[長氣多圖][絕不爛尾] 曼谷芭堤雅肥西之旅

轉個圈又坐酒店車番左酒店



估唔到兩日都上到黎lounge

仲以為去旅行都唔會有時間
結果日日都hea住過唔想出去

今日坐靚位

雖然隻窗幾污糟

但個海景真心正

頭先都已經食左野
所以意思意思下已經可以







重點係可以叫下特飲



番房休息下就終於落去玩水
決定邊度都唔去淨係係酒店耍廢

最低層呢個泳池都算係個infinity pool


不過都幾細下
基本上真係純打卡用

後面有呢種水床可以hea


上面幾間係特色套房

即係露台有私人風呂果隻
同我地房型差唔多價錢
但因為間房係同普通房一樣大細
所以我都係揀左而家比較大果隻房型
而且佢樓上就係餐廳
應該會比較污糟

入黑人就唔見晒了


泳池下面係直接連埋沙灘


仲有呢種特色帳篷可以打卡


酒店既私家沙灘


其他人應該就入唔到黎

遠一邊既海角係熱鬧好多


夜晚條樓梯都有d樹林feel

上埋去大堂個泳池游多陣

呢個就真係大好多
而且夜晚無乜人



上面ballroom好似有人慶祝緊


頭先係商場買既

番房又再浸過


本來都有諗過去司機阿姨講果個thepprasit夜市

但好似有少少遠又唔想郁
最後都係繼續hea成晚

heahea下聽到出面好大聲

搵左好耐先見到原來有煙花放
但已經岩岩放完

lounge之後都無咩點食野
但就完全唔肚餓
今晚就靠呢舊朱古力充飢



DAY4 完

竟然
我見呢條友拍有12款
https://www.youtube.com/watch?v=OZw1ujfK9Go&t=335s

上次我自己揸車來回去芭提雅

來回都係個個休息站食咗漢堡王

屌 。 我又係住呢間

緊係 。沙灘尾條花街

上次生吞左條墨魚

係飛機夜市

個邊好危險乜仲有人去個邊
唔驚比人捉去kk園
一去左kk園人生就結束

十個孖寶即係廿碟野?
點食
放題都唔知叫唔叫到

上次生吞左條墨魚

係飛機夜市

有無口爆既感覺

唔知道係咪佢撞中特別日子
一直都係聽講三款

DAY5.1 Blue Elephant Restaurant 曼谷半島酒店

今朝又落左去食早餐
今次終於識入冷氣房坐

真係舒服好多
雖然無景睇

不過野食都真係幾鳩下

試少少就算


淨番少少時間就係房執行李同係露台感受埋芭堤雅最後既海風

朝早潮退真係露好多出黎

雖然叫做係度過左兩晚
但就覺得好似無咩點遊過芭堤雅
黎黎去去都係係個terminal 21徘徊
無去夜市
無去水上市場
無去睇海豚
無去主題公園
亦都無食到小阮話好撚好食果碗牛肉粉
但我又無咩意慾想再番黎呢個地方
如果有下次既話應該會去有米芝蓮既城市
例如布吉或者清邁
都估唔到第一次係po聽巴打提過既孔敬原來都有唔少米芝蓮餐廳
總好過次次都去曼谷既

今次由芭雅堤番曼谷
我地11點就走
因為book左兩點鐘去食blue elephant
如果再遲走既話就趕唔切

今次呢個司機好斯文
但就差唔多完全唔識英文溝通不能
唯有直接同kkday客服傾想中途去一去之前住果間酒店拎番把遮
佢客服回覆速度好快
見你一開始無反應仲直接whatsapp過黎
今次架車係kkday book
都係3舊水左右
咁個客服講比多100匹司機就得
唔洗再比kkday
但個司機又好似好老實唔太想收咁
好搞笑

星期日塞左少少車
用左兩個鐘多d番到舊酒店


然之後再用多廿五分鐘到達blue elephant
唔夠時間去左半島先
唯有拎埋行李去食飯

blue elephant即係之前係big c買到盒裝即食包果間餐廳
係米芝蓮推介泰國菜餐廳
亦都係一間廚藝學校
由女廚chef nooror係2002開辦
klook都可以報到名

餐廳係一座獨立屋
樓高三層
係間幾有特色既餐廳兼學校

門口貼左好多貼紙

好多都黎自支那
不過佢都唔係有星既餐廳
感覺服務都係一般
我地企左係門口一段時間都無人理我地

地下有賣自己既食物包

無比較過會唔會平過big c買

樓梯仲貼左好多相

有米雪份

book左兩點鐘
再加遲左少少先到
入到黎只係剩番少量食客


地下裝修都係木系庭園風

就唔是張張檯都有檯布

我地呢張就無既

不過檯面都有鮮花裝飾


佢有兩個menu
好似話tasting menu就唔夠時間
不過我地原意都係想試平d既thainess menu

都勉強見到係六道菜
價錢就1680一位
大約同之前係大館食過米芝蓮一星既aaharn差唔多
不過而家粒星已經無左

餐牌另一頁係佢地唔同餐廳分店既畫像


可以當名信片咁帶走

主菜

正宗泰式四餸飯
有牛有蝦有雞有菜
而個青咖哩雞都一樣用頭先個大象壺熱住

食完就明白左一樣野
黃咖哩就唔辣既
紅咖哩係中辣
而青咖哩係最辣
因為係香港食開濕鳩野都無咩分別所以到而家先明
不過碟牛都幾一般
蝦亦都唔特別
青咖哩就真係同買番屋企果件盒裝差唔多

最後甜品係擺款最靚既

雪糕
芒果糯米飯
同椰子布甸
都有些少伴碟
同唔會太甜

臨走果時去洗手間
要上一層
望過下都係大檯黎



大約食到三點九
其他客都差唔多走晒
水要收錢
160匹一枝
亦都加左個椰青
285匹
連埋果17.7%服務費埋單都要4千5匹

港紙一千蚊左右
平均都每人五百
餐廳裝修係幾靚既
都有氣氛
不過少迫
食物正正常常就無咩邊一樣特別好食有驚喜
服務都普普通通
黎同走果時都無咩招呼
企係門口都唔會點理你
咁我就覺得算係間好普通既餐廳
但係收國際價錢
都係買番佢d食物包好過

食完飯又要煩點樣搵車過去酒店
雖然藍像就係空鐵站下面
但曼谷半島附近就無鐵既
拖住gap行又係煩
N年都call唔到一架車
一係黎到又係無影消失左
等左勁撚耐最後先截到架黑的
又要講價先上得
真心曼谷交通真係勁撚柒煩

今次間半島就好好啦
落車已經拎晒行李接你入酒店
咁先係福布斯五星架嘛
同東京澳門住過果幾間無得比
雖然都係要係櫃檯做check in
因為聽日會直接係度坐車去機場番香港
問過一點check out都可以
之後有職員再帶上房簡介
都係正宗六星酒店要有既服務啦

曼谷半島酒店
亞洲六間半島之一
全部都係福布斯五星
1998年落成
全棟酒店樓高37層
2020開始由半島集團100%擁有同經營

電梯都大部

大堂L層即係1樓
有多國菜the lobby
即係香港既大堂茶座
酒吧the bar
仲有間裁縫店
而中菜廳湄江其實係要大堂落一層樓梯先到既
唔知點解佢會寫係同一層
G樓就係大堂落一層
有平台泳池健身室
自助餐廳river cafe & terrace
泰國餐廳thiptara
同埋有個私人碼頭
可以坐接駁船去iconsiam或者sathorn碼頭
2樓係寫字樓同會議室
3至37樓都係客房
頂樓37樓同香港半島一樣都係直升機坪同休息室

今次我地住12樓04室


樓層唔算係全密封

走廊會有窗可以望到街景

1204 deluxe suite


平面圖

酒店W型左右對稱設計
兩邊都有電梯上落
同香港半島一樣
都有時會迷失
曼谷半島有分deluxe同grand deluxe房型
房入面設計大細一樣
分別只係grand deluxe都係23樓或以上
最入門既deluxe room都有差唔多500尺
02,03,05,08,10同11號房就係呢隻房型
06同06係deluxe balcony room
多左個露台
我地睡房隻窗都望得到
官網無show到01同02號房
估計都算係deluxe room既亞種
而我地04同09號房就係樓層唯二既套房
大約800尺左右
位於W型既兩個尖尖
算係酒店最開揚既位置
而其他特色套房都係比較高層
premier suite係19樓
估計係06同07房既合體
the thai suite係36樓
大概係premier suite再加08房
the terrace suite係37樓
應該係01-05房加埋晒
01個位就變左露台位
仲有個露天按摩浴缸
the duplex suite係36同37樓既複式單位
總統套房the peninsula suite係34樓
可能係03-09號房既範圍
差唔多4千尺大

開門入去有個小玄關


扮工檯就係對住小玄關同門口

唔知咩玩法
檯上面有齊兩腳三腳插蘇同USB插

扮工檯後面竟然係客廁


呢個客廁係有窗既
浴室反而無
而個窗景係可以望到下面平台泳池


玄關個轉彎位係mini bar


水係用自己牌子
並唔係玻璃裝


下面係雪櫃

全部都要收費

再轉彎就有個影音櫃

有部bluray機同低音喇叭
都係pioneer野

扮工檯對出就係客飯廳

有成三隻落地窗咁多
仲有張茶几同飯檯

飯檯上面擺左枝紅酒

朱古力
同welcome card

仲有蘋果一舊加兩碟精油

三隻窗可以望晒成條湄南河


景觀算係一流
香港半島既套房要住去到第四級先有海景睇

客廳梳化

部電視機係可以電動轉角度既

走廊後面盡頭有個矮凳櫃係用黎放行李

下面有個櫃桶算係同走廊相連
出面都可以放到野入黎
不過就好隱閉唔會留意到

衣櫃


拖鞋有白色同灰色

幾舒服

另一邊就係睡房

預設得四個枕頭

床頭無聖經佛經

仲有唔同既usb插
唯一不足就係無無線充電
另都有個電子panel可以較光暗同冷氣
同埋窗簾都算係電動
雖然都係有歷史既酒店
但同香港半島一樣比想像中先進

尖型窗


可以望到下面私家碼頭


但呢隻窗要同格離上下房對望

私隱度就差左少少

電視機距離又係遠

而且都細部

風筒係梳妝台入面


夾萬都係房入面


最後係浴室
係雙門式要推開既
幾有儀式感

好半島式既左右雙洗手盆同三塊無限輪迴鏡

連水制都維持番傳統式要扭開


同香港一樣護膚沖涼全部都係自家製


仲幾大枝下
但預設只得一套

浴缸都大個

不過電視機就竟然係crt老爺機
而且夜晚沖涼發覺個浴缸係會漏水
慢慢慢慢就會去左水
保養就差少少

燈制面板式


入門口左右係座廁同企缸
空間大


另一邊企缸水力好猛

不過個制設計就好複雜
要研究先用到

咁成間房就差唔多
係trip.com book呢間房星期日入住減晒優惠岩岩好三千蚊連埋聽日自助早餐
同香港一樣都係無lounge設計
不過酒店入面就仲有唔少活動可以參加
呢個價位唔算咩特別優惠價可以住到套房都算抵玩既
即係咁講
泰國普遍物價係低既
但係去到國際級既野
可能都係會平些少
但就唔會相差太遠
正如去瑞士咁
平時食個垃圾碟頭意粉都要兩舊水
但去到酒店又會變番正常價位
如果用香港物價去睇既話呢間曼谷半島都算係唔錯既
起碼平過東京
我自己都幾滿意呢間房
夜晚都訓得好舒服
樓下職員幾有禮貌
同埋見你on99會主動幫忙
比起東京住果間高輪花香路或者澳門既萬利同上澳京更加值得擁有福布斯五星既稱號
半島真係抵讚既
雖然都係佢令到我個婚禮更加麻煩
只可以話又愛又恨



續


之後仲有兩篇先完得到
但要等到係日本番黎月尾先再寫了
可能再更新下香港或者澳門先會開始北近畿

暑假weekend去有5款 肉類嘅質素都唔錯 如果同返香港自助餐比性價都仲係算高

去完關西番黎
終於可以自己plan行程
好撚爽
不過代價係行到腳都跛埋
而且柒事太多
要避一排風頭先出遊記
廢事被點相




DAY5.2 文苑 Icon Siam

番黎曼谷呢一日既餐廳基本都係老婆決定
佢話網上見到有間吹到飽汁撈麵好撚好食既叫做文苑餐廳
雖然未有星星
但都勉強算係米芝蓮餐廳
所以我都無咩異義
即係我地最後一晚係去食番粵菜
呢間chef man無網上訂座系統
今次就透過visa秘書去book既
全程係whatsapp溝通
過程都好順暢
過左一兩日就收到email話預訂成功
仲幫我地預留左一隻片皮鴨

book左六點半
我地就差唔多六點落樓
地點就係今朝食果間blue elephant格離
不過今次唔洗拎行李
就搭咩都無所謂

落到大堂一定會見到既係大堂茶座
但有時又會見到有閒人坐係度
我都唔知佢係有無開既

落一層樓梯

就係半島既中菜廳湄江
不過曼谷半島所有餐廳都係入唔到米芝蓮既

精品店隻熊仔同香港果隻係一模一樣


穿過埋自助餐廳門口就會黎到半島既私人碼頭

不過佢地定期班次目的地全部都係icon siam
介紹間房果時問過如果想去另一個碼頭sathorn會係幾點有船呢
佢地就答我話係by request

咁實際落到碼頭request完啦
佢就叫我地係張凳坐下

就唔答幾時先有船
而咁岩出面就落大雨

過左陣有班船埋岸
班人落晒船就終於叫我地上船

呢班船我地都包船坐

雖然出面落大雨
但都係個唔錯既體驗

半島酒店外觀係更加似一座住宅

大約五分鐘船程就會去到sathorn碼頭

隻船係大大隻半島英文字
落船有些少優越感

碼頭同空鐵站就大約一兩分鐘距離
個站就叫做Saphan Taksin


呢個站係個單線車站

所以要留意google map時間或者列車方向先好上車

車站出面有間幾有支那味既廟

搭一個站就係Surasak站
諗諗下頭先其實只要搭一個站就轉船就可以到達酒店
不過拎住兩個gap走上走落都係煩
收工時間又係塞撚晒車

可能呢條路真係特別繁忙所以先call極都call唔到車

今晚食既文苑就係同我地之前住既eastin同系酒店

門口仲有噴水池
佢地格離果座就係blue elephant

呢間酒店一樣係bts站有天橋直入
入到去行一陣就已經係chef man

文苑係曼谷有四間分店
不過得呢一間先係米芝蓮推薦餐廳
我自己就覺得服務一般

環境都唔係點樣高級粵菜既feel


不過周圍既食客同小二都有些少高倣

有個半開放廚房見到一堆廚師同個烤爐


我地張四人檯都好大張

夠擺晒全部野

文苑係由港人文偉賢係2011年創立

唔知同香港其他既文苑有無關係

價錢係曼谷黎講都算係幾貴既餐廳

尤其是燒鵝都要成四百幾港紙先有半隻




基本上都已經係香港價

先上既係細既叉燒

完全唔掂

同街邊燒味舖無咩分別
都無咩好提

之後阿師傅就係格離開始片啦

心諗終於可以同師傅吹下廣東話
點知師傅一開口就講支那語
即刻收晒皮


呢度係一隻既份量
因為無得叫半隻

個擺盤都ok
不過都係偏細塊
而且仲多左一種食法就係夾埋芒果
但實測係完全唔夾既
塊皮都係一般般