高潮加上二戰大屠殺令佢猶太人想搵地建國生存 最有理由搵個聖經寫現成的上帝應許之地

咁都好清楚下
咁即係伊斯蘭教唔接受呢個說法？

雖然我唔可以100%肯定咁答你，基本上係唔接受。伊斯蘭教覺得聖經有錯（但冇講明邊度），自己寫過另外一本（但build on 聖經）。有好多野相似，但係成個世界觀都好唔同下。
印象中，佢地自己都有爭議究竟亞伯拉罕係獻左以撒定係以實瑪利。

不過我都見到另一說法係，以撒個大仔以掃俾雅各呃左個長子名分得祝福。而以掃都係阿拉伯人既先祖。唔知呢個又岩唔岩

呢個講法我有保留。

首先，雅各得到既亞伯拉罕果個祝福，其實唔係呃返黎。（呢段一D都唔juicy，相對好少人講）

創世記28:1-4
//1 於是，以撒把雅各召來，給他祝福，並且吩咐他說：“你不可娶迦南女子為妻。
2 起來，往巴旦亞蘭你外祖父彼土利的家裡去。在那裡，在你舅父拉班的女兒之中，為自己娶一個為妻。
3 願全能的　神賜福給你，使你繁衍、增多，成為一個包含多個民族的群體！
4 願他把亞伯拉罕的福賜給你——給你，也同樣給你的後裔，使你得到你寄居的地作產業，就是　神賜給亞伯拉罕的。”//

事實上，雅各同以掃未出世，已經講過係雅各會係勁果個。（呢個位原文有少少含糊，但係特登講即係同一般情況唔同都唔奇。）

創世記25:21-23
//21 以撒因為妻子不生育，就為她禱求耶和華。耶和華應允他的禱求，他的妻子利百加就懷孕。
22 兒子們在她腹中相爭，她就說：“如果是這樣，我這是何苦呢？”她就去求問耶和華。
23 耶和華對她說：“兩國在你腹中，兩族要從你身上出來、分開；一族會比另一族強，大的會服侍小的。”//

之後，聖經係咁講以掃既祝福，係特登寫到唔清唔楚：

創世記27:39-40（和合本2010）
//39 他父親以撒回答說：
「看哪，你所住的地方必缺乏肥沃的土地，
缺乏天上的甘露([27.39]「你所住…甘露」或譯「地上的肥土必為你所住；天上的甘露必為你所得」。)。

40 你必倚靠刀劍度日，
又必服侍你的兄弟；
到你強盛的時候，
必從你頸項上掙開他的軛。//

好野比晒以撒，其實都冇咩好野剩返。

另外以掃係娶左以實瑪利個女。
係咪呢條線出阿拉伯人我就唔知，就算係都只係掹車邊。根據當時父系社會既睇法，族譜係記阿爸果邊（例如去到現代，拉登Osama bin Laden 都係Osama, Laden個仔。）

創世記28:8-9
//8 以掃就看出，父親以撒厭惡迦南女子。
9 於是，以掃到以實瑪利那裡去，在已有的兩個妻子之外，娶瑪哈拉為妻；瑪哈拉是亞伯拉罕的兒子以實瑪利的女兒，是尼拜約的妹妹。//

誰大誰惡誰正確

以撒妻子莎拉懷孖胎，以素係大仔，雅各係細
以撒比較鍾意以素，莎拉鍾意雅各
最後以撒祝福咗雅各

雅各比較聰明，以素比較體力型

雅各 以色列猶太國
以素 阿拉伯人

加沙

五毛，你可唔可以真係讀下書先講嘢呀…..

屌，我認錯回憶小子，決定自膠

耶撚真係好笑
阿伯拉罕有兩個仔
年紀大啲嗰個唔係大仔

立國時係咪冇得揀？

應該唔止加沙，應該包埋今日以色列，西岸同附近地區

大仔唔係元配生