[本地足球] 2023/24 港超聯、亞冠及香港隊討論區 (75)

shinichiyat(LB)

1001 回覆

4 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

M子(迷金) 2023-10-11 22:31:59

震驚13億人了

shinichiyat(LB) 2023-10-11 22:33:02

聽日香港將會對不丹，不丹足球，大家會聯想到咩呢？香港喺2018年俄羅斯世界盃亞洲區外圍賽，曾經兩對不丹。

如果由今年嘅南亞足球錦標賽嘅表現嚟睇，不丹可能會比2015年時好少少，但喺亞洲嘅實力，依然係‘’有限公司‘’。

不丹流行足球，係多得英國人傳入同影響，不過1982年先正式參與國際比賽，贏到嘅國際賽唔多，第一場贏波，係02年對蒙特塞拉特島，喺主場大炒4蛋，呢場國際友誼賽，咁啱係兩支排名好抵嘅隊伍對戰，所以被拍成紀錄片The Other Final，呢場比賽係不丹喺國際比賽嘅首勝。

第二勝就係2004年亞洲盃外圍賽第一圈，主場對關島，大炒6比0，當時關島係貼底嘅魚腩，然後就要數到08年嘅南亞足球錦標賽，以3比1擊敗阿富汗，嗰一屆不丹成功壓過孟加拉次名出線入四強，係歷年來最佳成積。

跟住就要數到2018年俄羅斯世界盃外圍賽，第一圈雙殺老對手斯里蘭卡，作客贏一球，返到主場再贏2比1。

然後2016年舉行嘅亞洲盃外圍賽附加賽圈，主場以3比1擊敗孟加拉。再嚟數到2022年卡塔爾世界盃外圍賽第一圈，對手係關島，首先主場先贏一球，不過作客吞五蛋出局。

最近一場勝仗就係9月6號作客贏澳門1比0。

總括來講，佢哋喺國際A級比賽，就只係贏過呢一啲比賽，雖然呢幾年，不丹聯賽嘅改變，令到球員能力有啲提升，但老實講，而家佢哋同香港嘅距離都仲有啲，如果唔係香港自爆，香港主場要贏波都冇咩問題嘅，不過作客始終係高原地，可能惡打啲。

其實不丹唔係止係贏咗呢幾場，佢哋都有喺啲非官方認可國際比賽中贏波，好似2007年，不丹去錫金參加Sikkim Gold Cup，曾經三比零大勝西藏，只不過佢唔係國際A級比賽，比賽中不丹係用“Bhutan XI”之名出現。

#其他波