One piece 海賊王1095 情報+討論

路飛第一部就有
第二部魚人島秒五萬人
卓洛和之國先開始有
呢到睇到個差距

今個星期休刊？

係

山治得見聞🤣🤣武裝冇用過🤣🤣

路飛有2,3檔，卓洛都多左九刀流

打莫利亞最難打係奧茲，路飛都係靠食一百個影子先打贏
同打雷神一樣
呢一part似係主角光環

On9

我估靈巧度係指用道具嘅能力
路飛用威霸即時炒車
娜美一用就上手

明明識多嘢咁多，知識都係高一格
廚師有靈巧度好合理，又係唔推高佢

知識如果係指智慧都合理D
因為三個係某D方面都係白痴

廚師識咁多野都只係高純打手嘅卓洛一格
呢個真係職業歧視
仲未講卓洛作為劍士但對刀無乜認識

呢個真
諗返兩年前打七武海
路飛打沙鱷都要輸兩次，最後靠打弱點先贏到
莫利亞要圍毆先打贏
卓洛打熊可以全身而退算係咁
山治兩年後都仲俾明哥吊住嚟打

兩年後打大將，俾藤虎一出場就屈果實無認真打過，唔計
雙皇戰唔使講喇，打雙皇打到殘血後仲打後贏King

反而路飛有主角光環，絕大部分篇幅都講佢點成長
兩年後其他船員嘅成長就絕少篇幅去講
係有嘅，但真係好少
卓洛霸王色都係凱多一句就當交代左就算
次次打Boss 都要靠3Rounds 公式先打贏
就算路飛贏到凱多，我都唔覺路飛實力上真係強過凱多

所以路飛同卓洛實力應該唔會相差太遠

有用過 不過比人踢到斷骨

Zoro打熊全身而退係熊自己友放生佢咋，兩年前個實力熊認真全團一齊上都俾佢秒啦，講到夠熊打咁

兩年前打cp9已經好清楚路飛>>Zoro同山治，如果佢同路飛實力差唔多就唔會同山治一齊苦戰道力得路奇一半嘅對手，路飛亦都唔會講到明自己打唔贏路奇就全團都要死

兩年後吹到無人逼到Zoro 出全力，結果打藤虎一招俾人壓到吐血，柒咗就話人屈果實能力唔計

打雙皇打到殘血後仲打後贏King

食咗藥講明暫時完全恢復滿血，打完之後先有副作用，殘乜野血？

Zoro苦戰緊頭馬King嘅時候，路飛苦戰緊可以一棍秒打贏頭馬卡二嘅路飛嘅四皇凱多，咁叫差唔多？
路飛唔用霸纏，純五檔三拳普攻打到路奇接近失去意識，Zoro打路奇打咁耐都未佔到上風連贏唔贏到都成問題，咁叫差唔多？
我建議Zoro幾時秒到路奇再同路飛比啦

以五檔接近黃猿嘅速度，一拳打到大將瞓低嘅攻擊力，加埋預知未來，認真打起上嚟，尼卡一拳秒Zoro根本唔會比紅髮秒基德難幾多

同明哥條靚打果次？🤣🤣🤣🤣

第一次俾滕虎屈果實
第二次卓洛已經輕鬆擋滕虎，幫路飛開路

我費事cap咁多圖
自己睇返747話

契仔俾藤虎一刀壓到吐血=藤虎屈果實唔計

契仔擋住藤虎無用能力求其一刀=契仔擋大將勁輕鬆


我發現契仔粉嗰種肉酸真係世間少有，同贏國一樣點樣都贏，只有小贏中贏大贏嘅分別

我只係話路飛同卓洛實力唔會相差太遠，無話差唔多

兩年前草帽團無人有七武海實力啦
路飛打沙鱷只係屈弱點險勝，單挑唔會贏到莫利亞，未有四檔更加唔會贏明哥
咁我都唔認為兩年前卓洛贏到熊嘅，但起碼都過到兩招，但山治踢熊一腳就踢到斷腳咁款

道力設定就算吧啦，懷疑尾田已經唔記得左
真係要計嘅話，卡古未食果實先同狼差唔多，食左應該會再高啲
係咪路飛>>卓洛=山治我有啲保留
應該係路飛>卓洛>山治

卓洛同藤虎打唔計係佢地只係過場打兩下，無認真打過
唔通青雉冰左明哥一下又真係當青雉>明哥咩

假設King 同卡二都係皇副，實力相約嘅話
打贏King 嘅卓洛實力應該可以同未有流櫻霸纏五檔嘅時候，打贏卡二嘅路飛相約
當然學左流櫻霸纏五檔嘅路飛實力就可以上到四皇級喇

以同一時間嚟比較路飛>卓洛都係毫無懸念
我只係話佢地實力差唔遠，無話差唔多
當然設定上卓洛仲可以學埋流櫻霸纏，所以卓洛實力仲有上升空間

藤虎叫無用能力求其一刀
咁卓洛咪一樣係「求其一刀」，你有見佢出大絕？

我諗任何人擋到四皇求其一拳或求其一刀都足以係實力嘅證明黎
你就講到擋大將「求其一刀」好平常
到底你係踩緊卓洛定係踩緊大將？
你眼中競技場班人係咪都可以擋大將「求其一刀」？
你要咁諗我都唔阻你，原來阿豬阿狗都可以擋到大將唔用能力嘅「求其一刀」

碌左兩頁 又係傻鳩戰力討論

閻魔強制釋放卓洛嘅霸王色
所以卓洛嘅刀已經有霸纏
同路飛嘅霸纏係咪同level真係唔知
但佢似乎無必要學流櫻，因為閻魔幫佢直接升左級
所以我會咁排
霸纏五檔路飛>閻魔卓洛>流櫻路飛
卓洛係劍士，同路飛嘅升級路線唔同，換勁刀反而仲實際過學流櫻

當個po水靜鵝飛
提一提雙翼 即刻熱鬧過灣仔夜繽紛

幾好呀
雙翼討論仲好睇過漫畫本身

就黎寫論文都得